Isaia 26:1 - Ghari

¹ E maimai nogo na dani i tana igira na tinoni sauba kara lingena na linge iani i laona na butona kao ni Juda: !Nida verabau igita e tu kakai! !God segenina nogo e didia na baravatuna!

Isaia 26:1 Referans Kwoze

Isaia 60:18

Sauba e utu nogo ke laba na vaibingisekoligi i laomu, se kara toroutsanitugua nimu butona kao. Inau nogo sauba kau reitutugugo ma kau didigo vaga nogo kesa na baravatu kakai. Migoe sauba ko tsonikaeau rongona inau nogo au laumaurisigo.

Isaia 62:11

na Taovia nogo e tetevagini gokona vanigira na tinoni sui tana barangengo popono me ketsaligira kara tsarivaganana iani vanigira na tinoni ni Jerusalem, “Igamu na tinoni ni Jerusalem, kamu reia bâ, e maimai nogo nimui vagamauri, me dulikolumaigira igira na tinoni aia e suivisugira nogo.”

Sekaria 2:5

Na Taovia e vekea laka aia segenina nogo sauba ke iru vaga na lake, me ke lia na baravatuna na verabau ia, me ke reitutugua, me ke totu saviliu i tana tana mararana loki.”

Jeremia 33:11

gugû na magemage, ma na tatangina na magemage na kavomutsa na tauga. Me sauba kamu rongomigira na tinoni kara lilinge kalina ara adimaia niqira sausau na soadou i laona niqu Vale Tabu. Migira sauba kara tsarivaganana iani, ‘Soadoua na Taovia Susuliga Sosongo, rongona aia e dou sosongo ma nina galuve e totu saviliu.’ Minau sauba kau naua ma na kao iani ke tamani omea danga vaga nogo tana idana. Inau nogo na Taovia au tsaria na omea iani.”

Isaia 25:9

Mi kalina kara reia na omea sui kara laba vaga ia, me sauba na tinoni sui kara tsarivaganana iani, “!Aia saikesa nogo nida God manana igita! Aia nogo igita a vataragi kakai i konina, maia e tû me laumaurisigita. !Aia manana nogo na Taovia! Aia nogo igita a vataragi i konina, mi kalina ia igita a gini magemage me gini dou sosongo tobada rongona aia e maurisigita nogo.”

Linge 48:12

Igamu nina tinoni God, kamu polia na vera ni Sion ma kamu tsokogira sui pipi na kusu ara vaturigira i tana;

Linge 31:21

!Tsonikaea na Taovia! !Aia e sauvulagi vaniau nina galuve loki kalina igira gaqu gala ara tupoliau mara ngaoa na labumatesiaqu!

Mateo 16:18

Minau au tsarivanigo a Petero: igoe na vatu, mi tana vatu nogo iani, sauba inau kau vaturia niqu saikolu na lotu. Me atsa moa ti na mate, me sauba ke utu saikesa vania ke tangomana na tukapusiana niqu saikolu na lotu.

Isaia 12:1

Me maimai nogo na tagu i tana igira na tinoni kara linge ma kara tsaria, “!Taovia, inau au tsonikaego! Atsa moa ti igoe o kore vaniau tana idana, mi kalina ia o tau nogo kore vaniau, mo vereau moa.

Isaia 5:1

Kamu rorongo kalina inau kau lingena vanigamu gana linge na kulaqu ma nina uta na uaeni: Na kulaqu e tamanina kesa nina uta na uaeni tana kao lakataga dou i kelana na vungavunga.

Isaia 2:20

Mi kalina ke labamai na tagu ia, me sauba igira kara tsoniligilea niqira qolumila ma niqira siliva, ma na titinonina niqira god peropero igira nogo ara aqosigira, ma kara mologira vanigira na bogu ma na kasike.

Isaia 2:11

E maimai nogo na tagu tana God ke suilavaginia niqira kaekae ma niqira koesegeni na tinoni. Mi tana ti kara donaginia laka na Taovia segeni moa niqira aqo kara tsonikaea.

