Isaia 19:5 - Ghari

⁵ Ma na Kô Nile sauba ke kiki rago ke kokora, me ke mamatsa takuti.

Isaia 19:5 Referans Kwoze

Jeremia 51:36

Mi tana, ma na Taovia e tsarivanigira na tinoni ni Jerusalem, “Inau sauba kau isutugumui, ma kau naua migira gamui gala sauba kara adimatena na omea seko ara naua vanigamu. Inau sauba kau korasia na uluna nina kô na Babilon, ma kau naua ma kara mamatsa takuti pipi sui nina ko tatave.

Esekiel 30:12

Inau sauba kau mamatsali saikesalia na Kô Nile, ma kau moloa na Ejipt i limaqira na tinoni vanga nauseko. Migira na tinoni ni veratavosi sauba kara mai ma kara toroutsani poponoa. Inau nogo na Taovia au tsaria na omea iani.

Sekaria 14:18

Me ti vaga igira na Ejipt kara sove na mai ma na lokisiana na Dani Tabu na Babale, mi tana ti ke gadovigira kesa atsa na lobogu vaga na Taovia ke molovanigira na puku sui ara sove na mai.

Sekaria 10:11

Mi kalina kara liusavu tana niqira tasi na rota, minau na Taovia sauba kau labuvotâ na ovuna, ma na maomao na Kô Nile sauba ke mamatsa lê. Me sauba kau paluvangamaqira igira na Asiria vanga kaekae, ma kau pukalia gaqira susuliga igira na Ejipt.

Nina Papi A Job 14:11

“Vaga moa na kô ara tau nogo vuvura mai, migira na reku ara mamatsa buto lê,

Isaia 15:6

E mamatsa lê nogo na Masarina Kô i Nimrim, ma na buruburu ara dato i liligina ara viri matsele sui, me tagara goto sa omea marao ke kauvisu.

Isaia 23:11

Na Taovia e tatakatsininogoa na limana i kelana na tasi me tsoni pukaligira na veraloki sui. Me moloketsana kara toroutsanigira pipi sui na verabau agana na tsabiri ma na voli omea ara totu tana Ponisia.

Isaia 50:2

“?Kalina inau au mai na laveamui ma na rongona gua ti au tau reia sa tinoni? ?Mi kalina inau au soagamu, ma na rongona gua ti amu tau gokovisu vaniau? ?Me laka amu padâ inau au maluku sosongo me tau tangomana kau maurisigamu? Bâ, minau tangomana kau goko moa me ke gini mamatsa na tasi, ma kau oligira na kô tatave ma kara lia na kaomate lê, ma kara gini viri mate na tsetse i laoqira rongona e mamatsa lê na kô.

Isaia 37:25

Mo gini goko kaekae goto laka igoe nogo o tsaigira na tuvu i laoqira na vera tavosi mo inuvia na kona, me laka igoe nogo o naua me gini mamatsa takuti na Kô Nile kalina igira nimu mane vaumate ara tulusavu i laona.