Isaia 16:12 - Ghari

¹² Igira na tinoni ni Moab ara kolae mate lê na dato bâ tana niqira peotabu ma niqira valetabu i kelaqira na vungavunga gana na lotu, me tau lelê goto pelugira sa omea.

Isaia 16:12 Referans Kwoze

Isaia 15:2

Igira na tinoni ni Dibon ara dato bâ na ngangai tana niqira nauna tabu i kelana tetena. Migira na Moab ara tangisikaira na verabau ni Nebo mi Medeba; mara tsara koakoâ na lovaqira ma na ngolaqira tana melu.

Jeremia 48:35

Inau sauba kau matesigira na tinoni ni Moab, igira ara savoria na savori-kodokodo tana niqira nauna na mani samasama, ma na kodoputsa vaniaqira niqira god peropero. Inau nogo na Taovia au tsaria na omea iani.

1 Taovia Tsapakae 18:29

Mara sagulepo mara vevo babâ moa vaga ia poi tsau tana niaso ngulavi; me tau goto gokovisu kesa vanigira, mara tau goto rongomia sa omea.

Tsoko Tinoni 23:28

Me vaga ia, maia e adidatoa a Balaam i kelana na Vungavunga Peor i tana e tugua na morotaligu bâ tana kaomate.

Tsoko Tinoni 23:14

Mi kaira ara ka duli vano kesa tana netana i kelana na Vungavunga Pisga. Mi tana goto ara ka ba totugira vitu na peo, mara ka savorigira kesa na buluka mane ma na sipi mane i kelaqira tatasa pipi na peo.

Tsoko Tinoni 22:39

Ma Balaam e dulikolu vanoa a Balak i Husot,

Jeremia 48:46

!E livu galuvemu kiki igoe na Moab! Igira nimu tinoni ara samasama vania Kemos na god peropero ara viri mate sui nogo, ma na dalemu mane ma na dalemu daki ara aditsekavanogira.

Jeremia 48:13

Mi tana ti sauba igira na Moab kara gini vangamâ tana rongona Kemos niqira god peropero, vaga nogo igira na Israel ara gini vangamâ tana rongona Betel, aia e kesa na god peropero ara norukakaia.

Jeremia 48:7

“Moab igoe o norua moa na susuligamu segeni, mo tsotsovata tana nimu omea tatamani danga, mi kalina ia, atsa moa goto igoe, me sauba nomoa kara tuliusigo, ma kara aditsekavanoa Kemos nimu god peropero, kolugira goto nina manetabu, migira nimu tinoni lokiloki.

Jeremia 10:5

Ma na titinonina na god peropero vaga ia, ara vaga saikesa moa na omea gana na pero manu ara moloa tana uta na sila; ara tau dona na goko; me kilia kara kalagaigira rongona e utu kara vanovano segeni. Igamu kamu laka na mataguniaqira, rongona igira ara tau tangomana kara sekoligamu, se kara nauvanigamu sa omea dou.”

Isaia 47:13

Igoe o tau lelê susuliga, atsa moa na parovata sui ara sauvanigo igira na tinoni sasaga. Ko molovanigira igira ara dona na reigadoviana na veitugu kara mai ma kara maurisigo. Na tinoni girani ara mamatanigira na veitugu, me pipi na vula ara mai katevulagi vanigo na omea sauba ke laba vanigo.

Isaia 37:38

Me kesa dani, kalina aia e bâ na samasama i laona nina vale tabu a Nisrok nina god, mara ka tû kaira a Adramelek ma Sareser, kaira na dalena segeni nogo aia, mara ka ba labumatesiginia ka niqira isi, mi muri, mara ka tsogovano tana butona momoru ni Ararat. Me kesa segeni goto na dalena, aia Esaradon, e tugua tamana tana nina aqo taovia tsapakae.

Isaia 26:16

Taovia igoe nogo o kedegira nimu tinoni, mi laona niqira rota loki igira ara nonginongi vanigo.

Goko Tabana 1:28

Mi tana ti igamu kamu soaau inau kau mai sangagamu minau e utu kau mai. Igamu sauba kamu laveau inau pipi nauna, me sauba e utu kamu tsodoau.

2 Taovia Tsapakae 19:12

Igira na mumuaqu inau ara toroutsanigira nogo na verabau ni Gosan, mi Haran, mi Resep, mara labumatesigira sui na tinoni ni Beteden igira ara totu i Telasar, me tau lelê goto tangomana sa vidaqira niqira god ke laumaurisigira.

2 Taovia Tsapakae 3:27

Te aia e tû me adia na dalena mane botsaida, aia laka ke tugua tamana vaga na taovia tsapakae, me ba savoria i kelana na baravatuna na verabau, vaga na kodoputsa vania niqira god na Moab. Mi kalina igira na Israel ara reia e nauvangana ia, mara gini matagu loki, mara vanoligi tania na vera ia mara visutugua tana niqira butona kao segeni.

1 Taovia Tsapakae 11:7

Mi kelana na vungavunga e pala tabana i longa vania i Jerusalem, aia e logoa kesa na vale gana na samasama vaniana Kemos, na god marasibiga ni Moab, me kesa na vale goto na mani samasama vaniana a Molek na god marasibiga ni Amon.

Tsoko Tinoni 24:17

Mau morosi bâ tana tagu ke mai i muri, mau reia na puku loki na tinoni ni Israel. E kesa na taovia tsapakae, aia ke maka vaga moa na veitugu, sauba ke tukae i laona na puku loki ia. Sauba aia ke tû i Israel me ke mai labu pukaligira niqira ida na Moab, me ke tsogori tsunagira sui na dalena a Set.

Tsoko Tinoni 22:41

Mi tana matsaraka na dani i muri maia Balak e adia a Balaam me dato kolua i Bamot Baal, i tana e tugua ke tû a Balaam me ke moro bâ i koniqira na turina na toga ni Israel.

Tsoko Tinoni 21:28

Eo, e tû tana verabau ni Hesbon i sau, igira nina mane vaumate a Sihon ara alavano vaga saikesa moa ti na lake; mara iruvi poponoa na verabau ni Ar tana Moab, mara konomi poponogira igira ara totu tana uluna na Kô Arnon.

Isaia 16:13

Maia nogoria e vaga na goko e sauidâ na Taovia tana rongoqira na Moab.