Isaia 11:16 - Ghari

¹⁶ Me sauba ke totu kesa na sautu loki niqira mani liu igira nina tinoni ni Israel kalina kara mololea na Asiria, vaga nogo e nauvanigira na mumuaqira i sau kalina ara mololea i Ejipt.

Isaia 11:16 Referans Kwoze

Isaia 19:23

Mi kalina ke labamai na tagu ia, me sauba ke totu kesa na sautu loki i ka levugaqira na Ejipt ma na Asiria. Migira na tinonina na butona momoru kaira, sauba kara dona na vanovisu ka koniqira, ma kara samasama sai.

Isaia 11:11

Mi kalina ke labamai na tagu ia, maia na Taovia sauba ke gini aqo tugua na susuligana loki, me ke adivisumaigira nina tinoni, igira ara totuvisu moa i Asiria, mi Ejipt, mi Patros, mi Sudan, mi Elam, mi Babilonia, mi Hamat, mi tana vera sui i tasi taligu, ma na momoru i tasi.

Isaia 62:10

Me vaga ia, migamu na tinoni ni Jerusalem kamu rutsu tania nimui verabau, ma kamu votia kesa na sautu i tana kara liu igira nimui tinoni kalina kara visumai. Kamu vangaraua kesa na sautu loki, ma kamu tsakoligigira na vatu. Ma kamu molodatoa kesa na padapada rongona ti igira na puku sui kara donaginia laka

Isaia 57:14

Na Taovia e tsaria, “Kamu tamivanigira niqu tinoni kara visumaitugua i koniqu. Kamu voti manogati vanigira na sautu tana kara liu, ma kamu adiligigira pipi sui na omea ara totu kapusia.

Isaia 51:10

Migoe goto nogo o naua me gini mamatsa na tasi, mo aqosia kesa na sautu i levugana na kema, gana kara tangomana na liusavu igira na tinoni igoe o maurisigira.

Isaia 49:12

Me sauba kara visumai talu tana vera ao, tabana i vava, mi tasi, mi Asuan tabana i ata.”

Isaia 27:13

Mi kalina ke labamai na tagu ia, me sauba kara uvia na tavuli gana kara soavisumaigira sui na Israel ara totutseka i laona na Asiria ma na Ejipt. Migira sauba kara visumai ma kara samasama vanitugua na Taovia i Jerusalem tana nina vungavunga tabu.

Isaia 1:9

Me ti vaga na Taovia Susuliga Sosongo ke tau tamivanigira visana nida tinoni kara mauri, ma na Jerusalem ke toroutsa popono saikesa, vaga nogo kaira na Sodom ma na Gomora i sau.

Isaia 10:20

E maimai nogo na tagu kalina igira na tinoni ni Israel ara matepitsa tana vailabu, sauba kara tau goto vataragi bâ konina na puku aia e varangi ke toroutsanigira saikesa. Me sauba kara vataragi bâ saikesa moa konina na Taovia, niqira God tabu na Israel.

Isaia 49:11

“Inau sauba kau aqosia kesa na sautu loki ke taligu bâ tana vungavunga i tana kara liu igira niqu tinoni.

Sepania 2:7

Migira moa na tinoni ni Juda ara tau mate tana vailabu, sauba kara ba totuvia nimui kao. Mi tana kara mologira niqira sipi kara mutsamutsa, mi tana bongi kara ba maturu i laoqira na vale i Askelon. Na Taovia niqira God sauba ke totu kolugira, me ke naua ma kara gini tamani visutugua na omea danga.

Binaboli 14:22

me totu kakai lê ruka tabana vaga moa ti na ponoponona na vale, migira na toga ni Israel ara liusavu mamatsa i levugana na tasi.