Ioane 3:29 - Ghari

²⁹ Kamu reia ti vaga kesa na mane tauga vaolu, maia e vutinogoa na tauna. Maia na kulana na mane tauga vaolu ia e tutuu me pipitua, me gini magemage kalina e rongomia na tatangina nina goko na mane tauga vaolu. Minau, au vaga saikesa nogoria. E tovu nogo niqu magemage kalina eni.

Ioane 3:29 Referans Kwoze

Hosea 2:19

“Israel, inau sauba kau naua migoe ko lia vaga na tauqu. Sauba kau mana sailagi vanigo, ma kau totu dou kalavata kolugo. Me sauba kau sauvulagi vanigo niqu galuve vo oli, migoe ko lia na tamaniqu sailagi.

Mateo 9:15

Me gokovisu a Iesu me tsarivaniigira, “?Egua, amu padaa laka e tugua kara totu melumelu moa igira ara sangatsari tana kavomutsa na tauga, kalina vaga aia na mane tauga vaolu e tototu moa kolugira? !Tagara saikesa! Me sauba nomoa ke labamai na dani i tana sauba kara adiligia na mane tauga vaolu tanigira, mi tana ti igira sauba kara dona na nauana na sese na vitoa.

Isaia 54:5

Inau nogo au vusago, mau lia na savamu. Ma na Taovia Susuliga Sosongo, aia nogo na soaqu inau. Inau na God tabu ni Israel sauba kau laumaurisigo, inau nogo au tagaovi kaputia na barangengo popono.

Na Katemai 21:9

Me kesa tu vidaqira tugira vitu na angelo ara tu tangolia vitu na popo e danga i laona vitu na susuina na rota seko loki, aia e labamai i koniqu me tsarivaniau, “Ko mai, minau kau tusuvulagi vanigo na Daki Tauga Vaolu, aia na tauna na Dalena Sipi.”

Pilipi 2:2

Me ti ke vaga ia me dou manana. Minau au ngasugamu kakai, kamu tovoa kamu kesa moa pipi kalina tana nimui papada mi tana sasagamui, ma kamu tobasai dou pipi tana omea kamu naua. Kamu nauvaganana ia ti ke gini mage sosongo na tobaqu inau.

Ioane 16:24

Eo, tsaumai i dani eni, amu tau vati nongia moa sa omea tana asaqu inau. Kamu nongia me sauba kamu adia, me ke gini tovu nimui magemage.

1 Ioane 1:4

Ami marea vanigamu na omea iani rongona ke tovusiginia nida magemage.

2 Korint 11:2

Inau au gini boe sosongo tana rongomui igamu, vaga nogo God aia e boe sailagi ginigamu. Inau nogo au anegamu vania a Iesu Kristo, mau ngaoa kamu male dou, ma kau saugamu vaga na siama malelaka vania kesa moa na mane, aia nogo a Iesu Kristo.

Luka 15:6

me adivisua i vera. Me soamaigira na kulana ma gana verakolu, me tsarivanigira, ‘!Kamu magepata koluau! Au reivulaginogoa niqu sipi e nanga.’

Linge Na Galuve 5:1

Igoe na kosuqu popono ma niqu aneane, inau au sage bâ nogo i laona niqu uta. Au angunikolugira nogo niqu omea sisingini dou; mau gania gaqu bulumitsua, mau inuvia gaqu uaeni ma gaqu miliki. Eo, kagamu gamu udu kamu ka mutsa ma kamu ka inu, poi tsau kalina kamu ka masu dou.

Mateo 25:1

“Mi kalina ke tsaumai tana dani vaga ia, ma na Verana God sauba ke vaga iani: ara tu sangavulu na baka daki ara tu adia tu niqira laeti. Mara tu aligiri na vano na valaleana na mane tauga vaolu.

Jeremia 2:2

kau ba katevulagia na goko iani vania na vera ni Jerusalem. “Inau au padatugua kalina igoe o vavaolu moa, mo totukakai i koniqu. Mi tana tagu ia, igoe o galuveau vaga moa na daki e galuve sosongolia na savana kalina ara ka tauga vaolu. Igoe o tsarimuriqu tana kaomate, tana kao i tana ara tau vati tsukâ sa omea.

Isaia 66:11

Igamu sauba kamu gini mage na tamaniana nina omea danga, vaga nogo na baka tetelo e tsutsu konina tinana, me masu dou, me vatsangingaoa.”

Linge Na Galuve 3:11

Igamu na daki ni Sion, kamu mai ma kamu reia a Solomon na taovia tsapakae. Aia e sagelia gana kepi taovia aia na tinana e molovaninogoa i lovana tana nina dani na mutsasai na tauga, aia nogo na dani na mage loki vania.

2 Ioane 1:12

Ara danga rago na omea inau au kilia na tsariana vanigamu igamu, mau tau moa ngaoa kau maregira vanigamu. Au amesia moa kau laba segeniqu i konimui, mi tana ti kau turupatuna vanigamu. Ia nogo ke vaga ma ka gini magemage sui igita.

Ioane 17:13

“Mi kalina eni inau au mai vanigo, mau gini goko moa na omea girani tana barangengo, rongona ti igira kara tamaniginia niqu magemage, me ke dangali tovua na tobaqira.

Mateo 22:2

Me tsaria, “Na Verana God i baragata, e vaga moa kesa na taovia loki e vangaraua kesa na kavomutsa, rongona e tauga kesa na dalena mane.

Ioane 3:30

Me ulagana aia ke paladato baa, minau kau palatsuna.”

Ioane 15:11

“Au tsarivanigamu na omea girani rongona niqu mage ke gini totu i laomui me ke gini tovu nimui magamage.