Isaia 10:4 - Ghari

⁴ Igamu sauba nomoa kamu mate tana vailabu, se kara aditsekavanogamu. Me atsa moa ti e vaga ia, ma na korena na Taovia e tau moa vati sui. Aia sauba ke kedegamu baba moa.

Isaia 10:4 Referans Kwoze

Isaia 5:25

Na Taovia e kore sosongo vanigira nina tinoni me vangaraunogoa na kedeaqira. Ma na vungavunga sauba kara kakanu, ma na kubuqira igira ara mate sauba kara tsaro bamai lê tana sautu vaga moa ti na kutso. Me atsa moa ke vaga ia, ma na korena na Taovia e utu goto ke sui, ma na limana sauba nomoa ke tatakatsi babâ moa gana na kedeaqira.

Jeremia 37:10

Me atsa moa ti vaga igamu kamu tangomana na tuliusiaqira na alaala popono na mane vaumate ni Babilonia, migira moa ara boka kara totuvisu, ma kara tsatsaro tana niqira valepolo, migira nogo sauba kara tû, ma kara ba mololakena na verabau iani me ke iru sui saikesa.”

Isaia 9:12

Igira na Siria tabana i longa, migira na Pilistia tabana i tasi, ara sangavinogoa na mangaqira gana kara konomi poponogira na Israel. Me atsa moa ti e vaga ia, ma na korena na Taovia e tau moa vati sui. Aia e kedegira baba moa.

Na Vaolusi Ketsa 32:30

?Matena gua ti e kesa lelê moa na gala e tangomana na tuliusiaqira kesa toga na Israel, me ruka lelê moa ara ka tangomana na tuliusiaqira sangavulu toga? Rongona na Taovia niqira God e piloligi tanigira; niqira God susuliga tsapakae e sauligigira.

Hosea 9:12

Me atsa moa ti vaga kara tamani daleqira, minau sauba kau matesiligigira sui, ma kau tau goto moloa sa vidaqira ke mauri. Mi kalina kau tsonikidaqira na tinoni girani, ma na omea seko loki sosongo sauba kara laba vanigira.”

Isaia 66:16

Ginia na lake ma na isi na Taovia sauba ke kedegira sui na tinoni tana barangengo, igira aia e tsodogira ara tsutsukibo, me ke labumatesigira na dangana.

Isaia 34:3

Me utu goto kara qiludoua na kubuqira, sauba kara tsatsaro bamai lê moa, ma kara mabulu ma kara sigini seko; migira sui na vungavunga sauba kara liasigabu moa.

Isaia 24:22

God sauba ke tsonisagegira sui na taovia tsapakae vaga moa na tinoni peresini ara kapi i laona kesa na qou loki. Maia sauba ke vongo kaputigira i laona ma kara totu sosori i tana poi tsau ke labamai na tagu i tana aia ke kedegira.

Isaia 22:2

Na gugu loki, ma na galaleleo, ma na magemage e dangali poponoa na verabau. Igira nimui mane ara mate tana vailabu iani ara tau gini mate na vailabu.

Isaia 9:21

Na puku konina a Manase ara vailabugi kolua na puku konina a Epraim, mi muri mara ka sai alaala mara ka baginia na Juda. Me atsa moa e vaga ia, ma na korena na Taovia e tau moa vati sui. Aia e kedegira baba moa.

Isaia 9:17

Aia nogoria na rongona ti na Taovia sauba e utu ke tamivanigotoa sa tinoni vaolu ke mauri, se ke galuvegira na daki ma na baka tinamate, rongona na tinoni sui lakalaka girani ara piloligi taninogoa God, me tabaru seko niqira sasaga, me pipi sui na omea ara tsaria ara seko sui moa. Me atsa moa e vaga ia, ma na korena na Taovia e tau moa vati sui. Aia e kedegira baba moa.

Aqo Manetabu 26:17

Inau sauba kau piloligi tanigamu, migira gamui gala kara tuliusigamu lê. Migira ara reisavigamu sauba kara tagaovi kaputigamu. Migamu sauba kamu matagu loki sosongo, ma kamu tavongani tsogo lê kalina ke tau vati takuvigamu moa ke kesa.

Jeremia 4:8

Bâ, me vaga ia kamu sagelia na polo baubau papadana na melu, ma kamu ngangai, ma kamu tangitangi, rongona na korena loki na Taovia e tau vati sui vanigita moa.”

Isaia 9:11

Na Taovia e gini kore sosongo vanigira, me molo papada nogo i tobaqira gaqira gala laka kara maiginigira.

Isaia 9:16

Igira gaqira ida na tinoni girani ara ida seko vanigira moa, me gini ponopala saikesa na tobaqira na tinoni.

Isaia 9:20

Tana butona kao popono na tinoni ara gini vailaugi na ganiana na memena na mutsa koegua moa ara tsodoa, mara tau goto tangomana kara mutsa masu. !Mara gania tsau tana daleqira segeni!

Jeremia 15:2

Mi kalina kara veisuago laka iava tana sauba kara vano, mo ko tsarivanigira laka inau au tsarivaganana iani: Igira visana sauba ke laba gaqira matemate tana liuna na lobogu loki, mi tana nogo sauba igira kara vano. Migira visana sauba ke laba gaqira matemate tana vailabu, mi tana sauba igira kara vano. Migira goto visana sauba kara tsodoa gaqira matemate tana liuna na vitoa, mi tana sauba igira kara vano. Migira goto visana sauba kara tsodoa niqira matemate kalina kara aditsekavanogira, mi tana sauba igira kara vano.