Isaia 2:10 - Ghari

¹⁰ Sauba kara ba taopoi i laoqira na vatuluma tana tetena vatuvatuga, se kara tsaia na baba i laona na kao, gana kara tovoa na tsogo taniana na korena na Taovia, ma kara taopoi tania na susuligana ma na mararana.

Isaia 2:10 Referans Kwoze

Jeremia 10:7

?Masei ke tau padalokigo igoe na taovia tsapakae kaputigira na puku sui? E ulagana nomoa kara padalokigo, rongona e tagara goto ke kesa ke atsa kolugo igoe i laoqira na tinoni sasaga pipi sui tana puku, se i laoqira niqira taovia tsapakae.

2 Tesalonika 1:9

Sauba ke gadovigira na kede saliu, ma kara gini rota na totuligi taniana na matana na Taovia. Me ke utu vanigira goto na reiana na mararana na susuligana,

Luka 23:30

Tana tagu vaga nogo ia, sauba igira na tinoni kara tsarivanigira na vungavunga, ‘!Kamu munugami!’ Ma kara tsarivanigira na tetena, ‘!Kamu kokoponotigami!’

Luka 12:5

Inau kau katevanigamu asei moa aia igamu kamu matagunia; kamu matagunia moa God, rongona ti ke matesia na konimui, maia segeni e tamanina goto na susuliga ke tsonia na tidaomui tana rota e vo sui. !Eo, inau au tsarivanigamu, aia moa kamu matagunia!

Hosea 10:8

Igira sui na peotabu i kelana na tetena Aven, i tana igira na tinoni ni Israel ara ba samasama vanigira na titinonina niqira god peropero sauba kara toroutsa sui. Na itai kokonaga ma na buruburu seko sauba kara poko tsavugira niqira belatabu. Migira na tinoni sauba kara gu bâ vanigira na vungavunga ma kara tsaria, “!Kamu munugami!” Ma kara tsarivanigira na tetena, “!Kamu koko ponotigami!”

Jeremia 10:10

Migoe segeni moa Taovia o God mana, migoe na God mamauri, mo taovia tsapakae na dani ma na dani. Mi kalina ti ke momosa tobamu igoe, ma na barangengo popono ke gariri tana matagu; migira na puku sui ara tau tangomana kara baria nimu momosa toba loki.

Isaia 42:22

Bâ, mi kalina ia, migira nina tinoni ara totu sekoseko lê. Ara mai gaqira gala mara laugira sui niqira omea levolevo, mara ba tsonigira tana vale sosori, mara vongo kapusigira tana baba i vavana na kao. Me tagara goto ke kesa ke mai me ke laumaurisigira.

Isaia 10:3

?Ma nagua sauba kamu naua igamu kalina God ke kedegamu me ke molomaigira gamui gala talu tana vera ao, ma kara toroutsanigamu? ?Mi konina sei sauba kamu ulo bâ na nongi sasanga? ?Miava moa sauba kamu ba molopoigira nimui omea tatamani?

Linge 90:11

?Masei bâ e vatsanginogoa na susuligana popono na koremu igoe? ?Masei e donaginia na matagu loki nimu momosatoba e dona ke alomaia?

Nina Papi A Job 31:23

Me rongona inau au matagunia nina kede God, me gini utu lelê vaniau na nauana na omea seko vaga ia.

Nina Papi A Job 40:13

Ko munugira sui lakalaka tana kao; ma na barangengo na mate ke poia na mataqira.

Linge 145:12

rongona i tana ti igira sui na tinoni kara donaginia na omea loki putsikae igoe o naugira, ma na mararana tsapakae na veramu.

Isaia 25:11

Sauba kara saudatoa na limaqira vaga moa ti ara tovoa na olo, maia God sauba ke paluvangamaqira, ma na limaqira kara puka luvu lê.

Jeremia 13:9

“Inau sauba kau suilavagini vaganana niqira kaekae loki igira na Juda, ma na Jerusalem.

Nahum 3:11

Migamu goto na Ninive, sauba ke laba vanigamu na omea vaga e laba nogo vanigira na Ejipt. Sauba kamu vaga saikesa nogo na tinoni e inu bubulega. Sauba ke bule na lovamui, ma kamu tovoa laka kamu tsogoligi tanigira gamui gala.