Isaia 26:16 - Ghari

¹⁶ Taovia igoe nogo o kedegira nimu tinoni, mi laona niqira rota loki igira ara nonginongi vanigo.

Isaia 26:16 Referans Kwoze

Hosea 5:15

“Inau sauba kau tsonikidaqira niqu tinoni poi tsau kalina ke tugunogoa niqira rota tana rongona niqira sasi, ma kara visumaitugua na laveaqu inau. Me tau utu ti i laona nogo niqira rota kara tovoa na laveaqu inau.”

Linge 50:15

Kamu soaau tsaku kalina ti ke laba vanigamu sa omea seko, minau sauba kau maurisigamu, mi tana nauvaganana ia, ti igamu kamu gini tsonikaeau manana inau.”

Na Katemai 3:19

Inau au dona kau totosasaga vanigira, ma kau kedegira igira sui au galuvegira. Vaga ia, ma kamu madodo ma kamu piloligi tanigira nimui sasi.

Hosea 7:14

Ara tau lotu dou vaniau, tagara, ara tsonitsuna segeniqira tana kao, mara tangitangi vaga moa ara naua igira na ponotoba. Mi kalina ara nonginongi matena na mutsa ma na uaeni, mara pari segeniqira vaga nogo ara naua igira na ponotoba. !Na vanga petsakoe igira!

Tangitangi 2:19

Ko tû tugua, mo ko ngangaidato vania moa na Taovia tana bongi popono. !Ko katevulagi vania nimu rota sui, mo ko nongia ke galuvegira na dalemu ara viri mate na vitoa pipi tana tsuruna sautu!

Jeremia 22:23

Igoe o totu dou i laona na valemu ara aqosiginia na gai na sida ni Lebanon, me sauba nomoa ke livugaluvemu kalina ke gadovigo na rota loki, vaga moa na rota e vatsangia na daki e parâ na vasusu.

Isaia 37:3

Miani nogo e vaga na goko aia e ketsalitugira kara tu ba turupatuna vania a Isaia: “I dani eni nogo na dani na rota loki vanigita; aia God e kedegita me paluvangamada. Igita a vaga saikesa moa na daki e vatsangia na dalena me tau moa susuliga ke vasua.

Linge 142:2

Au tsarivulagi vania pipi sui na omea ara ngoliau; migira goto na rota sui ara gadoviau.

Linge 91:15

Mi kalina ti igira kara nongiau kau sangagira, minau sauba kau sangagira; me ti vaga ke gadovigira na rota, minau sauba kau totu i koniqira. Sauba kau laumaurisiqira ma kau molokaegira.

Linge 42:4

E seko manana nomoa na tobaqu kalina au padavisugira na omea ara laba i sau, kalina au dulikolugira na toga mami bâ tana valena God mau idana sautu vanigira kalina ami vavano i tana, migira na toga ara magemage mara lilinge mara gudato tana tsonikaeana God.

1 Samuel 1:15

Maia ko Hana e gokovisu vania me tsaria, “Tagara, taovia, au tau bule inau. Mau tau goto inuvia sa uaeni. E kesa moa na omea e ngoli sosongoliau, mau nonginongi mau sangavi poponoa na tobaqu vania na Taovia rongona aia ke sangaau.

Tsoko Tinoni 21:7

Migira na toga ara mai tugua i konina a Moses mara tsaria, “Igami ami sasi loki sosongo kalina ami sua ka mangamui kagamu igoe ma na Taovia. Mi kalina ia migoe ko nongia na Taovia me ke adiligigira tanigami na muata veveiga girani.” Maia Moses e nonginongi mateqira na toga.

Jeremia 2:27

Igamu amu goko vania na gai mamu tsaria, ‘Igoe nogo na tamaqu.’ Me vania na vatu, ‘Igoe nogo na tinaqu o vasuau.’ Me sauba ke paluvangamamui tana rongona igamu amu piloligi taniau inau, mamu tau ngaoa na pilovisutugua i koniqu. Bâ, mi kalina e gadovigamu na rota, migamu amu ngangaidato vaniau mamu tsaria, ‘!Taovia ko mai mo ko maurisigami!’

Tinoni Pede 10:15

Migira na tinoni ni Israel ara tsarivania na Taovia, “Taovia, igami ami sasi manana nomoa i matamu igoe. Ko nauvanigami na omea igoe o kilia, mo ko sangagami kiki moa mo ko maurisigami i dani eni.”

Linge 27:8

Kalina igoe o goko mo tsaria,“Ko mai mo ko samasama vaniau,” minau au gokovisu vanigo mau tsaria,“Eo Taovia, sauba kau bâ. Au kili sosongolia kau reilakana na matamu.

Linge 77:3

Mi kalina inau au padâ God, mau ngangai i laona na tobaqu; mi kalina au totu mui mau papada, me ponopala lê na tobaqu.

Linge 78:34

Me pipi kalina God e matesigira visana vidaqira, mi tana migira na toga ara pilovisumaitugua i konina, mara padasavigira niqira sasi mara nonginongi kakai vania God.

Jeremia 29:12

Mi tana tagu ia, migamu sauba kamu ngangaidato vaniau, ma kamu nonginongi vaniau, minau sauba kau rongomia nimui nonginongi.