Esra 3:11

Ara linge na tsonikaeana na Taovia mara gini gokovisu na tsaqina goko vaga iani: “Na Taovia e dou sosongo, ma nina galuve vanigira na Israel e totu saviliu me vo oli.” Migira sui ara linge mi gotu na lioqira mara tsonikaea na Taovia, rongona e tuturiga nogo na aqo na molo papakana na Vale Tabu.

Tsoko Tinoni 21:17

Mi tana tagu nogo ia igira na toga ni Israel ara lingena na linge iani: “Igoe na tuvu, ke danga dato na kô i laomu; Migami kami linge vanigo tana mage.

Isaia 4:2

E maimai nogo na tagu i tana na Taovia sauba ke naua pipi sui na omea tsukatsuka ke vuaga dou, me pipi sui na gai i laona na butona kao ia kara dato katsi ma kara rereidou. Migira sui na tinoni ni Israel igira ara tau mate tana vailabu, sauba kara morosigira na omea tsukatsuka ara dato dou, ma kara gini magemage.

Isaia 14:31

“!Kamu kakanga ma kamu gu loki ma kamu gagariri tana matagu igamu sui lakalaka na verabau tana Pilistia! Na pungu loki e datomai nogo talu i vava, aia nogo na alaala loki na mane vaumate susuliga, me tau goto posu sa vidaqira.”

Isaia 31:5

Me vaga saikesa goto na manu e tao varangisia na binuna gana ke reitutugugira na dalena, me vaga goto inau na Taovia Susuliga Sosongo, sauba kau reitutugua ma kau isutuguna na Jerusalem.”

Isaia 31:9

Ma niqira taovia tsapakae sauba ke tsogo tana matagu, migira gaqira taovia na mane vaumate sauba kara gini matagu loki sosongo, ma kara tsonilea niqira pulaqe na vailabu.” Aia nogo na Taovia e tsaria na omea iani, aia ara samasama vania i Jerusalem, ma nina lake na kodoputsa e iruiru sailagi tana Vungavunga Sion.

Isaia 33:5

!Na Taovia aia segeni moa e loki tsapakae! Aia segeni moa e tagaovi kaputigira pipi na omea sui. Maia sauba ke dangaliginia na Jerusalem na pedegoto ma na sasaga gotolaka,

Isaia 33:6

me ke naua ma kara gini tukakai tugua igira nina tinoni. Aia e reitutugu sailaginigira nina tinoni, me tusuvanigira na sasaga loki ma na padagado. Ma na omea loki putsikae bâ na Taovia e moloa i tobaqira, aia nogo na kukuni taniana.

Isaia 56:5

mi tana ti sauba kara pada sailaginia na soamu i laona niqu Vale Tabu mi laoqira goto niqu tinoni, oka bâ liusia ti vaga ko tamani dalemu mane ma na dalemu daki. Me utu goto inau kau tamia kara padalea na asamu.”

Isaia 62:10

Me vaga ia, migamu na tinoni ni Jerusalem kamu rutsu tania nimui verabau, ma kamu votia kesa na sautu i tana kara liu igira nimui tinoni kalina kara visumai. Kamu vangaraua kesa na sautu loki, ma kamu tsakoligigira na vatu. Ma kamu molodatoa kesa na padapada rongona ti igira na puku sui kara donaginia laka

Esekiel 40:5

Inau au morosia na Vale Tabu ma na baravatu ara barapoliginia. Ma na mane ia e adia nina gai na totovo, aia e sangava kesa tabailima na katsina, me ba tovoginia na baravatu ia. Maia e sangava kesa tabailima na datona me sangava kesa tabailima na matoluna.

Linge 48:4

Igira na taovia tsapakae sui lakalaka ara viri saikolu mai laka kara bokia na vungavunga Sion.

Sekaria 2:9

“Na Taovia segenina nogo sauba ke vailabu kolugamu, migira na tinoni igamu amu rotasigira mamu mala tsekagira, sauba kara tû ma kara rotasivisugamu igamu.” Mi kalina ke laba na omea iani, migira na tinoni sui sauba kara donaginia laka na Taovia Susuliga Sosongo nogo e molomaiau.