Isaia 1:6 - Ghari

⁶ E tû tana lovamui, me tsau tsuna tana perana tuamui, e tau goto mamanga sa tabana na konimui. E danga dato moa na tsomo, ma na vora, ma na boka. Mamu tau lelê malesigira se kamu porogira na bokamui. Me tagara goto sa sinagore kamu molo bâ i koniqira.

Isaia 1:6 Referans Kwoze

Jeremia 6:14

Ara poroa na bokaqira niqu tinoni vaga moa ti na karigoi lê moa. Mara tsaria, ‘E dou moa pipi sui na omea’ kalina e tau saikesa dou sa omea.

Mateo 9:12

Ma Iesu e rongomigira te e tsaria na goko iani vanigira, “Igira na tinoni ara mauri dou, e tau goto kilia na mane tatali ke taligira. Igira moa ara lobogu.

Jeremia 33:6

Me sauba moa kau maurisitugua na verabau iani ma na tinonina, ma kara dou visutugua, ma kau mologira kara totu raviravi dou tana rago.

Luka 10:34

Me ba saviliu i konina, me ninaginia na mona, me qetua na uaeni tana bokana me veqogira; mi muri, me molokaea na mane i gotuna nina asi, me adivanoa kesa tana lumaqira na tinoni labana, mi tana e totu kolua me aragoa.

Malaki 4:2

Migamu na tinoni amu rongomangaqu inau, sauba na susuligaqu gana na tusumauri ke sinarigamu vaga na aso, ma na lalaina ke maurisiginigamu. Me sauba kamu totu tanusi ma kamu magemage vaga moa na dalena buluka kalina ara sangavi vanigira na matsapana na baraqira, mara gini mage na rutsu ma na ulo bamai i taba.

Linge 77:2

I laona niqu rota, minau au nongia na Taovia; mi tana bongi popono au abedatoa na limaqu tana nonginongi, me tagara sa omea tangomana ke vereau.

Nina Papi A Job 5:18

Igita a dona laka ti vaga God ke bokalia kesa, maia nogo sauba ke talivania na bokana; na limana nogo ia e labuginigo, ma na limana goto nogo ia sauba ke taliginigo.

Nahum 3:19

Me tagara goto sa sinagore gana na taliginiana na bokamu, me utu goto kara mavu. I sau e tau tangomana kesa ke tsogoligi tania nimu sasaga tabaru o rotasiginigira sailagi. Me vaga ia, me sauba kara gini magemage ma kara tapotapo igira sui ara rongomia na turupatuna gamu matemate.

Jeremia 30:12

Ma na Taovia e tsarigotoa vanigira nina tinoni, “Ara bokali sekoligamu, me utu goto ke mavu na bokamui.

2 Samuel 14:25

Me tagara goto ke kesa i laona na Israel popono ke rereidou vaga a Absalom; me tau goto seko sa tabana na konina tû tana lovana me tsau tana perana tuana.

Isaia 30:26

Ma na vula sauba ke sina maka vaga na aso, ma na aso sauba ke vitu goto kalina ke marara goto bâ, vaga moa na mararana vitu dani ke sai moa konina kesa dani. Ma na omea sui girani sauba kara laba kalina na Taovia ke veqogira me ke taligira na boka aia nogo e bokaliginigira nina tinoni.

Jeremia 17:9

“?Asei nomoa tangomana ke padagadovia na tobana tinoni? Aia e dona sosongo na valovalo. E seko sosongo manana, me utu goto ke dou visutugua.

Jeremia 6:7

Na sasaga tabaruga e labadatomai sailagi i laona na Jerusalem, vaga saikesa nogo na kô e vuvura datomai i laona na tuvu. Pipi moa kalina inau au rongomia na leleona na vaiganigi ma na vaisekoligi i laona na verabau ia; mau reigira na tinoni ara viri lobogu mara boka sui.

Jeremia 30:15

Kamu laka goto na goko gini vaniaqu tana rongona na bokamui; e tagara goto sa sinagore tangomana ke maurisigamu. Inau au kedelokigamu vaga iani rongona igamu amu tabaru seko sosongo, mara danga sosongo nimui sasi.