Ioane 16:21 - Ghari

²¹ “Kamu reia, kalina kesa na daki e varangi nogo ke vasusu, maia e melu rongona e tsaumai nina tagu na rota. Mi kalina e botsa nogo na baka, maia e padale tsakua nina rota, me magemage matena kesa baka e labamai nogo i barangengo.

Ioane 16:21 Referans Kwoze

Linge 113:9

Maia e galuvea na daki tauga e mamane, me sauvania danga na dalena; me gini mage sosongo na daki ia i laona na valena. !Tsonikaea na Taovia!

Isaia 13:8

Me sauba kara viri matagu loki sui, me ke tavongani laba vanigira na vatsangisavi loki, vaga moa na vatsangisavi e laba vania na daki kalina e vatsangia na dalena. Ma na ngoraqira kara sauvulagia laka ara rota loki, ma kara vaimorosigi tana padasavi.

1 Tesalonika 5:3

!Eo, kalina igira na tinoni kara tsaria, “Na omea sui ara goto nogo, mara totu dou sui,” mi tana tagu tsotsodo nogo ia, sauba ke tavongani gadovigira na rota loki, me ke vaga nogo kalina na daki e tavongani vatsangisavia na sosongo loki tana vasusu! Me ke utu goto vanigira na tsogopoi taniana.

Mika 4:10

Kamu biritsiu ma kamu kukungu igamu na Jerusalem vaga moa na daki e parâ na vasusu, rongona kalina ia sauba kamu vanoligi tania nimui verabau, ma kamu ba totu tavongana bamai lê. Me sauba nomoa nimui aqo kamu vano i Babilon, mi tana nogo ti na Taovia ke laumaurisigamu tanigira gamui gala.

Galatia 4:27

Rongona ara marenogoa tana Mamare Tabu “!Ko mage igoe na daki mamane! !Ko guguu dato tana magemage, igoe o tau gini rota na vasubaka! Rongona aia na daki na savana e mololea sauba ke tamanina danga baa na dalena, liusia aia na daki e totu kolua na savana.”

Tuturigana 3:16

Maia e tsarivania na daki, “Migoe, inau sauba kau paboa nimu rota tana tiana ma nimu vatsangisavi tana vasusu. Me atsa moa ti e vaga ia, me sauba ko kili sailaginia moa na savamu, maia sauba ke tagaovigo.”

Isaia 21:3

Ma na omea inau au rongomia mau reia tana moro ia e naua me gini laba vaniau na matagu loki ma na vatsangi savi, aia na vatsangi savi vaga e laba vania na daki kalina e vatsangia na dalena.

Isaia 66:7

“I Sion, niqu verabau tabu inau, e vaga moa kesa na daki e tau gini rota na vasuana na dalena.

Mika 4:9

?Megua vaga igoe Jerusalem, ti o ngangai loki vaga ia? ?Matena gua ti o rota loki vaga moa kesa na daki e vatsangia na dalena? ?Ke tau utu ngatsu matena igoe o tau tamanina sa nimu taovia tsapakae, migira goto nimu tinoni sauparovata ara viri mate sui nogo?

Nina Papi A Job 11:16

Mi tana ti ko padalegira pipi sui na omea ara ngoligo kalina ia, vaga moa igira na obo loki ara tatari votu i sau, mara vano putsi me tau nogo padatugua ke kesa.