Ioane 14:9 - Ghari

⁹ Ma Iesu e tsarivania, “Me oka rago nogo inau au totu kolugamu sui. ?Migoe Pilipo o tau vati donaginiau moa? Masei ti vaga aia ke morosiau inau maia e morosinogoa na Tamaqu. ?Megua vaga ti igoe o tsaria, ‘Ko sauvulagi vanigami na Tamamu’?

Ioane 14:9 Referans Kwoze

Kolose 1:15

A Iesu Kristo aia nogo na nununa God e totu ida nogo, migita a tau dona na reiginiana na matada. Maia nogo na Dalena botsa ida, me loki liusigira baa pipi na omea sui God e volagira.

Ioane 12:45

Asei moa e reilakaqu inau e reilakana goto aia e moloau.

Ioane 14:7

Mi muri, ma Iesu e goko vanigira sui ara totu i tana me tsaria, “Igamu amu donaginiau nogo kalina ia, me sauba ti kamu donaginigotoa na Tamaqu, me tuu kalina eni me ke baa amu donagininogoa aia mamu reilakana nogo.”

Hibru 1:3

Maia nogo e saumakali vanigita na mararana God; maia goto nogo na nununa laka segeni nogo God, mi tana susuligana nina goko aia e tangoli kakaiginigira na omea sui i gotu mi lao. Mi murina aia e sese mateqira sui niqira sasi na tinoni, maia e ba totu i gotu tana madoana God aia e Susuliga Tsapakae.

Ioane 10:30

Na Tamaqu minau kagami ami ka kesa moa.”

Ioane 1:14

Me lia tinoni na Goko me mai totu i laoda, me dangatovu i konina na vangalaka ma na manana. Migita a reivulagia na mararana, aia na marara e tamanina rongona aia nogo na Dalena Tamana e kesa moa.

Pilipi 2:6

Aia e puku God saviliu nogo, me tau moa pada ke tangolikakaia laka aia e puku atsakolua God.

Ioane 14:20

Mi kalina ke labamai na dani ia, me sauba kamu dona laka inau au totu i konina na Tamaqu me laka igamu amu totu i koniqu, vaga goto inau au totu i konimui.

Marko 9:19

Me tuu a Iesu, me tsarivanigira na toga ara totu i tana, “!Igamu na tinoni vanga vo tutuni! ?Ke oka koegua sagata kau totu i konimui? ?Me ke oka koegua goto kau berengiti kolugamu? !Adimai vaniau na baka mane ia!”

Luka 12:56

!Na tinoni vanga malapalu igamu! Amu dona rago na reigadoviana e koegua nina aqoaqo na parako ma na guguri. ?Me matena gua te amu tau vati dona moa na padagadoviana na rongona na omea e laba i laomui tana tagu eni?

1 Korint 15:12

?Me ti igami ami turupatuna vanigamu nogo laka a Iesu Kristo e maurivisu nogo tania na mate, megua goto ti visana vidamui amu tsaria laka igira ara mate nogo e utu kara maurivisutugua?

Jeremia 2:23

?Egua ti o tsaria, ‘Inau au tau naqugasi segeniqu, mau tau saikesa samasama vania Baal’? Ko padatugua nimu sasaga tabaru tana poiatsa, ma na sasi danga o naugira i tana. Igoe o lavegira na god peropero vaga saikesa moa na kamelo daki e ulo bamai na lave kamelo mane.

Linge 11:1

Inau au norukakaia na Taovia rongona aia ke ravisiau. Mamu bule rago igamu ti amu tsarivaganana vaniau iani, “Ko lovoligi bâ tana vungavunga vaga kesa na manu,

Tuturigana 26:9

Ma Abimelek e mologoko bâ vania a Isaak ke mai reia me tsarivania, “!Ko Rebeka na taumu nogo igoe! ?Me rongona gua ti o tiapoia mo tsaria laka aia na tasimu?” Ma Isaak e tuguvisua me tsaria; “Au padâ laka sauba kamu matesiau ti vaga kau tsaria laka aia na tauqu.”

Ioane 8:19

Migira ara veisuaa, “?Miava na tamamu? ?Iava e totu?” Ma Iesu e tsarivanigira, “Igamu voginiau inau mamu tau goto donaginia na Tamaqu. Rongona ti vaga kamu donaginiau inau, me sauba kamu donaginigotoa na Tamaqu.”

1 Ioane 5:20

Migita a dona goto laka e labamai nogo na Dalena God, maia e mararasigita, te igita a donaginia na God manana. Migita a mauripata nogo kolua na God manana, ma mauripata kolugotoa a Iesu Kristo na Dalena. Iani nogoria na God manana, miani goto na mauri saliu.