Ioane 16:1 - Ghari

¹ “Au katevanigamu na omea girani, rongona ke gini tau puka nimui tutuni.

Ioane 16:1 Referans Kwoze

1 Petero 2:8

Me kesa goto tana turina na Mamare Tabu e totu na goko vaga iani, “Aia na vatu iani sauba ke tubulaginigira na toga, mi tana vatu nogo iani sauba kara katsulagi ma kara puka.” ?Masei igira ara katsulagi mara puka? Igira nogoria na tinoni ara tau tutunina na gokona God. Maia nogoria na omea vaga God e pede okanogoa ke laba vanigira ara tau tutunina nina goko.

Mateo 13:21

Me tau moa lamuga kalavata i tobaqira. Ara tutunina kesa tana tagu tetelo moa, mi kalina e gadovigira na rota rongona ara tutunina na gokona God, mi tana igira ara tau tukakai, mara pukavisu lee.

Ioane 16:4

Minau au tsarivanigamu na omea girani, rongona ti vaga kalina ke tsaumai na tagu tana kara nauvanigamu na omea vaga girani, migamu kamu padavisua moa laka inau au kate idanogoa vanigamu. “Inau au tau tsarigira na omea girani vanigamu tana tuturigana, rongona au tototu moa kolugamu.

Mateo 24:10

Tana tagu vaga goto ia, sauba na dangana kara pukavisu lee tania niqira tutuni. Ma kara vaireisavigi, ma kara vaitsonigi tana limaqira gaqira gala.

Roma 14:21

Ti vaga igamu amu dona laka na omea vaga gira sauba ke gini tubulagi kesa na tasimui, ma kamu mololea na gani boo, se na inu uaeni, se na nauana sa omea tavosi goto e dona ke tubulaginia.

Mateo 13:57

Mi tana, migira ara sove saikesa tania, mara tau goto ngaoa na rongomiana. Ma Iesu e tsarivanigira, “Kesa na propete ara padalokia na tinoni pipi sui tana vera. Migira segeni moa gana verakolu ma na kamana ara tau padalokia.”

Mateo 11:6

!Me dou sosongo baa vanigira igira ara tau tobaruka tana rongoqu inau!”

Ioane 15:11

“Au tsarivanigamu na omea girani rongona niqu mage ke gini totu i laomui me ke gini tovu nimui magamage.

Pilipi 1:10

rongona kamu gini tangomana na viliana pipi kalina na omea e dou baa na nauana. Mi tana ti sauba kamu gini totumale tania pipi sui na vatana na nauseko tana Dani tana ke visumaitugua a Iesu Kristo.