Isaia 13:8 - Ghari

⁸ Me sauba kara viri matagu loki sui, me ke tavongani laba vanigira na vatsangisavi loki, vaga moa na vatsangisavi e laba vania na daki kalina e vatsangia na dalena. Ma na ngoraqira kara sauvulagia laka ara rota loki, ma kara vaimorosigi tana padasavi.

Isaia 13:8 Referans Kwoze

1 Tesalonika 5:3

!Eo, kalina igira na tinoni kara tsaria, “Na omea sui ara goto nogo, mara totu dou sui,” mi tana tagu tsotsodo nogo ia, sauba ke tavongani gadovigira na rota loki, me ke vaga nogo kalina na daki e tavongani vatsangisavia na sosongo loki tana vasusu! Me ke utu goto vanigira na tsogopoi taniana.

Nahum 2:10

!Reia bâ! !Na Ninive e toroutsa saikesa, mara viri tsogo sui na tinonina, me totu mangu lê! E kaso na tobaqira tana matagu, me pulo na tuaqira, me tavongani labe lê na koniqira.

Isaia 26:17

Igoe nogo Taovia o rotasigami mami gini kangadato, vaga nogo kesa na daki e kangadato tana sosongo kalina e vatsangia na dalena.

Ioane 16:21

“Kamu reia, kalina kesa na daki e varangi nogo ke vasusu, maia e melu rongona e tsaumai nina tagu na rota. Mi kalina e botsa nogo na baka, maia e padale tsakua nina rota, me magemage matena kesa baka e labamai nogo i barangengo.

Joel 2:6

Mi kalina igira na kipo ara maimai varangi nogo, ma na tinoni sui lakalaka ara viri matagu mate, me labelabeaga lê na koniqira.

Jeremia 50:43

Mi kalina na taovia tsapakae ni Babilon e rongomia laka ara maimai nogo igira na gala, ma na limana e tsautsau labelabe lê tana matagu loki. Me gadovia na rota ma na sosongo vaga moa na daki kalina e vatsangia na dalena.

Jeremia 30:6

!Mi kalina ia, kamu papada ma kamu vilekedoua! ?Laka tangomana na mane ke vasubaka? ?Me laka na rongona gua ti au reigira pipi mane ara tangolia na tobaqira vaga moa na daki e vatsangia na dalena? ?Megua ti amu raviraviga lê tana matagu?

Jeremia 4:31

Inau au rongomia kesa e ngangai vaga saikesa moa na daki kalina e vatsangia na dalena, me kanga vaga moa na daki kalina e vasua na volati. Aia nogo nina ngangai na Jerusalem e dadato kesa na mamagona, me tatakatsinia na limana me tsaria, “Au seko pitsu nogo! !Igira gaqu gala ara maimai nogo gana kara matesiau!”

2 Taovia Tsapakae 19:26

Migira na tinoni ara totu i tana ara tau saikesa tamanina sa susuligaqira; ara viri matagu moa me ponopala na tobaqira. Ara vaga saikesa moa na buruburu tana uta, se na buruburu ara dato lê i kelana vale, mi kalina e votu na guguri papara talu i longa me puasalaligigira sui.

Jeremia 13:21

?Me laka nagua sauba ko tsaria kalina igira na tinoni igoe o padâ ara tabana kolugo kara tû, ma kara tangoligo, ma kara tagaovi kaputigo? Tana dani ia, migoe sauba ko vatsangisavi sosongo vaga moa na daki e vatsangia na dalena.

Jeremia 46:5

“?Laka nagua au reia inau? Inau na Taovia au reigira na mane vaumate ni Ejipt ara matagu loki mara viri tsogovisu lê. Ara ulo tsaku sosongo mara tau goto morovisu. Na omea mamataguniga e totu moa pipi tana nauna sui.

Jeremia 48:41

ma kara tangoligira na verabau ma na valekakai sui ara barapoliginia na vatu. Mi tana dani ia, igira na mane vaumate ni Moab sauba kara viri matagu mate vaga moa na daki kalina e vatsangia na dalena.

Jeremia 49:22

Igira na gala sauba kara bokia na Bosra vaga moa na manu loki kalina e kaporakasia na rapona, me lovotsuna tsaku gana ke tsakâ gana lamuta. Mi tana dani nogo ia, migira na mane vaumate ni Edom sauba kara viri matagu mate vaga moa na daki kalina e vatsangia na dalena.”

Jeremia 49:24

Igira na tinoni ni Damaskus ara tau saikesa susuliga, mara tsogoligi tana matagu loki. Ara vatsangi savi mara rota, vaga moa na daki e vatsangia na dalena.

Jeremia 51:30

Migira na mane vaumate ni Babilon ara mololenogoa na vailabu, mara ba toturavi tana niqira valekakai. E puka lê rebona gaqira susuliga mara maluku vaga moa ti na daki. Migira na matsapakapuna na verabau ia ara viri tavui, mara iru sui na vale.

Esekiel 20:47

Ko tû mo ko tsarivania na goana atsi tabana i ata ke rongomi vatavidoua na omea inau na Taovia God au tsarivania: !Reia bâ! Inau au vavunogoa na lake, me sauba ke ganigira sui lakalaka na gai ara tû i laomu, atsa moa ti na gai mamauri se na gai mate. Me tagara goto sa omea tangomana ke tsimatesia na lake ia. Aia sauba ke iru saraba bamai, ke tû i ata me ke tsau bâ i vava, migira na tinoni sui kara vatsangia na paparana na lake ia.

Hosea 13:13

Israel e tugua nomoa ke mauri, maia e tau lelê sasaga me sove, vaga moa kesa na baka e varangi ke botsa, me sove na rutsuligi tania na tobana tinana.

Linge 48:7

me vaga goto kalina na vaka ara tsodoa na legai loki mara likelike bamai.