Isaia 26:3 - Ghari

³ Igoe Taovia o tusua na rago laka vanigira ara totu kalavata i konimu, mara norugo moa igoe.

Isaia 26:3 Referans Kwoze

Pilipi 4:7

Ma nina rago God, aia e dou putsikae baa liusigira pipi na omea igita a donaginia, aia nogoria sauba ke matalidoua na tobamui ma nimui sasaga i laona nimui mauripata koluana a Iesu Kristo.

Ioane 16:33

Au tsarinogoa na omea girani vanigamu rongona i koniqu inau kamu totu, ma kamu gini tamanina na rago i tobamui. Na barangengo sauba ke rotasigamu. !Migamu kamu malagai moa! !Inau au tangomana nogo tana vailabugi koluana na barangengo!”

Ioane 14:27

“Na rago au molo vanigamu. Niqu rago segeni nogo inau au sauvanigamu. Maia e tau vaga na rago ke saua na barangengo. Migamu kamu laka na gini melu ma na padasavi, ma kamu laka goto na matagu.

Linge 9:10

Igira ara donaginigo Taovia, sauba kara norugo, rongona e utu vanigo igoe ko tsonilegira igira ara mai i konimu.

Roma 5:1

Eo, mi kalina ia, igita a totugoto nogo kolua God ginia nida tutuni, te e gini rago na tobada kolua God tana rongona nogo nina aqo a Iesu Kristo nida Taovia.

Isaia 31:1

!Sauba ke seko sosongo nomoa vanigira igira ara vano i Ejipt gana na lave sasanga mara vataragi sosongo tana susuligana loki niqira ose, ma niqira terê, ma niqira mane vaumate! Mara tau moa vataragi kakai i konina na Taovia, na God tabu ni Israel, se kara nongia ke sangagira.

Mika 5:5

maia sauba ke vaturia na rago i laoqira sui. Mi kalina igira na Asiria kara mai sagelia nida butona momoru ma kara bokia na verada, migita sauba ka molovanogira nida ida susuliga bâ kara ba vailabu kolugira.

2 Turupatu Dato 16:8

?Me laka igira na Sudan ma na Libia ara tau ngatsu tamanina niqira alaala loki na mane vaumate kolugira goto danga niqira terê ma niqira mane sage tana ose kalina igira ara maiginigo i votangana? Me rongona igoe o vataragi konina na Taovia tana tagu ia, maia e sauvanigo nogo na susuliga gana ko tuliusiginigira.

2 Turupatu Dato 13:18

Mi tana migira na tinoni ni Juda ara tangomana na tuliusiaqira na Israel, rongona ara vataragi i konina na Taovia aia niqira God na mumuaqira.

1 Turupatu Dato 5:20

Migira ara vataraginia niqira amesi konina God mara nongia ke sangagira, ma God e rongomia niqira nonginongi me sangagira, me gini managaqira na tuliusiaqira na Hagar migira sui goto ara sai alaala kolugira.

Isaia 48:2

Mamu gini kaekae moa mamu tsaria laka igamu na tinonina na verabau tabu, me laka igamu amu vataragi i konina na God ni Israel, aia ara soaginia na Taovia Susuliga Sosongo.

Isaia 50:1

Na Taovia e tsaria, “?Laka amu padâ igamu laka au sauligigira lê niqu tinoni vaga moa kesa na mane e tsonitunâ na tauna? ?Me ti ke vaga ia, miava e totu na mamarena na tsonitsunâ? ?Mamu padâ ngatsu laka au tsabirigamu mala tseka, vaga nogo kesa mane e tsabirigira na dalena mala tseka? Tagara saikesa. Ara aditsekavanogamu tana rongona nimui sasi segeni nogo igamu, mau tsialigigamu tana rongona nogo nimui tsutsukibo.

Linge 119:165

Igira ara padalokia nimu ketsa ara totu dou tana rago, me tagara goto ke kesa na omea tangomana ke tubulaginigira.

Isaia 12:2

God aia nogo niqu vagamauri. Maia moa sauba kau norua, ma kau gini tau goto matagu. Na Taovia aia nogo na susuligaqu ma niqu vagamauri.

