Isaia 24:16 - Ghari

¹⁶ !Kamu rorongo! E tû tana vovosana na barangengo igira na tinoni ara linge mara tsaria, “Tsonikaea na Taovia, aia e gotolaka saikesa nina sasaga!” Minau au tsaria, “Inau moa e utu kau mage. Au padasavi sosongo mau ngaoa moa kau mate, rongona au reigira na tinoni ara naua moa na sasaga tabaruga, mara perobulesigira mara sekoliginigira lê na tinoni tavosi.

Isaia 24:16 Referans Kwoze

Isaia 21:2

God e molovaniau inau kau morosia tana bolebole na omea seko loki sauba ke laba. Mau rongomia God e goko me tsarivaganana iani, “Igira na Babilon e kesa rago na puku ara dona sosongo na perobulesi tinoni, ma na sekoliaqira na tinoni tavosi sui. !Me vaga ia, migamu na mane vaumate ni Elam kamu tû ma kamu ba bokia na Babilon! !Migamu na mane vaumate ni Media, kamu ba totu polia na verabau ia! Minau sauba kau suilavaginia na rota loki ara naua igira na Babilon vanigira na vera tavosi.”

Jeremia 5:11

Igira na tinoni tana Israel ma na Juda ara sove saikesa taniau. Inau na Taovia au tsaria na omea iani.”

Isaia 33:1

!Sauba ke seko sosongo nomoa vanigamu igamu na vanga sekoli tinoni! Igamu amu komigira mamu peqogira na tinoni tavosi, atsa moa ti igira ara tau komigamu, mara tau peqogamu igamu. Me sauba nomoa ke sui nimui tagu na komi ma na sauligi tinoni, migamu segenimui nogo sauba kamu tsutsugamui tana komi ma na peqo.

Jeremia 3:20

Bâ, me vaga moa na daki e tau totukakai konina na savana, migoe o tau saikesa totukakai i koniqu inau. Inau nogo na Taovia au tsaria na omea iani.”

Na Katemai 15:3

Mara lilinge gana linge a Moses aia nina maneaqo God, ma gana linge goto na Dalena Sipi: “!Eo, kiki igoe Taovia God susuliga sosongo, ara loki sosongo mara dou rago nomoa nimu aqo sui! !Igoe o Taovia Tsapakae tana vera sui, mara gotolaka mara mana sosongo nimu sautu sui!

Aqoaqo 13:47

Na rongona iani nogo na omea vaga e ketsaligami na Taovia kalina aia e tsarivaganana vanigami: ‘Inau nogo au molovanogo igoe, ko gini lia na marara vanigira na tinoni ni veratavosi, rongona na tinoni sui tana barangengo popono kara gini tamanina na mauri saliu.’ ”

Marko 13:27

Maia sauba ke mologira nina angelo, ma kara baa tana vati na tsukena na barangengo, ma kara adisaimaigira sui nina tinoni vivili God, ke tuu kesa tabana na barangengo, me ke tsau baa kesa tabana.

Habakuk 1:3

?Megua igoe ti o molo vaniau moa kau reigira na omea seko vaga igira? ?Megua ti o tami ke laba vanigami na omea seko loki vaga girani? Pipi moa tana nauna inau kau moro bâ, mau reia ara totu moa na bingi sekoli tinoni ma na tangopeke seko, ma na vaikoregi, ma na manga vaibarigi.

Mika 5:4

Mi kalina aia ke mai, maia sauba ke tagaovi kaputigira nina tinoni kolua na susuliga e talumai konina na Taovia, me kolugotoa gana tangirongo tsapakae na Taovia God segenina nogo. Migira nina tinoni sauba kara totu raviravi dou, rongona na tinoni sui lakalaka polia na barangengo sauba kara donaginia gana loki tsapakae ia,

Hosea 6:7

“Mi kalina tsotsodo ara sage bâ tana kao i Adam, igira ara kutsia niqira tabana na vaitasogi au naua kolugira.

Hosea 5:7

Igira ara tau nogo totukakai i konina na Taovia, migira na daleqira ara tau nogo nina tamani aia. Me vaga ia, me utu ke oka migira, ma niqira kao popono, sauba kara toroutsa sui.

Tangitangi 1:2

Mi tana bongi popono aia e ngangai moa; ma na kô na matana e sarara tsuna tana ngorana. Mi laogira sui lakalaka na kulana ni sau, e tau lelê goto totuvisu ke kesa ke verea. Igira ara tabana kolua tana idana ara tû mara sauligia, mi kalina ia igira sui ara vaigalagi kolua.

Jeremia 12:6

Me atsa moa igira na kulamu, ma na tinoni i laona nimu vungu, migira goto ara sauligigo; mara sangâ na baginiamu igoe. Ko laka saikesa na noruaqira, atsa moa ti igira ara goko lakalaka dou kolugo.”

Isaia 60:21

Migira nimu tinoni sauba kara naua moa na omea e gotolaka, ma kara totuvi sailaginia nimu kao. Inau nogo au volagira mau tsukagira, rongona kau gini sauvulagia gaqu loki tsapakae vanigira na tinoni sui.

Isaia 52:10

Na Taovia sauba ke gini aqo na susuligana tabu, migira sui tana barangengo kara reia kalina aia ke laumaurisigira nina tinoni.

