Isaia 1:3 - Ghari

³ Migira na buluka mara donaginia asei na tamaniqira, migira na asi mara donaginia na nauna i tana e palagira gaqira taovia. Migira moa niqu tinoni ni Israel ara tau saikesa padagadovia sa omea. Migira bâ na buluka ma na asi ara sasaga liusigira igira.”

Isaia 1:3 Referans Kwoze

Jeremia 8:7

Me atsa moa na gaova maia e donaginia na tagu ke visu; migira na kulukulu, ma na pikapika masanga, ma na perotuqatuqa, igira sui ara donaginigotoa na tagu kara mololea kesa tana nauna, ma kara ba totu kesa tana nauna segeni. Migamu niqu tinoni, amu tau saikesa donaginigira na ketsa inau au tagaoviginigamu.

Jeremia 4:22

Ma na Taovia e tsaria, “Igira niqu tinoni ara bule nomoa. Ara tau donaginiau inau. Ara vaga saikesa moa na baka bubulega, mara tau dona na padagadoviana sa omea. Ara dona sosongo moa na nauana na omea e sasi, mara tau dona na nauana sa omea dou.”

Isaia 44:18

Na tinoni vaga gira ara tau saikesa sasaga mara tau goto donaginia nagua ara naua. Ara vongoa na mataqira ma na papadaqira gana kara tau donaginia na manana.

Isaia 5:12

Tana nimui kavomutsa amu totu matengana moa na taiaqira na itai tatangi, ma na tuqulu, ma na rekesiana na tsetsê, ma na inu uaeni. Mamu tau lelê padagadovia na omea e naua na Taovia.

Roma 1:28

Ma na rongona nogoria na tinoni girani ara sove na tutunina na manana tana rongona God, ti aia God e gini tsonilegira kara muria niqira papada seko, ma kara totu matengana moa na nauana na omea e tau ulagaqira kara naua.

Linge 94:8

?Niqu tinoni igamu, egua sagata ti amu bubulega vaga ia? ?Me sauba kengisa ti kamu sasaga?

Isaia 27:11

Migira sui na arana gai ara matsele lê mara viri taboku, ma na daki ara mai tsakosaigira gana na lake. Mi tana rongona nogo igira na tinoni ara tau padagadovia sa omea, ti God, aia nogo e aqosigira, sauba ke tau nogo galuvegira se ke gaegira.

2 Petero 3:5

Igira na tinoni ara goko vaganana ia ara vongo kapusia na mataqira. Ara ngaoa moa laka kara padaleginia na aqo God e naugira nogo i sau. I sau, God e goko moa mara gini laba na omea sui i gotu mi lao. Ma na barangengo e botsa datomai talu i laona na koo.

Goko Tabana 6:6

Na tinoni gato e dou kara sasania niqira omeomea na loa.

Jeremia 10:14

Migira na tinoni ara tau vaga ia. Igira sui ara bubulega mara tau saikesa sasaga. Migira ara katsugira na titinonina na god peropero sauba kara gini vangamâ, rongona na nununa na god ara aqosia igira ara tau saikesa mana, mara tau mamauri.

Jeremia 10:8

Igira sui lakalaka ara bubulega mara tau saikesa sasaga. Ara ba lalave sasani i koniqira na titinonina na god peropero ara katsuginia na gai lê moa.

Mateo 13:19

Igira ara rongomia na goko e kalea tana rongona na Verana God mara tau moa padagadovia, ara vaga moa na vatuna aia na mane e rasavaginia, mara puka lee tana sautu. Mi muri me labamai na tidao seko me veoligia na gokona aia God e tsukaa i tobaqira.

Isaia 5:13

Me vaga ia ma na Taovia e tsaria, “Igira niqu tinoni ara tau saikesa donaginiau inau, me vaga ia, migira gaqira gala sauba kara aditsekavanogira tana vera tavosi. Migira gaqira ida ma na toga popono sauba kara gini mate na vitoa ma na marou.

Isaia 56:11

Mara vaga goto na pai vanga laulau ara tau tangomana kara mutsa vatsa. Na ida girani ara tau goto padagadovia sa omea. Pipi kesa vidaqira e muria moa na tobana segeni, me lavea moa na omea e pelu segenia.

Esekiel 16:30

Miani nogo na omea na Taovia God e tsaria: “Igoe o tsaiau me gini momosa sosongo na tobaqu, rongona o naunogoa na omea sui girani vaga moa na daki rebi e vo saikesa na vangamâ.

Daniel 9:11

Igami sui lakalaka na tinoni ni Israel ami kutsigira nogo nimu ketsa ma nimu vali, mami sove saikesa na rongomiana na omea igoe o tsaria. Igami ami sasi sosongo manana i matamu, mami raqamai segenia i konimami na vealagi vaga ara maregira nogo tana nina papi na Ketsa a Moses nimu maneaqo.

Hosea 2:8

“Aia e tau saikesa reigadovia laka inau nogo au palâ na mutsa, ma na uaeni, ma na oela na olive, me pipi sui na siliva ma na qolo aia e gini aqo tana samasama vaniana Baal.

Goko Tabana 28:5

Igira na tinoni vanga nauseko ara tau saikesa donaginia nagua na pedegoto, migira moa ara samasama vania na Taovia ara padagadovidoua.

Isaia 42:20

?Igamu na tinoni ni Israel, amu morosigira danga nogo na omea, ma nagua e pelu vanigamu? ?Amu tamanina rago na kulimui gana na rorongo, ma nagua manana amu rongomia?”

Jeremia 35:16

Igira na kukuana a Jonadab ara muridoua na ketsa aia na mumuaqira e sauvanigira, migamu niqu tinoni, igamu amu tau saikesa rongomangaqu inau.

Jeremia 50:6

“Igira niqu tinoni ara vaga saikesa moa na sipi igira niqira reitutugu ara tamivanigira kara sarevo bamai lê tana vungavunga. Ara tonavigira na vungavunga sui, mara padalenogoa iava e totu na veraqira.