Isaia 12:5 - Ghari

⁵ Linge vania na Taovia tana rongona na omea loki aia e naugira. Ma na barangengo popono kara rongomia na turupatuna.

Isaia 12:5 Referans Kwoze

Linge 98:1

!Lingena na linge vaolu vania na Taovia; rongona aia nogo e naugira na omea loki! Tana nina mana segeni mi tana susuligana tabu aia e gini managana.

Binaboli 15:1

Mi tana ma Moses migira sui na toga ni Israel ara teâ kesa na linge vania na Taovia mara tsaria: “Inau sauba kau linge vania na Taovia, rongona aia e mana sosongo gana; me tsoni luvusigira i laona na tasi igira sui na ose migira ara sage i koniqira.

Habakuk 2:14

Rongona God sauba ke dangali tovuginia na barangengo nina sasaga loki, vaga nogo na tasi e dangali poponoa na kema.

Isaia 40:9

Ko dato bâ i kelana kesa na vungavunga katsi, mo ko ba turupatuna na turupatu dou vanigira i Jerusalem. !Ko gudato me ke tangi loki bâ na liomu kara gini rongomia igira sui tana Sion! Ko gokolaba mo ko laka goto na matagu. Ko tsarivanigira na tinoni pipi sui tana vera ni Juda laka e maimai nogo niqira God!

Binaboli 15:21

Ma ko Miriam e lilinge vanigira me tsaria: “Linge vania na Taovia, rongona aia e mana sosongo gana; aia e tsoni luvusigira i laona na tasi igira sui na ose migira ara sage i koniqira.”

Na Katemai 15:3

Mara lilinge gana linge a Moses aia nina maneaqo God, ma gana linge goto na Dalena Sipi: “!Eo, kiki igoe Taovia God susuliga sosongo, ara loki sosongo mara dou rago nomoa nimu aqo sui! !Igoe o Taovia Tsapakae tana vera sui, mara gotolaka mara mana sosongo nimu sautu sui!

Linge 105:2

Linge na tsonikaeana na Taovia; katevulagigira na omea dou sui aia e naugira nogo.

Linge 72:19

!Tsonikaea na asana tabu na dani ma na dani! Ma na mararana loki ke dangali poponoa na barangengo. !Amen, Amen!

Isaia 24:14

Migira moa ara kauvisu sauba kara lilinge ma kara magemage. Migira ara totu tabana i tasi sauba kara tsarivulagia gana loki tsapakae na Taovia,

Isaia 42:10

!Igamu sui na tinoni tana barangengo popono kamu lingena kesa na linge vaolu na mani tsonikaeana na Taovia! Kamu tsonikaea igamu sui amu liu tana vaka i tasi; migamu goto na omea mamauri sui i laona na kema. Migamu sui amu totu tana momoru ao kamu sanga goto na linge vaniana kesa na linge vaolu.

Isaia 42:11

Igamu sui amu totu tana kaomate, kamu tsonikaea God; migamu goto na tinoni ni Kedar, kamu lilinge ma kamu tsonikaea. Migamu amu totu tana verabau ni Sela kamu gudato tana magemage i kelaqira na vungavunga.

Isaia 44:23

!Ko gudato tana magemage igoe na baragata! !Ma kamu gû dato igamu sui goto amu totu i vavana na barangengo! !Kamu gudato tana magemage igamu na vungavunga me pipi sui na gai i laona na goana atsi! Na Taovia e sauvulagia gana loki tsapakae tana laumaurisiaqira na Israel igira nina tinoni segeni.

Malaki 1:11

“Migira na tinoni tavosi tû kesa tabana na barangengo me tsau bâ kesa tabana ara dona rago na kukuni taniaqu inau. Me pipi tana nauna sui ara kodo vaniau na bulunagai uruuru, mara savori vaniau na kodoputsa e dou i mataqu. !Eo, pipi gira sui ara kukuni taniau!