Ioane 6:71 - Ghari

⁷¹ E goko kalea a Iudas, na dalena a Simon Iskariot. Rongona atsa moa a Iudas e kesa vidaqira na sangavulu ruka, maia nogo sauba ke sauligia.

Ioane 6:71 Referans Kwoze

Iude 1:4

Rongona visana tinoni igira ara tau tutunina, ara sagelalo popoi i laoda, mara dona na tsulupikasiana na goko tana rongona nina vangalaka nida God, kara tsavuginia moa niqira mauri seko. Mara sove tania a Iesu Kristo, aia segeni moa nida Taovia ma nida God igita. Na Mamare Tabu e katemai okanogoa laka na kede e totu pitugira na tinoni vaga gira.

Aqoaqo 2:23

God e vangarau idanogoa tana nina papada segeni, te aia e tamivanigamu kamu tangolia a Iesu. Migamu, amu labumatesia kalina amu livua i limaqira na tinoni seko, ti kara pogaa tana gai ulutaligu.

Ioane 13:26

Ma Iesu e tsarivania, “Aia ti ko reia kau lumia na piqena na bredi tana tsaa ma kau tusuvania; maia nogoria.” Ma Iesu e adia na piqena na bredi, me lumia me tusuvania a Iudas, na dalena a Simon Iskariot.

Linge 41:9

Maia goto na kulaqu dou bâ aia au noru saikesalia, maia e mutsapata koluau, sui, me tû me gativisuau.

Mateo 10:2

Migirani nogo na asaqira na sangavulu ruka na apostolo: na kesanina, a Simone, aia a Iesu e soaginigotoa a Petero, ma Adrea na tasina; a Iakobo ma Ioane na tasina, kaira na dalena a Sebedi;

Mateo 10:4

a Simone ni Kanaan, ma Iudas Iskariot, aia e sauligia a Iesu.

Marko 14:10

Ma Iudas Iskariot, kesa vidaqira na sangavulu ruka gana duli a Iesu, e tuu, me vano i koniqira na taovia na lotu ke gini sauligia a Iesu vanigira.

Ioane 2:2

Mara vailivugotoa Iesu migira gana duli kara ba sanga na kavomutsa ia.

Ioane 6:64

Mara visana vidamui ara tau moa vati tutunina niqu goko.” Ma Iesu e donaginigira sui nogo tuu tana tuturigana laka asei masei gira kara tau tutunina, masei aia sauba ke sauligia.

Ioane 6:70

Ma Iesu e tsarivanigira, “?Laka au tau viligamu amu sangavulu ruka inau ne? !Me kesa nomoa i laomui aia na tidao!”

Ioane 12:4

Me kesa tu vidaqira nogo gana duli a Iesu, aia a Iudas Iskariot, aia sauba ke tau oka me ke sauligia a Iesu, aia e tuu me tsaria,

Ioane 13:2

Ma Iesu migira na sangavulu ruka, ara mutsakolu. Ma na tidao seko e totuvinogoa na tobana a Iudas, aia na dalena a Simon Iskariot, rongona ke gini sauligia a Iesu.

Ioane 20:24

Me kesa vidaqira na sangavulu ruka, aia Toma, aia ara soaginigotoa na “Batso”, e tau totu kolugira kalina a Iesu e laba vanigira.