Isaia 12:4 - Ghari

⁴ Me maimai nogo na tagu i tana sauba kamu linge ma kamu tsaria, “!Soadoua na Taovia! !Kamu nongia ke sangagamu! !Ma kamu katevulagi vanigira na puku sui na omea aia e naugira! !Tsarivanigira gana loki tsapakae!

Isaia 12:4 Referans Kwoze

Linge 105:1

Soadoua na Taovia, katevulagia gana loki tsapakae; tsarivanigira na puku sui na omea aia e naugira.

1 Turupatu Dato 29:11

Igoe o loki putsikae mo susuliga sosongo, mo marara loki, mo doulaka saikesa, mo taovia loki i gotu vasau, rongona pipi sui na omea i baragata mi barangengo nimu tamani nogo igoe, migoe o taovia tsapakae mo tagaovi kaputigira na omea sui.

Isaia 25:1

Taovia igoe nogo niqu God; minau sauba kau soadatogo ma kau tsonikaea na asamu tabu. Igoe o naugira danga na omea ganataga loki; mo manaligira saikesa pipi sui na omea igoe o vangaraua na nauaqira i sau.

Ioane 17:26

Inau au katevulagigo vanigira, mau ngaoa kau katevulagigo babaa, na rongona na galuve igoe o galuv eginiau ke totu i tobaqira minau goto kau totu i tobaqira.”

Jeremia 50:2

“!Kamu turupatuna na goko iani vanigira na puku sui! !Kamu katevulagia vanigira! !Kamu uvia na tavuli ma kamu tsarivulagi bamaia na goko iani ma kamu laka goto na molopoiana! !E puka nogo na Babilon, mara tairutunogoa Marduk nina god peropero! !Ara paluvangamaqira sui nogo nina titinonina na god peropero ni Babilon, mara tsogori rapasigira goto na nununa lê nina god peropero marasibiga!

Linge 57:5

Niqu God, ko saulabatia tana masaoka laka igoe o loki tsapakae, ma na mararamu ke tsavu poponoa na barangengo.

Linge 18:46

!Na Taovia aia e totu mamauri manana! !Tsonikaea aia niqu reitutugu! Katevulagia gana loki tsapakae God aia e maurisiau.

Nehemia 9:5

Mi muri mara visana na Levite ara soagira na tinoni kara mai lotu vania God: tugira nogo a Jesua, ma Kadmiel, ma Bani, ma Hasabneia, ma Serebia, ma Hodia, ma Sebania ma Petahia. Mara tu tsaria: “!Kamu tû ma kamu tsonikaea na Taovia nimui God na dani ma na dani! Na tinoni sui kara tsonikaea na asana tabu, atsa moa ti ke tagara goto sa nina tsonikae na tinoni ke ulagana.”

Binaboli 33:19

Ma na Taovia e tuguvisua me tsaria, “Inau sauba kau naua ma niqu doulaka popono ke liuputsi tanigo, mi matamu nogo igoe inau sauba kau tsarivulagia na soaqu tabu. Inau nogo na Taovia, minau au vangalaka vaniasei moa au ngaoa kau vangalaka vania, mau galuvea asei moa au ngaoa kau galuvea.

Binaboli 15:2

Na Taovia aia nogo e isutuguqu; aia segenina nogo e laumaurisiau. Aia nogo niqu God, minau sauba kau tsonikaea, aia nina God na tamaqu, ma kau linge tana rongona gana loki tsapakae.

Isaia 66:19

mi tana ti kara donaginia laka inau nogoria na Taovia au kedegira. “Me sauba nomoa kau gaegira ke visana vidaqira, ma kau molovanogira i laoqira na puku tavosi tana momoru ao gana kara katevulagia gaqu tangirongo tsapakae vanigira igira ara tau vati rongomia moa se kara reilakana gaqu loki tsapakae ma na susuligaqu. Sauba kau molovanogira i Spain, mi Libia, mi Lidia i tana na tinoni ara dona sosongo na gini vanavana na parige, mi Tubal, mi Gris.

Isaia 33:5

!Na Taovia aia segeni moa e loki tsapakae! Aia segeni moa e tagaovi kaputigira pipi na omea sui. Maia sauba ke dangaliginia na Jerusalem na pedegoto ma na sasaga gotolaka,

Isaia 24:15

migira ara totu i longa sauba kara tsonikaea. Migira goto ara totu i tasi taligu sauba kara tsonikaea na Taovia na God ni Israel.