Isaia 48:8

Minau au dona nogo laka e utu kau norugamu, rongona tu kalina amu botsa amu petsakoe mamu muria moa nimui papada segeni. Aia nogo na rongona ti au gini tau tsarivulagi vanigamu na omea girani.

Isaia 28:5

E maimai nogo na tagu i tana igira ara kauvisu tana Israel kara gini magemage na totu i vavana nina tagao na Taovia Susuliga Sosongo, maia ke lia vaga gaqira kepi marara ara inilauginia na tsitsi.

Isaia 26:15

Taovia, igoe o naua me gini pabo nimami puku, mo ratsua nimami butona kao pipi tabana, mi tana omea vaga nogo iani te ara tsonikaeginigo na tinoni.

Isaia 17:4

Ma na Taovia e tsarigotoa, “E maimai nogo na dani i tana ke sui gana loki tsapakae na Israel, ma kara viri nanga sui nina omea tatamani danga, maia ke totu moa tana seko.

Isaia 10:16

Na Taovia Susuliga Sosongo sauba ke molomaia na lobogu seko gana ke kedeginigira igira na mane vaumate susuliga ni Asiria. Ma na lake sauba ke iruiru sailagi i laona na koniqira.

Linge 106:15

maia e sauvanigira na omea igira ara nongia i konina, me mologotoa kesa na lobogu seko sosongo ke gadovigira.

Linge 98:3

E manalinogoa nina veke e nauvanigira na toga ni Israel ma nina galuve vanigira e totu kalavata me vô ke oli. Migira na tinoni pipi tana nauna sui ara reia kalina e managana nida God.

Linge 67:7

God e vangalaka manana vanigita; me dou ti igira na tinoni sui tsau bâ tana vovosana na barangengo kara kukuni tania aia.

Linge 58:10

Migira na tinoni e goto niqira sasaga sauba kara gini magemage kalina kara reia God e kedegira na tinoni sasi; sauba kara vulia na tuaqira tana gabuqira na tinoni vanga tsutsukibo.

Linge 2:8

Ko nongia i koniqu, minau sauba kau tusugira vanigo na puku tavosi sui; ma na barangengo popono sauba ke lia nimu tamani igoe.

Binaboli 15:11

“!Taovia, asei i laoqira na god ke atsakolugo igoe? ?Asei ke vaga igoe, o susuliga tsapakae mo tabu loki? ?Asei tangomana ke aqosigira na valatsatsa ma na omea ganataga loki sosongo vaga o naua igoe?

Jeremia 12:1

“Taovia, e gotolaka saikesa pipi nimu pede, me gini tau ulagaqu inau na vaimangabarigi kolugo. Mau ngaoa nomoa kau torogoko i konimu tana rongona visana na omea inau au tau padagadovigira. ?Laka egua ti ara tamani omea danga igira na tinoni vanga tsutsukibo? ?Me laka egua ti igira na tinoni vanga tabaru ara tangomana tana omea sui ara naua?

Aqo Manetabu 26:39

Migira i laomui kara kauvisu tana niqira kao gamui gala, sauba ke tsutsuna moa na koniqira poi kara mate tana rongona nimui sasi segeni igamu, ma niqira sasi igira na mumuamui.

Linge 65:8

Na barangengo popono e kadangaginia na omea loki sosongo vaga igoe o naugira. Migira na tinoni sui e tû kesa tabana na barangengo me bâ tsau kesa tabana, ara reigira mara gudato tana magemage.

Linge 119:158

Mi kalina au reigira igira ara piloligi tanigo, mau reisavigira sosongo rongona ara sove na muriaqira nimu ketsa igoe.

Isaia 11:12

Na Taovia sauba ke vaturikaea kesa na padapada, gana ke sauvulagi vanigira na puku sui laka aia e adisaigira tugua na tinoni ni Israel mi Juda, igira ara totu saranga bamai, me adivisumaigira talu tana vati tsuruna na barangengo.

Isaia 42:10

!Igamu sui na tinoni tana barangengo popono kamu lingena kesa na linge vaolu na mani tsonikaeana na Taovia! Kamu tsonikaea igamu sui amu liu tana vaka i tasi; migamu goto na omea mamauri sui i laona na kema. Migamu sui amu totu tana momoru ao kamu sanga goto na linge vaniana kesa na linge vaolu.

Habakuk 1:13

Ma na Babilonia girani ara tinoni vanga tangopeke seko. Ma na matamu igoe ara tabu loki sosongo me tau ulagamu na reiginiana na omea seko, me utu saikesa goto ko baria na morosiana na omea seko ara naua igira na tinoni. ?Bâ, megua vaga ti o mui lê kalina igira na tinoni vanga tangopeke seko ara matesigira moa na tinoni e doulaka niqira sasaga liusigira bâ igira?

Isaia 6:5

Minau au tû mau tsaria, “!E, e! !Au mate nogo kiki inau! Au seko pitsu kiki nogo rongona pipi sui lakalaka na tsaqina goko ara rutsu i mangaqu, na sasina sui moa gira, mau mauri i laoqira na tinoni igira goto pipi sui niqira tsaqina goko ara sasi saviliu. Minau, na mataqu segeni nogo ara reilakana na Taovia Tsapakae, aia na Taovia Susuliga Sosongo.”