Isaia 16:2 - Ghari

² Igira ara pipitu i liligina na Kô Arnon, mara lolonga votu babangataga, vaga moa na manu ara tsialigigira tania na binuqira.

Isaia 16:2 Referans Kwoze

Goko Tabana 27:8

Na tinoni e vanoligi tania na verana e vaga moa na manu e lovoligi tania na binuna.

Tinoni Pede 11:18

Mi muri, mara liu bâ tugua moa i laona na kaomate, mara liu i liligina na butona na kao ni Edom ma na butona na kao ni Moab, poi ara mai tsau i Moab tabana i longa, i tabana bâ na Kô Arnon. Mi tana ara totu, mara tau goto savu bâ tana Kô Arnon, rongona i tana nogo na vovotana na kao ni Moab.

Jeremia 48:20

Me sauba kara gokovisu ma kara tsaria vanigamu, ‘!E puka kiki nogo na Moab, kamu ngangaisia rongona e paluvangamana sosongo! !Kamu liuvi poponoa na Kô Arnon, ma kamu tsarivulagia laka e toroutsa saikesa nogo na Moab!’

Isaia 13:14

“Migira na tinoni ni veratavosi ara totu i Babilon sauba kara tsogovisutugua tana veraqira segeni, ma kara tsogo saranga bamai vaga moa na dia kalina ara tsogo tanigira na tinoni na rugu, me vaga goto na sipi kalina e tagara kesa ke reitutugugira.

Josua 13:16

Niqira butona kao igira e tsau bâ i Aroer tana liligina na Poi ni Arnon, ma na verabau i levugana na poi ia, me adisaigira bâ goto na poi loki i kelaqira na tetena sui polia i Medeba.

Na Vaolusi Ketsa 3:12

Ma Moses e tsarigotoa. “Mi kalina igita a launogoa na kao ia, minau au sauvanigira na puku ka koniqira a Ruben ma Gad na butona kao tabana i vava na vera ni Aroer i ligisana na Kô Arnon, ma na turina na kao vungavungaga ni Gilead, kolugira goto nina vera tetelo sui.

Na Vaolusi Ketsa 3:8

“Mi tana tagu goto ia, migita a laua ka koniqira kaira a Sihon ma Og niqira taovia tsapakae igira na Amor, na kao tabana i longa na Kô Jordan, tû tana Kô Arnon me tsau bâ tana Vungavunga Hermon.

Na Vaolusi Ketsa 2:36

Na Taovia nida God e tamivanigita ka tangoligira pipi sui na vera tû i Aroer tana susuina na poi ni Arnon, ma na verabau i levugana na poi ia, me tsau bâ i Gilead. Me tagara goto sa vera tamani baravatuna ke kakai vanigita.

Tsoko Tinoni 21:29

!Sauba ke seko sosongo vanigamu igamu na tinoni ni Moab! !Igamu amu samasama vania Kemos na god peropero sauba kamu nangaligi lê sui! Ma nimui god peropero ia e tamia moa nimui mane kara totu tsinogo bamai tana veratavosi, ma niqira taovia tsapakae na Amor ara laugira sui nimui daki.

2 Taovia Tsapakae 3:4

Maia Mesa na taovia tsapakae ni Moab e tamanigira danga sosongo na sipi, mi laona pipi ngalitupa aia e saua ngiti voli takisi vania na taovia tsapakae ni Israel e 100,000 na dalena sipi, ma na ivuqira goto 100,000 na sipi.

Goko Tabana 26:2

Na vealagi e tau tangomana ke sekolia kesa ti vaga aia e tau naua sa omea ke seko. E vaga moa na manu e lovo putsi me tau goto tao sa nauna.

Jeremia 48:9

Kamu bâ, ma kamu tsai qiluna na Moab rongona sauba ke tau oka me ke toroutsa saikesa. Migira nina verabau sui sauba kara viri totu mangu lê, me ke tagara goto ke kesa ke totuvigira tugua.”

Jeremia 48:46

!E livu galuvemu kiki igoe na Moab! Igira nimu tinoni ara samasama vania Kemos na god peropero ara viri mate sui nogo, ma na dalemu mane ma na dalemu daki ara aditsekavanogira.