Isaia 26:12

Taovia igoe sauba ko naua ma kami gini tamani omea danga; igoe nogo o tagaovigira pipi nimami aqo, mami gini tangomana tana omea sui ami naugira.

Isaia 27:5

Me ti vaga igira goto gaqira gala niqu tinoni kara nongiau kau reitutugugira, ma niqira aqo kara vaigotosigi koluau talu inau. Eo, niqira aqo kara vaigotosigi koluau inau.”

Isaia 32:18

Migira nina tinoni God sauba ke tau goto ngoligira sa omea, ma kara totu raviravi dou tana rago i laona na valeqira.

Isaia 42:6

“Inau nogo na Taovia au viligo, mau molovanigo na susuliga gana ko reiginia laka na pedegoto ke totu pipi nauna tana barangengo. Inau au tangoliginigo na limaqu mau reitutugugo. Me sauba kau mologo igoe mala niqu taso kolugira na tinoni sui, ma na marara vanigira na puku sui.

Isaia 42:19

Igamu inau au viligamu kamu lia niqu maneaqo, gana kamu gini adikaea niqu goko vanigira na tinoni tavosi. Migamu amu koko mamu mui liuliu bâ liusigira sui na mata koko ma na muikuli.

Isaia 49:8

Ma na Taovia e tsarivanigira nina tinoni, “Kalina ke labamai na tagu i tana inau kau laumaurisigamu, me sauba kau rongomia nimui ngangai dato vaniau ma kau sangagamu. Inau sauba kau mataligamu ma kau reitutugugamu, mi konimui nogo igamu ti inau kau naua kesa na vaitasogi kolugira na tinoni tavosi sui. Ma kau tamivanigamu kamu totuvitugua nimui butona kao e totu seko lê kalina ia.

Isaia 66:12

Ma na Taovia e tsarigotoa, “Sauba kau naua ma na Jerusalem ke totu dou saviliu, me ke aditamanina niqira omea loki matena na vera tavosi. Me utu goto ke takuti sa nina omea tatamani, vaga nogo na kô tatave e tau dona ke mamatsa. Migamu amu totuvia, sauba kamu vaga moa na baka tetelo e tsutsutsu moa konina tinana, ma na tinana e tutulangia, me aragodoua tana galuve.

Daniel 3:17

Me ti vaga na God aia ami tu aqovania tugami ke tangomana na maurisitugami tania na umu romaroma me tanigotoa na susuligamu igoe, maia nogo sauba ke naua.

Daniel 3:28

Ma na taovia tsapakae e tsaria, “!Ka tsonikaea tu niqira God a Sadrak, ma Mesak, ma Abednego! Aia nogo e molomaia kesa nina angelo ke laumaurisitugira na mane tugirani ara tu aqovania mara tu norua. Ara tu petsakoe vaniau mara tu sove na muriana niqu ketsa au moloa, mara tu bisâ tu mauriqira mara tu sove na tsuporu tsuna ma na samasama vaniana sa god tavosi, maia lelê moa tu niqira God.

Daniel 6:23

Me gini mage loki sosongo bâ na taovia tsapakae, me raigira kara raqakaea a Daniel tania na qou. Bâ, mara raqakaea a Daniel, mara reia laka e tau lelê goto boka rongona aia e norukakaia God.

Linge 125:1

Igira ara norua na Taovia ara vaga moa na Vungavunga Sion, aia e utu lelê ke olaola, me utu goto ke ratsubamai.

Isaia 32:17

Me sauba na tinoni kara totu raviravi dou sailagi tana rago rongona igira sui sauba kara naua moa na omea e goto i matana God.

Isaia 50:10

Igamu sui amu kukuni tania na Taovia, mamu muridougira na goko aia nina maneaqo e tsarivanigamu, kamu laka na matagu. E tau utu na sautu amu liu bâ i konina kalina ia ke rodo manana, migamu kamu norukakaia moa na Taovia, ma kamu vataragi i konina nimui God.

Jeremia 39:18

Inau sauba kau ravisigo, me utu nomoa kara matesigo. Sauba moa ko mauri, rongona igoe o noruau. Inau nogo na Taovia au tsaria na omea iani.’ ”