Isaia 26:4 - Ghari

⁴ Ka noru sailaginia na Taovia; maia sauba ke reitutugugita sailagi.

Isaia 26:4 Referans Kwoze

Isaia 12:2

God aia nogo niqu vagamauri. Maia moa sauba kau norua, ma kau gini tau goto matagu. Na Taovia aia nogo na susuligaqu ma niqu vagamauri.

Linge 62:8

Igamu niqu tinoni kamu noru sailaginia moa God. Katevulagia vania aia pipi na omea sui e ngoligamu, rongona aia nogo nida mani totu raviravi.

Linge 55:22

Mololakagira na omea sui ara ngoligo i limana na Taovia, maia sauba ke isutugumu; aia e utu ke tamia na tinoni e goto niqira sasaga kara pukavisu lê.

Pilipi 4:13

Au susuliga na bariana pipi na omea sui ara laba vaniau ginia na susuligana a Iesu Kristo nogo e sauvaniau.

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Linge 62:11

E danga kalina inau rongominogoa God e goko me tsarivaganana, “Inau segeniqu nogo au tamanina na susuliga,

Linge 46:1

God aia nogo nida raravi ma na susuligada, e totu varangisigita me vangaraua na sangaada tana tagu na rota.

1 Samuel 2:2

“E tagara ke kesa ke tabu loki vaga na Taovia; me tagara ke kesa ke atsalina aia, me tagara goto ke kesa ke reitutugugita dou vaga e naua nida God.

Isaia 50:10

Igamu sui amu kukuni tania na Taovia, mamu muridougira na goko aia nina maneaqo e tsarivanigamu, kamu laka na matagu. E tau utu na sautu amu liu bâ i konina kalina ia ke rodo manana, migamu kamu norukakaia moa na Taovia, ma kamu vataragi i konina nimui God.

Mateo 6:13

Ko laka mololegami vania na tabotabo, mo ko maurisigami tania na seko sui.’

Isaia 45:24

“Me sauba kara tsaria, ‘Na Taovia segeni moa e sangagita, me susuligasigita.’ Migira ara reisaviau inau sauba kara gini rota na vangamâ.

Isaia 32:2

Pipi kesa vidaqira sauba ke vaga kesa nauna i tana igira na tinoni kara tsogoravi tania na guguri ma na legai. Me sauba kara vaga na kô e tatave i laona na kaomate, me vaga goto na auauna kesa na maragova dato ao i levugana na kaomate.

Linge 125:1

Igira ara norua na Taovia ara vaga moa na Vungavunga Sion, aia e utu lelê ke olaola, me utu goto ke ratsubamai.

2 Turupatu Dato 20:20

Mi tana matsaraka rovorovo na dani ngana, migira na tinoni ara vangaraua na vano tana kaomate ni Tekoa. Mi kalina igira ara aligiri na vano, ma Jehosapat e tû me tsarivanigira, “!Igamu na mane ni Juda mi Jerusalem kamu rorongo! Kamu vataraginikakaia nimui vainoru i konina na Taovia nimui God, me sauba kamu tukakai. Kamu tutunina dou na omea igira nina propete na Taovia ara tsarinogoa vanigamu me sauba kamu gini tangomana.”

Mateo 28:18

Ma Iesu e garumai i koniqira me tsarivanigira, “Na Tamaqu nogo e tusuvaniau pipi sui na susuliga loki i baragata mi barangengo.

Isaia 63:1

?Laka asei vaga aia e maimai talu tana verabau ni Bosra tana Edom? ?Me laka asei nomoa e sagelia na polo tsitsi rereidou sosongo, me maimai tana susuligana loki? “Inau nogo na Taovia, au susuliga na laumaurisiaqira na tinoni, mau gini mai rongona kau tetevagini gokona gaqu tangomana.”

Isaia 17:10

Israel, igoe o padalenogoa na God e laumaurisigo me didigo vaga moa na maragova loki. Mo tû mo tsukagira na uta tabu gana ko ba samasama vanigira na god peropero ni veratavosi.

Nina Papi A Job 9:19

?Me laka kau tovoa na rarai? ?Na raiana God? ?Se laka kau raqâ tana pede? ?Laka tangomana kesa ke raia me ke vano?

