Ioane 6:12 - Ghari

¹² Mi kalina ara masu sui, ma Iesu e tsarivanigira gana duli, “Kamu tsako kolugira na tsarana na mutsa ara masu tania igira na tinoni. E tau dou na sekolileana na mutsa.”

Ioane 6:12 Referans Kwoze

Luka 1:53

E masuliginigira na omea dou igira ara vitoa, me railigigira lee igira ara tamani levo.

Luka 9:17

Migira sui na toga ara mutsa mara masu dou sui. Mi kalina ara mutsa sui, migira gana duli a Iesu ara tsako kolugira na tsarana na mutsa, mara dangaliginigira sangavulu ruka na kei.

Nehemia 9:25

Migira nimu tinoni ara tangoligira na vera loki tamani baravatuna, ma na kao lakataga, migira na vale e danga na omea levolevo dou i laoqira, ma na tuvu na kô ara tsai manogatinogoa, ma na gai na olive, ma na gai mutsamutsa, ma na uta na uaeni. Mara gania moa pipi na omea ara ngaoa mara gini paquru; me gini laoqira sosongo pipi sui na omea dou igoe o tusuvanigira.

Nehemia 8:10

Mi kalina ia, kamu visu sui i veramui, ma kamu naua na mutsa sai. Kamu palagira na mutsa ma na uaeni igira ara tau tamani ke tugugira. I dani eni na dani tabu loki vania nida Taovia, me vaga ia ma kamu laka goto na melu. Nina mage nogo na Taovia ke lia na susuligamui.”

Goko Tabana 18:9

Na tinoni gato e seko atsa kolua na tinoni aia e dona na toroutsaniaqira lê na omea levolevo.

Luka 15:13

“Me visana moa na dani i muri, maia na muriti baka e tsabiria nina turina na kao, me adia na qolona, me mololea na verana me vano kesa tana vera ao, mi tana e sekolilegira nina qolo tana mauri bubulega.

Luka 16:1

Ma Iesu e goko vanigira gana duli me tsaria, “E totu kesa na mane e tamanigira danga nina omea. Me totu goto kesa nina maneaqo e reitutugugira nina omea levo. Me kesa dani, visana na tinoni ara tatamanga vania na taovia rongona nina maneaqo e sekolilea nina qolo gana taovia.

Ioane 2:2

Mara vailivugotoa Iesu migira gana duli kara ba sanga na kavomutsa ia.