Isaia 23:12 - Ghari

¹² Eo, migoe na verabau ni Sidon e sui nogo nimu magemage, igira na gala ara bingi sekoligira nogo nimu tinoni. Me atsa moa ti kara tangomana na tsogovano i Siprus me sauba e utu goto kara toturavi dou i tana.

Isaia 23:12 Referans Kwoze

Na Katemai 18:22

Me ke utu goto na rongomiana tugua i laomu kesa dani na tatangina na tuqulu ma niqira linge na tinoni, se na uviana na uete ma na tavuli. Me sauba ke tagara goto sa maneaqo ke naua nina aqo i laomu; me ke utu goto kara rongomia na tatangina na giri i laomu.

Isaia 47:1

Na Taovia e tsarivaganana iani vania na verabau ni Babilon, “Igoe Babilon ko tsunamai tania nimu sasana na totukae mo ko totupuka tana kao i laona na papasa. I sau igoe o vaga moa kesa na baka daki vaolu, kesa na verabau e tau goto vati tuliusia ke kesa, mi kalina ia, igoe e tau nogo malopolopo me ke angaanga dou na kokoramu. Igoe o lia nogo na tseka.

Esekiel 27:6

Mara adia na gai kakai ni Basan gana na aqosiginiana nimu vose; ma na belamu ara aqosiginia na gai na aru ni Siprus, mara baruginia na tapana na livona na elepani.

Tangitangi 4:15

Migira na tinoni ara gû mara tsaria, “!Vanoligi igamu! !Amu bau sosongo! !Kamu laka na mai varangi konimami igami!” Me vaga ia, migira ara bâ tonavigira na vera sui, me tagara goto ke kesa ke soalakagira.

Tangitangi 1:15

“Na Taovia e sove tanigira sui niqu mane vaumate susuliga. Me molomaia kesa na alaala na mane vaumate ni veratavosi kara matesigira sui niqu mane vaolu. Mara tsogori rapasigira niqu tinoni, vaga saikesa moa na vuana uaeni ara tsogori rapasigira tana nauna na mani rapasi uaeni.

Tangitangi 1:3

Igira gana gala na Juda ara rotasi sosongoligira nina tinoni, mara turuginigira kara vanoligi tania na veraqira, mara ba totu piriutsa bamai tana vera tavosi, i tana e tagara goto sa nauna tangomana kara ba totu rago. Migira moa gaqira gala ara tupoligira, me tau goto tangomana kara tsogo.

Jeremia 46:11

!Bâ, igamu na tinoni ni Ejipt kamu vano rago i Gilead ma kamu ba lavea gamui sinagore! Igira sui lakalaka gamui sinagore ara tau goto dona kara manalia sa omea. Me tagara goto sa sinagore tangomana ke maurisigamu.

Jeremia 14:17

Na Taovia e ketsaliau inau a Jeremia, laka kau goko vanigira na toga tana rongona niqu melu ma kau tsaria: “Na kô na mataqu ke tave na dani ma na bongi, ma kau tau goto mango na ngangai, rongona igira na gala ara labu sekoligira niqu tinoni, mara gini boka loki sosongo.

Isaia 47:5

Ma na Taovia e tsarivania na Babilon, “Ko totu mui moa i laona na rodo, rongona e utu nogo kara soaginigo na daki taovia vanigira na puku sui.

Isaia 37:22

miani nogo na omea vaga e tsaria na Taovia tana rongona a Senakerib, “Igoe a Senakerib, na verabau ni Jerusalem e kiataginigo me gilugamu.

Isaia 23:7

?Laka iani nogoria na Tire, aia na verabau magemage ara logonogoa i sau? ?Me laka aia nogoria na verabau e molovano tinoni kara savu bâ i tabana tasi i tana kara ba logovera vaolu?

Josua 11:8

Na Taovia e sangagira na Israel mara gini tangomana na tuliusiaqira gaqira gala. Igira na Israel ara labugira mara takuvitavegira tsau bâ i Misrepot Maim mi Sidon, mara takuvilongagira goto tsau bâ tana qou ni Mispa. Na vailabugi e babâ moa vaga ia poi tsau kalina e tagara goto ke kesa gaqira gala ke pipidi.

Tsoko Tinoni 24:24

Igira na alaala na vanga laulau sauba kara sagevotu talu i Siprus; ma kara ba sugutigira na Asiria ma na Eber. Migira goto sauba kara nangaligi lê saikesa.”

Tuturigana 49:13

“A Sebulun sauba ke totu i liligina tasi. Nina tabana tasi sauba ke lia niqira mani tsoboravi na vaka. Ma nina butona kao sauba ke vosa bâ i Sidon.

Jeremia 2:10

Kamu adi vaka ma kamu votu bâ tana momoru ni Siprus, ma kamu mologira visana tinoni kara liu i longa tana butona kao ni Kedar; me sauba kamu reia laka na omea vaga iani e tau goto vati laba sa dani sa nauna.

Daniel 11:30

Igira na Roma sauba kara liu votumai tana niqira vaka, ma kara utusia, maia sauba ke matagu lê. “Mi tana ti aia sauba ke pilovisu tana toba momosa loki me ke tovoa na veoana niqira lotu igira nina tinoni God. Maia sauba ke muria niqira totogoko igira visana na Tsiu ara mololenogoa niqira lotu.

Tuturigana 10:4

Migira na kukuana a Javan igira nogo na tinoni ni Elisa, mi Spain, mi Siprus mi Rodes;