Isaia 11:10 - Ghari

¹⁰ E maimai nogo na tagu i tana aia na taovia tsapakae vaolu ke talumai tana vungu konina a David, me ke tû ngiti padapada vanigira na tinoni pipi sui tana vera. Migira sui sauba kara saimai tana verana aia ma kara tsonikaea.

Isaia 11:10 Referans Kwoze

Luka 2:32

Aia nogo na marara ke mararasigira na toga pipi tana vera sui, me ke molokaegira igira nimu tinoni ni Israel.”

Isaia 11:1

Na vungu taovia konina a David e vaga saikesa moa kesa na gai ara kavitsunanogoa. Me vaga nogo na vasuna vaolu ara vasudato tana tuturina, me vaga goto sauba ke kesa na taovia tsapakae vaolu ke tudato i laoqira na kukuana a David.

Ioane 12:32

Mi kalina kara tsauraginikaeau tania na barangengo, mi tana ti inau sauba kau alomaigira na tinoni sui ma kara mai i koniqu.”

Mateo 12:21

Mi konina nogo aia, igira na toga sui tana barangengo popono, kara vataraginia niqira amesi.”

Mateo 8:11

Au tsaria na manana vanigamu: laka na dangana sauba kara talumai pipi nauna tana barangengo popono, ma kara totu kolutugira a Abraham, ma Isaak, ma Jakob tana kavomutsa tana Verana God i gotu.

Aqoaqo 11:18

Mi kalina igira ara rorongo vaga ia, mara gini tau goto tsonivoo tana vaitsari, mara soalokia God mara tsaria, “Vaga ia, ma God e sauvanigira goto na tinoni ni veratavosi na sautu tana kara gini padasavigira niqira sasi, ma kara gini tsaulia na mauri saliu.”

Na Katemai 22:16

Me goko goto a Iesu me tsaria, “Inau a Iesu, au molovanonogoa niqu angelo ke tsaritutugugira na omea sui girani vanigamu sui pipi tana vera na lotu. Inau nogo na kukuana laka a David; minau goto na veitugusidani marara maka.”

Hagai 2:9

Ma na Vale Tabu vaolu sauba ke rereidou sosongo bâ liusia na purana. Mi tana ti inau kau mologira niqu tinoni kara totudou tana rago. Inau nogo na Taovia Susuliga Sosongo au tsaria na omea iani.”

Isaia 49:22

Ma na Taovia God e tsarivaganana iani vanigira nina tinoni, “Inau sauba kau molo padapada vanigira na puku tavosi, migira sauba kara adivisumaigira i vera na dalemui.

Linge 91:1

Aia moa e dona na ba toturavi i konina na Taovia, ma na totu kalavata i vavana nina reitutugu aia e Susuliga Sosongo,

Isaia 60:3

Migira na puku tavosi kara reia na mararamu, ma kara saimai i konimu, migira goto na taovia tsapakae ni barangengo kara reia na makana nimu dani vaolu, ma kara tsaku mai i konimu.

Tuturigana 49:10

A Juda sauba ke tangolikakaia nina itoro na taovia tsapakae, Migira na kukuana sauba kara tagao saviliu, poi tsau kalina ke laba mai na tamanina. Migira na puku tavosi sauba kara adimai vania niqira vangalaka, Ma kara rongomangana.

1 Petero 5:10

Amu vatsangiragoa na rota kalina eni. Me sauba i muri ke tau oka, ma God na Taovia vangalaka, aia e viligamu kamu gini tamanina pata na mararana saliu kolua a Iesu Kristo, aia segenina nogo sauba ke vaolusigamu, me ke kakaisigamu, me ke sangagamu ti kamu gini susuliga na tukakai sailagi tana nimui tutuni.

Hibru 4:1

Mi kalina ia, ma God e vekenogoa vanigita laka sauba igita ka sangasage kolua aia i laona na vera na mango. Me dou baa ti igita ka parovata ma ka tau petsakoe, me ke gini tau utugana vania ke kesa i laomui na sangasage i laona na vera na mango God e vekenogoa vanigita.

Aqoaqo 28:28

Mi tana a Paulo e suilavaginia nina goko me tsaria: “Me vaga ia, migamu nogo kamu dona laka na turupatu dou tana rongona na mauri saliu e talu i konina God e laba nogo vanigira na tinoni ni veratavosi. !Migira nogo sauba kara tamidou na rongomiana!”

Isaia 66:19

mi tana ti kara donaginia laka inau nogoria na Taovia au kedegira. “Me sauba nomoa kau gaegira ke visana vidaqira, ma kau molovanogira i laoqira na puku tavosi tana momoru ao gana kara katevulagia gaqu tangirongo tsapakae vanigira igira ara tau vati rongomia moa se kara reilakana gaqu loki tsapakae ma na susuligaqu. Sauba kau molovanogira i Spain, mi Libia, mi Lidia i tana na tinoni ara dona sosongo na gini vanavana na parige, mi Tubal, mi Gris.

Isaia 60:5

Migoe sauba ko morosigira mo ko gini mage loki, me ke pidi na tobamu. Niqira omea loki matena na veratavosi sauba kara adimaigira vanigo, me ke tû tabana bâ na tasi igira sauba kara lutsangimai vanigo niqira omea levolevo.

