Isaia 2:12 - Ghari

¹² Mi tana tagu nogo ia, sauba na Taovia Susuliga Sosongo ke molotsunaligira igira sui ara susuliga, mara kaekae, mara padaloki segeniqira.

Isaia 2:12 Referans Kwoze

Malaki 4:1

Na Taovia Susuliga Sosongo e goko me tsaria, “E maimai nogo na dani i tana igira sui na tinoni vanga kaekae ma na vanga nauseko sauba kara iru lê sui vaga moa na rau matemate. Mi tana dani nogo ia, sauba kara iru sui saikesa nogo, me ke tau goto totuvisu sa turina na koniqira.

Isaia 23:9

Aia nogoria na Taovia Susuliga Sosongo e vangaraua na nauana, rongona ke suilavagini vanigira niqira kaekae tana omea ara naua, me ke paluvangamaqira niqira tinoni lokiloki.

Luka 14:11

Na rongona asei ti ke molokae segenina, sauba kara molotsunaa, masei ti ke molotsuna segenina, sauba kara molokaea.”

Goko Tabana 16:5

Na Taovia e reisavigira igira sui na vanga koesegeniqira; me sauba e utu saikesa ke tamivanigira kara tsogo tania na kede e totu pitugira.

Iakobo 4:6

Eo, ma God e vangalaka sosongo goto baa vanigita. Me vaga nogo ara marea tana Mamare Tabu mara tsaria, “God e tukapusigira na kaekae, me vangalaka vanigira ara palatsuna.”

1 Tesalonika 5:2

Migamu segenimui nogo amu donadounogoa laka nina Dani na Taovia sauba ke labamai vaga nogo na manekomi e mai tana bongi.

1 Korint 5:5

E dou ti ka molo baa na mane ia vania Satan, maia ke matesia na konina e tsukivania me gini puka tana sasi. Ma na tidaona ia, igita ka amesia ke tsodoa na mauri tana Dani na Pede, tana ke visumaitugua nida Taovia.

Mateo 23:12

Masei ti vaga ke molokae segenina, sauba God ke molotsunalia. Masei ti vaga ke molotsuna segenina, sauba God ke molokaea.

Malaki 4:5

“Mi tana idana ke labamai nina Dani na Taovia, aia na dani loki mamataguniga, minau sauba kau molomai vanigamu a Elia na propete.

Amos 5:18

!Sauba ke seko sosongo vanigamu igamu amu amesia ke laba na danina na Taovia! ?Me laka nagua sauba ke pelugamu tana dani ia? Ma na dani ia na dani na rodo moa me tagara na marara.

Daniel 4:37

“Mi kalina ia, minau a Nebukadnesar au tsonikaea, mau pada mamavasia, mau soalokia, na Taovia Tsapakae ni Baragata. Me pipi sui na omea aia e naua e dou me goto, maia e dona ke molotsunâ asei moa e ngaoa laka ke molokae segenina.”

Esekiel 13:5

Ara tau goto dona na mataliana na nauna i tana ara tapa na baravatu, mara tau goto gini boe na pakavisuaqira na vatu ma kara gini totukakai tugua, gana kara gini tangomana na utusiginiaqira na gala kalina kara maiginigira tana dani inau nogo na Taovia au titia ke laba.

Jeremia 46:10

Iani nogo nina dani na Taovia God Susuliga Sosongo, na dani i tana aia ke tangotugu, me ke kedegira gana gala. Ma nina isi sauba ke ganigira poi tsau kalina ke masu doka, me ke inuvia na gabuqira poi tsau kalina ke vatsa. I dani eni nogo na Taovia God e savorigira gana lamuta tana butona kao tabana i vava ligisana na Kô Euprates.

Isaia 24:21

E maimai nogo na tagu i tana na Taovia ke kedegira na malagai susuliga ni gotu, migira sui goto na taovia tsapakae tana barangengo.

Isaia 24:4

Na barangengo e mamatsa lê me matsele; migira na tinoni sui i laona ara viri maluku lê, mi kaira sui na barangengo ma na baragata ara ka totu seko lê.

Isaia 13:9

E maimai nogo nina dani na Taovia aia na dani seko sosongo nina momosatoba loki. Ma na barangengo sauba ke totu mangu lê, ma kara viri mate igira sui na tinoni vanga tsutsukibo.

Isaia 13:6

!Kamu kanga loki rongona nina dani na Taovia e maimai varangi nogo, na dani i tana aia na God Susuliga Sosongo sauba ke molomaia na toroutsa seko.

2 Samuel 22:28

Igoe o maurisigira igira ara totu palatsuna, mo molotsunaligira igira ara sasaga kaekae.

Nina Papi A Job 24:1

Me goko baba moa a Job me tsaria, “?Megua God ti aia e tau titia na tagu i tana ke tinetedougira na tinoni, me ke naua na pedegoto vanigira igira ara aqodou vania?