2 Turupatu Dato 32:8

A Senakerib e tamanina moa na susuligana na tinoni lê, migita a tamanina na susuligana na Taovia nida God ke sangagita me ke vailabu tuguda.” Ma nina goko vaga e tsonia a Hesekia na taovia tsapakae e malagaisiginigira nina tinoni.

Isaia 45:17

Ma na Taovia aia segenina nogo e maurisigamu igamu na Israel, ma gamui tangomana sauba ke totu saviliu; me utu saikesa kara paluvangamamui goto.’ ”

Linge 93:1

Na Taovia aia nogo e taovia tsapakae. E susuliga sosongo me tangiloki na rongona. Aia nogo e vaturikakaia na barangengo, me utu goto ke ratsu bamai.

Linge 66:7

Aia e tagao kalavata saviliu ginia na susuligana tsapakae, me morosigira dou na omea sui ara naua igira na puku sui. Vaga ia ma kara laka na kaekae igira ara sove na rongomangana.

Na Vaolusi Ketsa 32:15

“Igira nina tinoni na Taovia ara tamani omea danga, me atsa moa e vaga ia, migira ara petsakoe mangana moa; ara mutsa sosongo me gini subu na tobaqira. Igira ara piloligi tania God aia e aqosigira mara sove tania niqira vagamauri susuliga.

Na Vaolusi Ketsa 32:4

“Na Taovia aia nogo nimui isutugu susuliga, e doulaka me gotolaka pipi sui tana nina omeomea. Nimui God e gotolaka me mana saviliu; maia e naua moa na omea e mana me goto.

Isaia 30:29

Migamu moa nina tinoni God, sauba kamu magemage, ma kamu lilinge vaga moa amu naua tana bongi tabu. Me sauba kamu mage vaga moa kalina na tinoni ara dulikolugira igira ara puâ na uete na vano tana nina Vale Tabu na Taovia, aia gaqira isutugu na Israel.

Isaia 44:8

!Kamu laka na matagu igamu niqu tinoni! Igamu amu donagininogoa laka e tû i sau vasau, me tsau mai i dani eni, inau moa au katevulagigira idanogo na omea sui sauba kara laba, migamu nogo niqu rongovata. ?Laka e totu manana sa god tavosi vaga inau? ?Me laka sa god susuliga goto sa nauna inau au tau vati donaginia?”

Isaia 51:5

Inau sauba kau mai tsaku ma kau laumaurisigira, eo, e maimai varangi nogo na tagu niqu tangomana. Inau segeniqu nogo sauba kau tagaovi kaputigira na puku sui. Igira sui ara totu i tasi taligu ara amesi sosongolia laka kau mai inau ma kau laumaurisigira.

Daniel 3:17

Me ti vaga na God aia ami tu aqovania tugami ke tangomana na maurisitugami tania na umu romaroma me tanigotoa na susuligamu igoe, maia nogo sauba ke naua.

Daniel 3:28

Ma na taovia tsapakae e tsaria, “!Ka tsonikaea tu niqira God a Sadrak, ma Mesak, ma Abednego! Aia nogo e molomaia kesa nina angelo ke laumaurisitugira na mane tugirani ara tu aqovania mara tu norua. Ara tu petsakoe vaniau mara tu sove na muriana niqu ketsa au moloa, mara tu bisâ tu mauriqira mara tu sove na tsuporu tsuna ma na samasama vaniana sa god tavosi, maia lelê moa tu niqira God.

Na Vaolusi Ketsa 33:27

God aia nogo e isutugumui sailagi; me tangolikaeginigamu na limana saliu. Aia e tsialigigira nogo gamui gala kalina igamu amu maimai moa i sautu, me ketsaligamu kamu matesiligigira sui.

Linge 62:9

Na tinoni sui lakalaka ara vaga saikesa moa ti na guguvina tetelo lê moa na magomago; igira sui tû tana lokina me tsau tana tetelona e tau lelê goto tugugira sa omea. Molokaegira tana omea na tovomamava, ma gaqira mamava e tau goto tugua sa omea; ara malamala lê liusia na malamalana kesa na guguvina tetelo na mamagona tinoni.