Ioane 15:1 - Ghari

¹ Me goko babaa moa a Iesu me tsaria, “Inau au vaga moa na itai vuaga manana. Ma na Tamaqu aia e vaga na mane aqouta.

Ioane 15:1 Referans Kwoze

Jeremia 2:21

Inau nogo au tsukago igoe vaga moa kesa na itai na uaeni dou bâ. Tana idana migoe o vaga saikesa na volana na itai na uaeni laka. ?Megua ti o oli kalina ia, mo lia vaga na itai na uaeni atsi tagara rongona?

1 Korint 3:9

Kagami ami ka pata tana aqo vaniana God. Migamu, amu nina uta God ma nina vale God. Tau ka nimami kagami.

Isaia 60:21

Migira nimu tinoni sauba kara naua moa na omea e gotolaka, ma kara totuvi sailaginia nimu kao. Inau nogo au volagira mau tsukagira, rongona kau gini sauvulagia gaqu loki tsapakae vanigira na tinoni sui.

Isaia 4:2

E maimai nogo na tagu i tana na Taovia sauba ke naua pipi sui na omea tsukatsuka ke vuaga dou, me pipi sui na gai i laona na butona kao ia kara dato katsi ma kara rereidou. Migira sui na tinoni ni Israel igira ara tau mate tana vailabu, sauba kara morosigira na omea tsukatsuka ara dato dou, ma kara gini magemage.

Ioane 6:55

Rongona na lakaqu aia nogo na mutsa manana, ma na gabuqu na inu manana.

Jeremia 12:10

Ara danga na tagaovera ni veratavosi ara mai toroutsania niqu uta na uaeni, mara tsogorivela bamaigira niqu uta; mara naua ma niqu kao laka dou e gini lia na kaomate.

1 Ioane 2:8

Me mana nomoa laka na ketsa inau au gini mamare vanigamu kalina eni, aia na vaoluna. Igita a reinogoa na manana i laona na maurina a Iesu Kristo, mi tana maurimui goto igamu. Rongona na rodo e tuturiga na nanga lee nogo, ma na lalaina na marara manana e labamaka nogo.

Marko 12:1

Ma Iesu e gini gokolia vanigira na toga na gokolia iani me tsaria, “Kesa dani me totu kesa na mane e tamanina kesa nina uta loki. Maia e baa me tsukaa kesa na itai i laona nina uta, gana kara aqosiginia na uaeni na vuana. Me barapolia, me tsaia na qilu gana na gotosana na vuana na itai me ke lia na uaeni. Me logoa na kusudato gana na togatoga. Mi muri ma na tamanina na uta e tuu me molovanigira visana na mane kara gini aqo nina uta. Maia e aligiri, me vano totu kesa tana vera ao.

Mateo 21:33

“Ma kamu rongomi vatavia e kesa goto na gokolia. Kesa dani me totu kesa na mane e tamanina kesa nina uta loki. Maia e baa, me tsukaa kesa na itai i laona nina uta, gana kara aqosiginia na uaeni na vuana. Me barapolia, me tsaia na qilu gana na gotsana na vuana na itai, me ke lia na uaeni. Me logoa na kusudato, gana na togatoga. Mi muri, ma na tamanina na uta e tuu, me molovanigira visana na mane kara gini aqo, ma kara reitutugu vania nina uta. Maia e aligiri, me vano totu oka kesa tana vera ao.

Hosea 10:1

Igira na tinoni ni Israel ara tamani omea danga vaga kesa na itai na uaeni e vungu dou sosongo. Mi kalina niqira omea tatamani ara pabo babâ, migira ara tû mara logogira danga goto bâ na belatabu. Mi kalina e lakaga dou na mutsa tana niqira kao, migira ara inilaugira dou goto bâ na tuguru vatu tabu ara katsugira gana na samasama.

Ioane 6:32

Ma Iesu e tsarivanigira, “Inau, au tsarivanigamu na manana: na mutsa e sauvanigamu a Moses, aia e tau na mutsa ke talumai i gotu. Ma na mutsa na Tamaqu e sauvanigamu, aia moa na mutsa manana e talumai i gotu.

Luka 13:6

Mi muri, ma Iesu e tsarivanigira goto kesa na gokolia: “Kesa na mane e tsuka kesa na gai vuaga i laona gana uta. Mi muri, maia e ba tsigoa laka ti vaga ke vua, me tau lelee reia sa vuana i konina.

Mateo 20:1

Ma Iesu e tsarivanigira na gokolia iani: “Na Verana God i gotu e vaga kesa na mane e tamanina kesa nina uta. Me kesa dani, maia na tamanina na uta e tuu tana matsaraka bongibongi, me vano lavegira visana tinoni kara aqo tana nina uta.

Linge Na Galuve 7:12

Ma ka mamata bongibongi ma ka ba morosigira ti kara tuturiga na dato igira na itai na uaeni, ma kara taporatsa nogo na latseqira, me ti kara latse goto igira na gai mutsamutsa. Mi tana nogo ti inau sauba kau sauvanigo niqu galuve.

Sekaria 3:8

Me vaga ia, mo ko rorongo dou igoe a Josua na Mane Tabu Loki. Ma kamu rorongo dou goto igamu sui na manetabu gana sasanga nogo aia, igamu amu lia vaga na papadana na mauri doulaka sauba ke laba tana tagu ke mai: Inau sauba kau adimaia i matamui kesa niqu maneaqo aia ara soaginia Na Arana Gai.

Ioane 1:9

Na Goko, aia nogoria na marara laka e tsunamai nogo i barangengo, me mararasigira na tinoni sui.

Ioane 1:17

I sau God e savulaginia vania a Moses nina Ketsa vanigira nina tinoni. Mi konina moa a Iesu Kristo igita a tsodovulagia nina galuve ma na manana.

Isaia 61:3

ma kau tusuvanigira igira ara ngangai i Sion na magemage loki ke oliginia niqira ngangai, ma na linge na tsonikae ke oliginia niqira melu. Sauba kara vaga na gai kakai aia segenina nogo na Taovia e tsukagira. Migira sui sauba kara naua moa na omea ke gotolaka, ma kara tsonikaea God tana rongona na omea loki aia e naua.

Esekiel 19:10

“Ma na tinamu e vaga saikesa goto kesa na itai na uaeni ara tsukâ ligisana kesa na ko tatave. Mi tana e danga dou na kô te e gini dato magobu dou, mara kutsudato danga na vasuna, me molo vuana dangadanga.

Mateo 15:13

Ma Iesu e tsarivanigira, “Pipi sui na omea tsukatsuka igira na Tamaqu i gotu e tau tsukagira, sauba nomoa aia ke tuu me ke vutiligigira.

Ioane 15:2

Aia e dona ke vasugiligigira pipi sui na vasuna ara vasumai i koniqu, ti vaga kara tau tamani vuaqira dou. Maia e valakasigira dou pipi na vasuna ara vungu dou, na rongona kara gini male ma kara molo vuaqira dangadanga.

Roma 11:17

Visana vidaqira na arana na gai tsukatsuka ara tabakeligi, mara tuu, mara dongaginia na arana kesa na gai atsi. Igamu na tinoni ni veratavosi, amu vaga saikesa na gai atsi. Mi kalina eni amu sangapata tana susuligana ma na maurilaka e talu i koniqira na Tsiu.