Linge 131:1

Taovia, inau au mololenogoa niqu sasaga kaekae mau tau nogo padaloki segeniqu. Mau tau goto gini boe kau donaginigira na omea loki sui, se na omea ara aotsau liusia na sasagaqu.

Isaia 42:15

Sauba nomoa kau tû, ma kau toroutsanigira na tetena ma na vungavunga, ma kau matselesigira na buruburu ma na gai. Ma kau oligira na poiatsa i tana e tave na ko loki ma kara lia na kaomate, ma kau mamatsaligira na maomao na kô.

Isaia 61:2

Ma kau katevulagi vanigira laka e laba nogo na tagu i tana ke labamai na Taovia me ke suivisugira nina tinoni, me ke tuliusigira gaqira gala. Aia e molovanoau kau veregira sui igira ara melu,

Jeremia 30:7

Na dani seko sosongo e maimai varangi nogo; me tagara goto sa dani segeni ke seko atsalina ia, aia kesa na tagu na rota seko loki vanigira niqu tinoni, minau sauba nomoa kau laumaurisigira.”

Mika 2:3

Ba, ma na Taovia e tsarivaganana iani, “Kamu rorongo. Inau au pede manogatinogoa laka sauba ke kesa na omea seko loki ke gadovigamu, me utu goto kamu tangomana na tsogo taniana. Me utu goto kamu kaekae ma kamu tsonikae segenimui, rongona sauba ke seko manana nomoa na rota loki ke gadovigamu.

Mika 5:11

Me sauba kau vui pukaligira sui na verabau i laona nimui butona momoru, ma kau toroveoa na baravatuqira.

Sepania 1:16

na dani i tana sauba ke tatangi moa na leleona na tavuli na vailabu, ma niqira gû na vailabu igira na mane vaumate kalina ara ba bokigira na verabau ara barapoliginigira na vatu, ma na kusudato.

Sepania 3:11

Migamu niqu tinoni, e mana rago laka igamu amu piloligi taniau, mi kalina inau kau naua ma kara gini laba na omea sui girani, migamu e tau goto kilia kamu gini vangamâ nimui sasaga tabaru. Rongona tana tagu ia inau sauba kau matesiligigira sui lakalaka na tinoni i laomui ara kaekae mara koesegeniqira, migamu e utu goto kamu piloligi taniau tana niqu vungavunga tabu.

Linge 18:28

Eo Taovia, igoe nogo niqu marara. Niqu God, igoe nogo o mararasiligia na rodo e totu i tobaqu.

Linge 37:13

Ma na Taovia e kiataginigira moa igira na tinoni vanga tsutsukibo, matena aia e dona manoga nogo laka na tinoni vaga ia sauba ke tau oka ma kara mate.

Linge 94:2

!Igoe nogo o pedegira na tinoni sui; ko tû mo ko kedegira na tinoni vanga kaekae vaga e ulagaqira!

Isaia 5:15

Pipi sui tinoni sauba ke paluvangamaqira, migira sui ara kaekae sauba kara molotsunaligira.

Isaia 10:12

Ma na Taovia e tsaria, “Mi kalina na taovia tsapakae ni Asiria ke suilavaginia na aqo inau nogo au molovania ke naua tana Vungavunga Sion mi Jerusalem, mi tana ti inau sauba kau tû ma kau kedea na taovia tsapakae ni Asiria tana rongona e koesegenina me kaekae sosongo vaga ia.”

Isaia 10:33

Ma na Taovia Susuliga Sosongo sauba ke labutsunagira vaga moa na arana gai ara kavitsunagira tania na gaina. Migira ara kaekae mara paladato liuliu bâ i laoqira, sauba aia ke kavitsunagira me ke paluvangamaqira.

Isaia 13:11

Ma na Taovia e tsaria, “Inau nogo sauba kau molomaia na rota seko loki tana barangengo, ma kau kedegira pipi sui na tinoni vanga tsutsukibo tana rongona nogo niqira sasi. Me sauba kau molotsunaligira igira sui na vanga kaekae, ma kau kedegira igira na vanga koesegeni ma na vanga sekoli tinoni.

Isaia 14:15

Bâ, mi kalina ia ara aditsunago nogo i lao vasau tana barangengo na mate.

Isaia 40:23

Aia e aditsunâ gaqira tangirongo na taovia tsapakae loki, me adiligi tanigira gaqira susuliga.

Jeremia 12:9

Igira niqu tinoni vivili ara vaga kesa na manu igira na manuloki ara takuvipolia gana kara matesia. !Ko bâ, mo ko soagira na omea tuavati atsi kara mai sanga na kavomutsa ia!

Jeremia 13:9

“Inau sauba kau suilavagini vaganana niqira kaekae loki igira na Juda, ma na Jerusalem.

Jeremia 50:31

“!Igoe Babilon, e danga dato moa na sasaga kaekae i konimu, maia nogoria na rongona ti inau na Taovia God Susuliga Sosongo au vaigalagi kolugo! E labamai nogo niqu tagu i tana kau kedego.