Isaia 24:12 - Ghari

¹² Na verabau e toroutsa nogo, mara tairutugira sui nogo na matsapakapuna.

Isaia 24:12 Referans Kwoze

Mika 1:12

Migira na tinoni ni Marot ara pitu sosongolia kesa ke mai sangagira, rongona na Taovia e varangi nogo ke toroutsania na Jerusalem.

Mika 1:9

Na bokana na Samaria e utu goto kara mavu, ma na Juda e varangi nogo ke gadovia na rota loki vaga goto ia. Me ke tau oka me ke toroutsa popono goto na Jerusalem, aia na verabau i tana ara totu niqu tinoni.”

Tangitangi 2:9

Migira na matsapakapu ara susû tana kao, mara tarutu na tapala katsi gana na rave kakaiginiaqira. Mi kalina ia, maia na taovia tsapakae, migira na tinoni lokiloki sui ara aditsekavanogira nogo. Migira na manetabu ara tau goto nogo sasanigira na tinoni tana rongona na Ketsa, maia na Taovia e tau nogo laba malemale vanigira na propete tana moro.

Tangitangi 1:4

Igira sui na sautu ara vano kalea i Sion ara totu mangu lê, me tagara nogo ke kesa ke mai na samasama i laona na Vale Tabu tana dani tabu. Migira na matsapakapuna na verabau ia ara totu mangu lê, migira na manetabu ara kukungu moa. Ma na baka daki ara dona na linge i tana, ara tangitangi moa kalina ia. Ma na Sion segenina goto e totu tana rota loki.

Tangitangi 1:1

!Eo kiki, e totu mangu lê nomoa na verabau ni Jerusalem, i tana ara mauri danga sosongo na tinoni i sau! Maia nogo na verabau ara padaloki sosongolia tana barangengo popono, mi kalina ia e vaga saikesa moa ti na daki tinamate. Aia e paladato bâ i laoqira na vera sui, mi kalina ia ara aditsekagira sui na tinonina.

Jeremia 9:11

Ma na Taovia e tsaria, “Inau sauba kau toroutsania na Jerusalem, me ke lia na nauna i tana ara totu igira na pai atsi. Migira na verabau sui tana Juda sauba kara lia na kaomate, na nauna i tana e tau totuvia sa tinoni.”

Isaia 32:14

Rongona na tinoni sauba kara tsogoligi sui tania na verabau ia me ke totu mangu lê saikesa. Me atsa goto na valena na taovia tsapakae, ma na valeqira na mane vaumate ara barapoliginia na baravatu kakai, sauba kara toroutsa sui saikesa. Migira moa na asi atsi sauba kara liu bamai i laona, migira na sipi kara ba lavea gaqira buruburu i tana.

Mateo 22:7

“Ma na taovia loki e gini kore loki sosongo, me moloivanoigira nina mane vaumate kara baa ma kara labuimateisigira sui igira ara matesigira nina maneaqo, ma kara tungia na veraiqira.

Isaia 14:31

“!Kamu kakanga ma kamu gu loki ma kamu gagariri tana matagu igamu sui lakalaka na verabau tana Pilistia! Na pungu loki e datomai nogo talu i vava, aia nogo na alaala loki na mane vaumate susuliga, me tau goto posu sa vidaqira.”

Isaia 32:19

Me atsa moa ti vaga na kolina usa kakai vaga na vatu ke tumutsuna tana goana atsi, me ke gini toroutsa popono na vera,

Isaia 45:2

“Inau segeniqu nogo sauba kau vangaraua na sautu vanigo, ma kau atsanigira na vungavunga ma na tetena. Me sauba kau vui pukaligira na matsapakapu tapalamila, ma kau tai rutugira na tapala katsikatsi gana na raveginiaqira.