Isaia 1:18 - Ghari

¹⁸ “Bâ, mi kalina ia, e dou ti ka tinetea na omea iani. Atsa moa ti kara danga nimui sasi, vaga moa na polo sere e liasigabu, minau na Taovia au tsaria laka sauba kau vulimalegamu ma kamu sere maka vaga na snou.

Isaia 1:18 Referans Kwoze

Isaia 44:22

Au salaligigira nogo nimui sasi vaga moa na guguri e pualigia na parako. Kamu visumai i koniqu rongona inau nogo au vagamaurisigamu.”

Na Katemai 7:14

Minau au gokovisu mau tsarivania, “Au tau goto dona inau, taovia. Igoe moa o dona.” Maia e gokomai vaniau tugua me tsaria, “Na tinoni girani, igira nogo ara putsi tania na rota loki sosongo e gadovigira. Ara vulimalesigira nogo na poloqira tana gabuna na Dalena Sipi, mara gini seremaka tugua.

Linge 51:7

Ko adiligi taniau niqu sasi, me sauba kau male; ko vulimaleau me sauba kau sere maka saikesa vaga moa na snou.

Isaia 41:21

Ma na Taovia, aia na taovia tsapakae ni Israel, e ngaoa ke tsarigotoa na omea iani: “Igamu na god peropero ni veratavosi, kamu mai tana tinete ma kara rongomia nimui goko. Kamu vangaraudougira nimui goko amu ngaoa na tsariana.

Isaia 41:1

God e tsaria, “!Kamu mui igamu sui na vera amu totu ao, ma kamu rongomiau inau! Kamu vangarau doua na omea kamu tsaria tana tinete; sauba nomoa kamu tamanina nimui tagu na goko. Ida ma ka maisai ma ka pedea laka asei e goto.

Roma 5:20

God e vaturia na Ketsa rongona na tinoni sui kara reigadoviginia laka ara sasi kalina ara tau muria na omea God e ketsaligira, mi tana ara laba danga na sasi, mi tana goto ara laba danga sosongo baa nina vangalaka God.

Aqoaqo 18:4

Me pipi tana Dani na Sabat, aia e tau kuti na vaipetsakoegi koluaqira na tinoni i laona na valelotu, me tovokakaia laka ke tsaritugutugudoua vanigira igira ruka tabana, igira na Tsiu migira na Grik, ti kara gini tutunina a Iesu.

1 Samuel 12:7

Mi kalina ia, ma kamu totu dodo moa, minau kau goko matamui i matana na Taovia, ma kau kateli vanigamu tana rongona nina aqo loki aia na Taovia e naugira, gana aia ke maurisiginigamu migira goto na mumuamui.

Aqoaqo 17:2

Maia Paulo e baa me sage tana vale lotu vaga e lavu nogo na nauana pipi kalina. Mi tana, i laona tolu na Dani na Sabat, aia e vuresi makalia vanigira na tinoni na laona na Mamare Tabu,

Jeremia 2:5

Aia na Taovia e tsaria; “?Laka nagua seko ara keligini vaniau inau igira na mumuamui? ?Me laka nagua e laba te ara piloligi taniau? Igira ara ba samasama vanigira na titinonina na god peropero tagara rongona, mara gini lia goto na tinoni tagara rongona lê.

Aqoaqo 24:25

Mi kalina a Paulo e gini goko babaa moa tana rongona na mauri laka, ma na berengiti segenida taniaqira na sasi sui, ma na rongona goto na dani tana ke gado na Pede Loki, mi tana a Piliks e gini matagu me tsarivania a Paulo, “E dou moa ti ko vano kalina ia. Sauba inau kau soago tugua kalina ti ke tau utu vaniau.”

Mika 6:2

Igamu na vungavunga, migamu goto na papakana kalavata na qoae taligu, kamu rongomi vatavidoua na omea na Taovia ke adilabatigira tana tinete. Na Taovia e vangaraunogoa na omea ke kateli vanigira nina tinoni. Me sauba nomoa ke taimataqira na Israel.

Nina Papi A Job 9:33

Me tau goto totu ke kesa tugua ke nauvanikami na pedegoto God minau.

Isaia 50:8

rongona God aia e totu varangisiau, maia sauba ke sogogaqu. ?Laka e totu ke kesa tangomana ke keli vaniau? !E dou, ida ma ka dulivano tana tinete! Mi tana ti aia ke adikaegira na omea sui e katelia tana rongoqu inau.

Isaia 55:7

Igira na tinoni vanga tsutsukibo niqira aqo nomoa kara mololea niqira sautu sasi ma kara olia niqira sasaga, ma kara pilo bâ saikesa moa i konina na Taovia nida God, rongona aia e dona sosongo na galuve, me tsaku na padaleaqira na sasi.

Esekiel 18:27

Me ti vaga kalina kesa na tinoni seko e mololea nina nauseko, me naua moa na omea e goto me dou, ma na tinoni vaga ia e utu ke mate sauba nomoa ke mauri.

Esekiel 33:16

Minau sauba kau padale vania nina sasi e naua tana idana, maia sauba ke mauri rongona e naua na omea e goto me dou.

Linge 51:9

Ko vongo kapusia na matamu ko tau reigira niqu sasi, mo ko veoligigira popono niqu tsutsukibo.

Isaia 1:23

Igira nimu ida ara sove taniau inau, mara saidou kolugira na tinoni vanga komi. Igira ara tami sailagi na adi vangalaka ma na qolona na pede kesa tabana. Ara tau dona na isutuguqira na baka tinamate tana tinete, se kara rorongo kalina igira na daki tinamate ara tsarivanigira na omea ara gini rota.

Isaia 3:13

Na Taovia e totu nogo tana nina sasana na pede; maia e vangaraunogoa na pedeaqira nina tinoni.