Isaia 26:12 - Ghari

¹² Taovia igoe sauba ko naua ma kami gini tamani omea danga; igoe nogo o tagaovigira pipi nimami aqo, mami gini tangomana tana omea sui ami naugira.

Isaia 26:12 Referans Kwoze

Epesus 2:10

God nogo e aqosigita, mi laona nida mauripata igita koluana a Iesu Kristo, aia e ngaoa ka naua na aqo galuve vaga aia e vangarau manogatinogoa vanigita na nauana.

Linge 57:2

Inau au ngangaidato vania God Susuliga Sosongo, vania God aia e sauvaniau na omea sui au kilia.

Linge 29:11

Na Taovia e saua na susuligana vanigira nina tinoni, me saugotoa nina rago vanigira.

Esekiel 20:14

Mau tau moa nauvanigira sa omea, rongona au tau ngaoa ke tangiseko na asaqu i mataqira na puku tavosi igira ara reiau kalina au adirutsumigira na tinoni ni Israel tania na Ejipt.

Hibru 13:20

Inau, au nongi sailaginia God vanigamu sui. Aia God na Taovia na Rago, maia nogo e maurisivisua a Iesu Kristo nida Taovia tania na mate. Maia nida Reitutugu Sipi Loki Tsapakae manana rongona e reoa na gabuna segeni ke gini tukakai saviliu na taso vaolu.

Jeremia 33:6

Me sauba moa kau maurisitugua na verabau iani ma na tinonina, ma kara dou visutugua, ma kau mologira kara totu raviravi dou tana rago.

Na Vaolusi Ketsa 30:6

Na Taovia nimui God sauba ke vaolusitugua na tobamui igamu, migira goto na kukuamui, ma kamu gini rongomangana, ma kamu galuvea tana tobamui popono, me sauba kamu gini mauri babâ tana kao ia. Me sauba aia ke naua ma kamu tamani omea danga bâ ma kamu pabo bâ liusigira na mumuamui i sau.

Ioane 14:27

“Na rago au molo vanigamu. Niqu rago segeni nogo inau au sauvanigamu. Maia e tau vaga na rago ke saua na barangengo. Migamu kamu laka na gini melu ma na padasavi, ma kamu laka goto na matagu.

Esekiel 36:25

Inau sauba kau tsirikagini bâ na ko male dou i konimui, ma kau naua ma kamu gini totu male tugua tanigira pipi sui nimui sasaga tabaru, ma nimui god peropero amu gini kaulinaqu i mataqu inau.

Esekiel 20:22

Mau tau moa naua, rongona au tau ngaoa ke tangiseko na asaqu i mataqira na puku tavosi ara reiau kalina au adirutsumigira na tinoni ni Israel tania na Ejipt.

Esekiel 20:9

Mau tau moa nauvanigira sa omea, rongona au tau ngaoa ke tangiseko na asaqu i mataqira na tinoni i tana igira ara totu, rongona igira ara rongominogoa kalina inau au veke vanigira moa na Israel laka sauba kau adirutsumigira tania na Ejipt.

Isaia 57:10

Igamu amu gini kolae mate lê na laveaqira na god tavosi, me atsa moa e vaga ia mamu tau goto mango. Igamu amu norugira nomoa nimui god peropero marasibiga kara tusuvanigamu na susuliga, te amu gini tau mololea na laveaqira.

Linge 68:28

Niqu God, ko saulabatia na susuligamu, aia na susuligamu igoe o gini aqo tana suivisuamami igami.

Linge 90:17

Taovia nimami God, ami nongigo ko vangalaka vanigami. Ko sangagami ma kami gini tangomana tana omea sui ami naugira.

Isaia 9:6

!Rongona e kesa na baka e botsamai vanigita! !E kesa na baka mane God e tusua vanigita! Aia nogo sauba ke lia nida taovia, me ke tagaovi kaputigita. Me sauba kara soaginia “Aia e Naua na Totosasaga Laka,” “God Susuliga,” “Tamana Saliu,” “Na Taovia na Rago.”

Isaia 26:3

Igoe Taovia o tusua na rago laka vanigira ara totu kalavata i konimu, mara norugo moa igoe.

Isaia 27:5

Me ti vaga igira goto gaqira gala niqu tinoni kara nongiau kau reitutugugira, ma niqira aqo kara vaigotosigi koluau talu inau. Eo, niqira aqo kara vaigotosigi koluau inau.”

Isaia 29:23

Mi kalina igamu kamu reigira na baka inau sauba kau tusuvanigamu, mi tana ti igamu sauba kamu donadouginia laka inau nogo na God tabu ni Israel. Ma kamu padalokiau ma kamu kukuni taniau.

Isaia 32:18

Migira nina tinoni God sauba ke tau goto ngoligira sa omea, ma kara totu raviravi dou tana rago i laona na valeqira.

Isaia 57:19

Inau au saua na rago vanigira na tinoni sui, igira ara totu varangi migira goto ara totu ao. Eo, sauba nomoa kau tali maurisigira niqu tinoni.

Tsoko Tinoni 6:26

Na Taovia ke galuvegamu, me ke tusuvanigamu nina rago.

Linge 57:3

Aia e totu i baragata sauba ke rongomia niqu nonginongi me ke maurisiau; maia nogo sauba ke tuliusigira igira ara bingi sekoliau. God sauba ke tusuvulagi vaniau nina galuve vo oli ma nina doulaka saviliu.