Isaia 59:19

Me ke tû i longa me ke tsau votu i tasi, sauba igira na tinoni sui kara matagunia na asana tabu ma na susuligana loki. Maia sauba ke maiginigira vaga moa na tatarina na obo loki kalina na guguri loki e sulukaea na kô.

Isaia 28:12

Aia segeni nogo e mologamu kamu totu dou tana butona momoru iani, me tsarivaganana vanigamu, “Tana butona momoru iani igamu kamu mango ma kamu totu dou tana rago.” Migamu amu sove saikesa na rongomiana.

Isaia 2:11

E maimai nogo na tagu tana God ke suilavaginia niqira kaekae ma niqira koesegeni na tinoni. Mi tana ti kara donaginia laka na Taovia segeni moa niqira aqo kara tsonikaea.

Linge 149:5

Kara gini magemage nina tinoni God rongona e managaqira tana vailabu, kara linge tana magemage na bongi popono.

Linge 116:7

Ko mango rago igoe na tidaoqu, rongona aia na Taovia e dou sosongo vaniau.

Linge 91:4

Aia sauba ke tsavupoiginigo na rapona, migoe sauba ko totu raviravi dou i laona nina reitutugu aia; ma nina doulaka na Taovia sauba ke lia gamu tako me ke isutugumu.

Jeremia 6:16

Na Taovia e goko me tsarivanigira nina tinoni, “Kamu tû i tana ara labasai na sautu, ma kamu papada dou laka iava na sautu i tana amu ngaoa na muriana. Kamu lavea na sautu ni oka ara muria igira na mumuamui. Aia nogo na sautu dou bâ. Kamu muritaonia aia, me sauba kamu totu tana rago.” Migira ara tsaria, “!Tagara, igami ami sove!”

Isaia 14:3

Mi kalina na Taovia ke suilavagini vanigamu nimui vatsangi savi, ma nimui rota, ma na aqo kakai ara turuginigamu na nauana,

Na Katemai 5:5

Mi tana e kesa vidaqira na tuqa tabu e gokomai me tsarivaniau, “Ko laka na ngangai. !Ko reia baa! Aia nogo na Laeone tana duli konina a Juda, aia na kukuana loki a David, aia e mana nogo gana. Maia segeni moa e ulagana ke pokatiligitugira vitu na bubulutina, me ke sangavia na viviruna na papi iani.”

Tsoko Tinoni 10:33

Mi kalina igira na toga ara mololea i Sinai, aia na vungavunga tabu, ara vavano i laona e tolu na dani popono. Migira ara kalagaia nina Bokisi na Taso na Taovia ara idagana sautu vanigira gana kara lavea na nauna i tana kara ba tototu.

Isaia 11:12

Na Taovia sauba ke vaturikaea kesa na padapada, gana ke sauvulagi vanigira na puku sui laka aia e adisaigira tugua na tinoni ni Israel mi Juda, igira ara totu saranga bamai, me adivisumaigira talu tana vati tsuruna na barangengo.

Isaia 62:10

Me vaga ia, migamu na tinoni ni Jerusalem kamu rutsu tania nimui verabau, ma kamu votia kesa na sautu i tana kara liu igira nimui tinoni kalina kara visumai. Kamu vangaraua kesa na sautu loki, ma kamu tsakoligigira na vatu. Ma kamu molodatoa kesa na padapada rongona ti igira na puku sui kara donaginia laka

Sekaria 6:13

Aia nogo sauba ke logo visutugua niqu Vale Tabu inau, ma kara tsonikaea vaga moa ti aia na taovia tsapakae, me sauba ke tagaovigira nina tinoni. Me kesa na manetabu sauba ke tutû ligisana nina sasana na totukae, mi kaira sauba kara ka aqopata tana rago ma na tobalaka.’

1 Turupatu Dato 2:12

ma Obed ma Jese.

Linge 145:11

Sauba kara gini goko tana rongona gana loki tsapakae na veramu, ma kara katevulagia na susuligamu loki.

Isaia 2:2

Kesa tana tagu ke mai i muri maia na Vungavunga Sion, i tana e tû nina Vale Tabu na Taovia, sauba ke dato liuliu bâ, me ke katsi liusigira na vungavunga sui. Migira na puku sui sauba kara kalemaia moa aia,

Isaia 2:3

migira niqira tinoni sauba kara tsarivaganana iani, “Ida gita ma ka ba dato tana nina vungavunga na Taovia, tana nina Vale Tabu niqira God igira na Israel. Maia sauba ke sasanigita na omea e ngaoa igita ka naua; mi tana ti ka dona na liu bâ tana sautu aia e vilinogoa vanigita. Rongona igira sui nina sasani na Taovia ara talumai moa i Jerusalem i kelana na Vungavunga Sion; i tana nogo aia e tû te e mologoko bâ vanigira nina tinoni.”

Isaia 42:4

Me sauba e utu goto ke terevia se ke suga tania nina aqo, poi tsau ke turuvagania na pedegoto tana barangengo. Migira na momoru sui ni mao ao ara amesi sosongolia na rongomiana nina sasani.”