Isaia 23:10 - Ghari

¹⁰ !Igamu amu tsogovano i Spain kamu nauragoa na omea amu padangaoa rongona kalina eni e tagara goto ke kesa ke tukapusigamu.

Isaia 23:10 Referans Kwoze

Isaia 23:14

!Kamu kakanga ma kamu padasavi, igamu na mane na vaka amu tsobo tana kema rongona na verabau i tana igamu amu vataragi i konina e toroutsa sui nogo.

Linge 18:32

Maia nogo na God e sangaau inau te au gini susuliga, maia nogo e mataliau te au gini liu dou tana sautu.

Nina Papi A Job 12:21

Me paluvangamaqira na mane tagao me pukali vanigira gaqira susuliga igira na tagaovera.

1 Samuel 28:20

Mi tana tagu tsotsodo ia, ma Saul e pukatsuna tana kao me tsaro katsikatsi, e gini matagu loki tana rongona na omea vaga a Samuel e vasini moa tsarivania. Me maluku sosongo na konina rongona e tau goto gania sa omea tana dani popono ia me tsau tana bongi.

Roma 5:6

I sau kalina igita a tsaro lee moa kolugira nida sasi, ma Iesu Kristo e mai me mate tuguda igita na tinoni seko tana tagu God nogo e pedea.

Hagai 2:22

ma kau pukalia gaqira susuliga na taovia tsapakae sui, ma kau kovoraginia niqira terê kolugira na mane ara tagaovigira; migira niqira ose sauba kara viri mate lê, migira ara sagekae i kelaqira sauba kara vaimatesigi segeni.

Tangitangi 1:6

Gana tangirongo na Jerusalem aia na omea ni sau nogo. Migira nina tinoni lokiloki ara vaga saikesa na dia ara gini maluku na vitoa. Mara tau nogo susuliga kalina ara tsogo tanigira na mane na rugu.

Isaia 19:7

me pipi sui na omea tsukatsuka ara tsukagira liligina na Kô Nile sauba kara mate, ma na guguri ke pualigigira lê na rauqira.

Isaia 23:9

Aia nogoria na Taovia Susuliga Sosongo e vangaraua na nauana, rongona ke suilavagini vanigira niqira kaekae tana omea ara naua, me ke paluvangamaqira niqira tinoni lokiloki.

Isaia 23:11

Na Taovia e tatakatsininogoa na limana i kelana na tasi me tsoni pukaligira na veraloki sui. Me moloketsana kara toroutsanigira pipi sui na verabau agana na tsabiri ma na voli omea ara totu tana Ponisia.

Esekiel 26:18

Bâ, mi tana dani e toroutsa na verabau ia, migira na momoru sui lakalaka ara gagariri, ma niqira tinoni ara gini novo loki sosongo na reiana na vatana na toroutsa seko sosongo vaga ia.”