Ioane 18:5 - Ghari

⁵ Mara gokovisu, “A Iesu ni Nasaret.” Ma Iesu e tsaria, “Inau nogoria.” Ma Iudas, aia ke sauligia, e tutuu moa i tana kolugira.

Ioane 18:5 Referans Kwoze

Ioane 19:19

A Pilate e marea kesa na pava me tusua vanigira kara pogaa i kelana na gai ulutaligu. Ma na goko e marea tana pava e vaga iani, “A Iesu ni Nasaret, niqira Taovia Tsapakae na Tsiu.”

Ioane 1:46

Ma Nataniel e veisuaa, “?Me laka sa omea dou koegua ke talumai i Nasaret?” Ma Pilipo e tsarivania, “Mai moa mo ko reia.”

Mateo 21:11

Migira na toga ara maimai kolua a Iesu ara tsaria, “Iani a Iesu aia na propete, e talu i Nasaret tana Galilii.”

Mateo 2:23

Me baa totu kesa tana vera ara soaginia i Nasaret. Mi tana e gini manatovu goto na goko ara katemainogoa na propete kalina ara tsarivaganana iani: “Na Mesia sauba kara soaginia na Nasarene.”

Jeremia 8:12

?Igamu niqu tinoni, laka amu dona na gini vangamâ na nauana na omea marasibiga vaga gira? Tagara, amu tau saikesa dona na gini vangamâ. Me vaga ia, kalina inau kau kedegamu, migamu sauba kamu puka vaga nogo igira na tavosina, ma kamu viri mate sui. Inau nogo na Taovia au tsaria na omea iani.

Isaia 3:9

Niqira pede kesa tabana ara nau sailaginia sauba ke kidivisu i koniqira segeni. Igira ara sasi malemale vaga moa ara naua igira na tinoni ni Sodom i sau. Me sauba nomoa kara mate, migira segeniqira nogo ara alomaia gaqira matemate.

Ioane 18:4

Ma Iesu e dona segenina nogo na omea sui sauba kara laba vania, me tuu me ba veisuagira, “?Asei amu lavea?”

Ioane 18:6

Mi kalina a Iesu e tsarivanigira, “Inau nogoria,” migira ara suga tavamuri, mara puka sui i lao.