Isaia 13:7 - Ghari

⁷ Mi tana ma na limaqira pipi tinoni sauba kara tsau labelabeaga lê, me sauba ke puka lê rebona gaqira malagai.

Isaia 13:7 Referans Kwoze

Esekiel 21:7

Mi kalina igira na tinoni kara veisuago rongona gua ti o kukungu vaga ia, migoe ko tsarivaganana vanigira, ‘Inau au vasini rongomia moa laka e maimai nogo kesa na tagu seko. Mi kalina ke laba, migamu sauba kamu matagu loki sosongo, ma na limamui sauba kara labelabeaga lê, me ke puka lê rebona gamui malagai, ma na tuamui kara gariri lê. E maimai nogo na tagu seko ia, me totu kolugita nogo. Na goko iani e talu nogo konina na Taovia God.’ ”

Nahum 2:10

!Reia bâ! !Na Ninive e toroutsa saikesa, mara viri tsogo sui na tinonina, me totu mangu lê! E kaso na tobaqira tana matagu, me pulo na tuaqira, me tavongani labe lê na koniqira.

Nahum 1:6

?Mi kalina aia e kore loki, me laka asei tangomana ke pitsa tania? ?Masei nomoa tangomana ke baria nina momosatoba loki? E botsalaba na korena loki me iru na matana, mara viri tarutu na vatu, mara lia lê na papasa.

Esekiel 7:17

Me sauba ke viri labe lê na limaqira, me ke gariri na tuaqira.

Isaia 19:1

Iani nogo e vaga na goko tana rongona na Ejipt. Na Taovia e sagekae i kelana na parako, me maimai tsaku kalea i Ejipt. Migira na god peropero ni Ejipt ara gagariri i matana ia, migira na tinoni e puka lê rebona gaqira susuliga.

Jeremia 50:43

Mi kalina na taovia tsapakae ni Babilon e rongomia laka ara maimai nogo igira na gala, ma na limana e tsautsau labelabe lê tana matagu loki. Me gadovia na rota ma na sosongo vaga moa na daki kalina e vatsangia na dalena.

Isaia 51:20

Mi tana tsuruna pipi na sautu, nimu tinoni ara maluku sosongo mara viri puka bamai, ara vaga moa na omea tuavati ara sogo tana nina vugo na mane na rugu. Mara vatsangia na susuligana popono na korena God.

Isaia 37:27

Migira na tinoni ara totu i tana ara tau saikesa tamanina sa susuligaqira; ara viri matagu moa me ponopala na tobaqira. Ara vaga saikesa moa na buruburu tana uta, se na buruburu ara dato lê i kelana vale, mi kalina e votu na guguri papara talu i longa me pualigigira sui.

Binaboli 15:15

Igira na ida tana Edom ara viri matagu mate; migira na mane malagai susuliga bâ tana Moab ara gagariri; me puka lê gaqira malagai igira na tinoni sui tana Kanaan.

Josua 2:11

Eo, mi kalina tsotsodo ami rongomia na turupatu vaga gira tana rongomui igamu, migami ami gini matagu loki sosongo; me puka lê gamami malagai. Rongona na Taovia nimui God aia e God i gotu tana baragata, mi lao ieni tana barangengo.

Linge 58:7

Kara nangaligi lê vaga moa na kô kalina e nara bamai me nanga lê tana kao; kara mate lê vaga moa na buruburu ara tsogoria tana sautu.

Jeremia 51:30

Migira na mane vaumate ni Babilon ara mololenogoa na vailabu, mara ba toturavi tana niqira valekakai. E puka lê rebona gaqira susuliga mara maluku vaga moa ti na daki. Migira na matsapakapuna na verabau ia ara viri tavui, mara iru sui na vale.

Esekiel 21:12

Dalena tinoni igoe, ko kanga loki tana melu; na isi iani sauba ke matesigira niqu tinoni, migira sui goto na ida tana Israel. Eo, igira sui na ida sauba nomoa kara mate kolugira sui niqu tinoni. !Ko lumua na aseasemu tana padasavi loki!

Nahum 2:11

Tana idana na verabau ni Ninive e vaga moa kesa na babana laeone, i tana ara ba totu raviravi dou igira na laeone loki kolu daleqira tetelo. Maia na laeone mane e ba ruguvia gaqira sabo, me matesia, me gati ngotsingotsia, me ba dangaliginia na babana na velesina, gana ke palaginigira na laeone daki kolu daleqira. ?Miava nogo na verabau ri kalina ia? E toroutsa saikesa nogo.