Isaia 12:1

Me maimai nogo na tagu i tana igira na tinoni kara linge ma kara tsaria, “!Taovia, inau au tsonikaego! Atsa moa ti igoe o kore vaniau tana idana, mi kalina ia o tau nogo kore vaniau, mo vereau moa.

Isaia 2:17

Niqira kaekae na tinoni ma niqira padaloki segeniqira sauba kara sui lê. Ma na titinonina niqira god peropero sauba kara nangaligi lê saikesa, ma na Taovia segeni moa sauba kara tsonikaea tana tagu ia.

Isaia 2:11

E maimai nogo na tagu tana God ke suilavaginia niqira kaekae ma niqira koesegeni na tinoni. Mi tana ti kara donaginia laka na Taovia segeni moa niqira aqo kara tsonikaea.

Linge 113:5

Me tagara goto ke kesa ke atsa kolua na Taovia nida God. Aia e totu i gotu ba vasau,

Linge 107:22

Ma niqira aqo goto kara soadoua kolua niqira savori-kodoputsa, mi laona niqira linge na magemage kara katevulagigira na omea sui aia e naugira.

Linge 97:9

Taovia Susuliga Sosongo, igoe nogo o tagaovi kaputia na barangengo popono; migoe o loki liusigira bâ pipi sui na god tavosi.

Linge 96:3

Katevulagia gana loki tsapakae vanigira na puku sui, ma kamu turupatuna vanigira na toga sui na omea loki aia e naugira.

Linge 73:28

!Minau moa e dou sosongo bâ vaniau na totu varangisiamu igoe niqu God, ma na totu raviravi dou i konimu igoe niqu Taovia ma niqu God, ma na katevulagiana na omea dou sui igoe o naugira!

Linge 46:10

Me tsarivaganana, “Kamu mololea na vailabugi, ma kamu donaginia laka inau nogo God, mau loki tsapakae i laoqira na puku sui, mau loki tsapakae kaputia na barangengo popono.”

Linge 40:5

!Igoe nogo o Taovia mo nimami God mo naugira vanigami danga na omea; me tagara goto ke kesa ke atsa kolugo igoe! Igoe nogo o naumanogati vanigami danga na omea dou sosongo. !Me utugana saikesa vaniau kau tsaritutugugira sui, rongona igira ara danga seko sosongo!

Linge 34:3

!Kamu sangapata koluau na tsonikaeana na Taovia; igita sui kolu ka tsonikaea na asana!

Linge 22:31

Me sauba kara tsarivanigira igira ara tau vati botsa moa: “Na Taovia aia nogo e maurisigira nina tinoni.”

Linge 21:13

!Ami tsonikaego Taovia tana rongona na susuligamu loki! Eo, sauba kami linge ma kami tsonikaea na susuligamu.

Linge 9:11

!Linge na tsonikaeana na Taovia, aia nogo e tagao i Sion! !Katevulagia vanigira na puku sui na omea aia e naugira!

1 Turupatu Dato 16:8

Soadoua na Taovia, katevulagia gana loki tsapakae; tsarivanigira na puku tavosi sui na omea aia e naugira.

Linge 148:13

!Igira sui lakalaka kara tsonikaea na asana na Taovia! Rongona na asana aia e loki liusigira bâ na soa sui tavosi; ma gana loki tsapakae e dato ao liusia na barangengo ma na baragata.

Isaia 26:8

Igami ami muria nimu kili, mami vataraginia nimami amesi i konimu; eo, igoe segeni moa igami ami kili sailaginigo.

Isaia 42:12

Migamu goto amu totu tana vera i tasi taligu kamu tsonikaea ma kamu soalokia na Taovia.

Isaia 48:20

!Bâ, mi kalina ia kamu tû, ma kamu tsogoligi tania i Babilon! Kamu magemage ma kamu gudato kara gini rongomigamu igira na tinoni pipi sui tana nauna, ma kamu tsaria, “!Na Taovia e laumaurisigira nogo na Israel igira nina maneaqo!”

Malaki 1:11

“Migira na tinoni tavosi tû kesa tabana na barangengo me tsau bâ kesa tabana ara dona rago na kukuni taniaqu inau. Me pipi tana nauna sui ara kodo vaniau na bulunagai uruuru, mara savori vaniau na kodoputsa e dou i mataqu. !Eo, pipi gira sui ara kukuni taniau!

Linge 68:5

God aia e totu i laona nina Vale Tabu, me aragogira na baka tinamate me reitutugugira na daki tinamate.