Isaia 26:13 - Ghari

¹³ Taovia nimami God, igira na tinoni tavosi ara tagaovi kaputigami, migoe segenimu moa nimami God igami.

Isaia 26:13 Referans Kwoze

Roma 6:22

Baa, mi kalina eni amu totu tanusi taninogoa na sasi mamu tseka vania moa God, mamu mauri vania moa aia, ma na peluna ia aia nogo na mauri saliu.

Isaia 63:7

Inau sauba kau turupatuna tana rongona nina galuve vo oli na Taovia, ma kau tsonikaea rongona na omea dou sui aia e naua vanigita. Tana nina tobalaka ma nina galuve vo oli, aia e vangalaka loki vanigira na tinoni ni Israel.

Isaia 2:8

Migira na titinonina na god peropero ara aqosiginigira na limaqira lê mara samasama vanigira, ara danga dato goto i laona niqira kao.

Hibru 13:15

Vaga ia, migita a tutunina nogo a Iesu Kristo, nida aqo ti ka tsonikae sailaginia God ngiti nida savori vaniana. Maia nogoria igita a naua pipi kalina igita a koevulagia laka a Iesu aia nogo e Taovia.

Amos 6:10

Ma na kamana na mane e mate, aia e tagaovia na aqona na qiluqilu, sauba ke aditsunâ na konina na tinoni mate tania na vale. Mi muri maia ke gokosage bâ vania kesa aia e totuvisu i laona bâ na vale me ke tsaria, “?Laka e kesa goto kolugo igoe i tana?” Maia ke gokovisu me ke tsaria, “!Tagara!” Ma na kamana na mane e mate sauba ke tsaria, “!Mui igoe! E tau dou ka soâ na asana na Taovia.”

Isaia 51:22

kamu dona dou laka na Taovia nimui God e isutugumui me tsaria, “Inau au adiligi tanigamu nogo na tseu na rota au tusuvanigamu i laona niqu momosatoba. Me sauba e utu goto kau tusuvanigamu kamu inuvia na uaeni na rota e naua mamu gini tapulepule bamai.

Isaia 12:4

Me maimai nogo na tagu i tana sauba kamu linge ma kamu tsaria, “!Soadoua na Taovia! !Kamu nongia ke sangagamu! !Ma kamu katevulagi vanigira na puku sui na omea aia e naugira! !Tsarivanigira gana loki tsapakae!

Isaia 10:11

Mau toroutsaninogoa na Samaria, kolugira sui na titinonina nina god peropero, me sauba kau nauvaganana goto vania na Jerusalem, migira sui na nununa na god peropero ara samasama vanigira i tana.”

2 Turupatu Dato 12:8

ma Sisak sauba ke tuliusigira nomoa, me ke turugira kara aqovania aia, mi tana ti igira kara donaginia na omea e tavosi ka levugaqira na aqovaniaqu inau ma na aqovaniaqira na taovia tagao ni barangengo.”

Josua 23:7

Mi tana nauvaganana ia, ti igamu sauba e utu kamu saikolugira na tinoni girani ara totuvisu i laomui, se kamu soâ na asana niqira god, se na gini aqo na soaqira tana aqosiana na veke, se na samasama ma na tsuporu vaniaqira igira na god peropero.

1 Korint 4:7

?Masei sagata vaga igamu, te amu padaloki segenimui vaga ia? ?Se laka God e tau saulea vanigamu pipi na omea sui amu tamanina? ?Ma ti vaga amu adilegira, megua te amu gini kaekae vaga moa ti ara talu i konimui segeni?

Ioane 8:32

Me sauba kamu donaginia na manana, ma na manana ke nusigamu.”

Isaia 26:8

Igami ami muria nimu kili, mami vataraginia nimami amesi i konimu; eo, igoe segeni moa igami ami kili sailaginigo.

Isaia 64:5

Igoe o soalakagira igira ara gini mage na nauana na omea e goto i matamu, mara muridoua na sautu i tana o ngaoa kara liu bâ. Igoe o kore vanigami, migami ami tau goto olia nimami sasaga mami sasi babâ moa. Me atsa moa ti o kore loki vaga ia, migami e tu mai nogo i sau ami totu matengana moa na tsaitsaiamu.

Mika 4:5

Pipi tatasa na puku ara samasama vania mara rongomangana nina god segeni nogo, migita na tinoni ni Israel, sauba ka samasama ma ka rongomangana moa na Taovia nida God na dani ma na dani.