Ioane 7:7 - Ghari

⁷ Na tinoni ni barangengo e utu kara reisavigamu igamu. Inau moa ara reisaviau, rongona inau au kateli vanigira sailagi niqira sautu sasi.

Ioane 7:7 Referans Kwoze

Ioane 3:19

Ma na aqona na pede sauba ke gado vaga iani: na marara e labamai nogo tana barangengo, migira na tinoni ara padalokia moa na rodo liusia na marara rongona e tau goto niqira sasaga.

Galatia 4:16

?Mi kalina ia, laka au lia gamui gala tana rongona inau au tsarivanigamu na manana?

1 Ioane 4:5

Igira na tarai peropero ara gini goko tana rongona na omea ara talumai moa i barangengo, ma na barangengo e rongomigira, rongona na barangengo e tamanigira nogo igira.

Iakobo 4:4

!Na tinoni vanga kiboga igamu! ?Laka amu tau dona laka ti ke kesa ke kulaga kolua na barangengo, maia e lia vaga nogo ti gana gala God? Masei ti vaga e vili segenina laka ke kulaga kolua na barangengo, maia e vili segenina goto ke lia gana gala God.

Ioane 17:14

Inau au sauvanigira nimu goko, maia na barangengo e gini reisavigira, rongona igira ara tau nogo nina na barangengo, vaga goto inau au tau nina na barangengo.

Roma 8:7

Na tinoni e tamivania nina kili na tobana segeni ke tagaovia nina papada e lia gana gala God, rongona e tau saikesa muria nina Ketsa God, me utugana sosongo vania na muriana.

1 Taovia Tsapakae 21:20

Mi kalina a Ahab e reia a Elija maia e tsarivania, “?Me laka o mai tsodoau tugua igoe gaqu gala?” Ma Elija e tsarivania, “Eo, rongona igoe o totu matengana moa na nau sailaginiana na omea e sasi i matana na Taovia.

Jeremia 20:8

Me pipi kalina ti kau tû na goko, migoe o raiau moa laka kau gudato ma kau katea, “!Na Vailabugi Loki sauba ke laba, migamu sauba kamu viri mate sui!” Taovia ko reigira ara tsiriau mara peaau pipi moa kalina, tana rongona nogo nimu goko igoe o raiginiau na katevulagiana.

Goko Tabana 8:36

Ma na tinoni e tau tsodoau inau, e sekoli segenina moa; me ti vaga ke kesa ke reisaviau inau, tinoni vaga ia e reingaoa moa na mate.”

Luka 6:26

“Sauba ke seko sosongo baa vanigamu kalina igira na toga sui kara tsonikaegamu; igira na mumuaqira nogo igira, ara nauvaganana goto i sau vanigira na propete peropero.

Malaki 3:5

Maia na Taovia Susuliga Sosongo e tsaria, “Minau sauba nomoa kau mai i konimui ma kau pedegamu. Me sauba kau tsaku sosongo na adilabatiana i malena niqira sasaga igira ara naua na basutidao, migira ara kiboga, migira ara tsonia na gokopero tana tinete, migira goto ara voli peqogira igira ara aqo vanigira, migira ara dona na komiaqira na daki, ma na baka tinamate, ma na tinoni ni veratavosi ara sagelalo kolugira, migira sui lakalaka goto ara tau kukuni taniau inau.

Sekaria 11:8

Me utu goto kau berengiti na reiana tu niqira sasaga tugira tolu na reitutugu sipi tavosi, mi laona kesa moa na vula minau au tsialigitugira. Mau qisi goto tana rongoqira na sipi ara reisaviau inau.

Isaia 49:7

Na God tabu, aia na vagamaurina na Israel, e goko vania nina maneaqo aia ara reisavi sosongolia igira na puku tavosi sui, me totu mala tseka vanigira na tinoni tagao, me tsarivani vaganana iani, “Igira na taovia tsapakae ma na tinoni lokiloki sauba kara morosigo igoe kalina ko totu tanusi, ma kara tû ma kara tsuporu tsuna i matamu tana kukuni. Na omea vaga iani sauba ke laba manana, rongona inau na Taovia na God tabu ni Israel au viligo nogo ko lia niqu maneaqo, me utu goto kau tau manalia na omea inau au vekenogoa vanigo.”

Isaia 29:21

God sauba ke toroutsanigira sui igira ara keliseko vanigira na tinoni tavosi tana tinete, mara utukapusia na kedeaqira na tinoni vanga tangopeke seko, mara perogaqira na tinoni dou gana kara tau adia na pedegoto.

Goko Tabana 15:12

Na tinoni vanga koesegeni ara tau ngaoa kesa ke totosasaga vanigira; mara tau saikesa goto lave sasaga i koniqira igira ara sasaga liusigira.

1 Taovia Tsapakae 22:8

Ma Ahab e tsarivania, “E kau kesa moa, aia nogo a Mikaia na dalena a Imla. Maia au reisavi sosongolia inau, rongona e tau lelê dona ke katevulagi vaniau sa omea dou. Aia e katesailaginia moa na omea e seko.” Ma Jehosapat e tsarivania, “!E, igoe ko laka na tsarivaganana ia!”

Linge 109:5

Ara tuguvisu vaniau moa na omea seko na tuguna na omea dou inau au nauvanigira, minau au galuvegira, migira ara reisaviau.

Aqo Manetabu 13:10

Ma na manetabu ke vilekedoua, me ti vaga ke reia na vorana e sere kolu vuvuluna me butongoga,