Ioane 13:19 - Ghari

¹⁹ !Au tsaria ida vanigamu talu na omea iani, kalina e tau vati laba moa, rongona ti kalina ke laba na taguna, mi tana nogo igamu kamu gini tutunina laka Inau Nogo Aia Inau!

Ioane 13:19 Referans Kwoze

Ioane 14:29

Au katemanogatia vanigamu na omea girani kalina ara tau vati laba moa, na rongona ti vaga kalina kara laba, migamu kamu tutunina.

Isaia 43:10

“Igamu na tinoni ni Israel, igamu nogo niqu rongovata inau. Inau nogo au viligamu kamu lia niqu maneaqo, gana kamu donaginiau inau ma kamu tutuniqu, ma kamu gini padagadovia laka inau segeni moa au God. Me tagara saikesa sa god tavosi ke totu i sau, me sauba ke tagara saikesa goto ke kesa ke totu tana tagu ke mai.

Ioane 16:4

Minau au tsarivanigamu na omea girani, rongona ti vaga kalina ke tsaumai na tagu tana kara nauvanigamu na omea vaga girani, migamu kamu padavisua moa laka inau au kate idanogoa vanigamu. “Inau au tau tsarigira na omea girani vanigamu tana tuturigana, rongona au tototu moa kolugamu.

Isaia 48:5

Maia nogoria na rongona ti inau au gini kate idanogoa i sau na omea sauba kara laba vanigamu. Au katemaigira nogo kalina ara tau moa vati laba, gana ke gini utusiginigamu igamu na tsariana laka igira nogo nimui titinonina ma na nununa nimui god peropero ara naua te ara laba na omea girani.

Ioane 8:58

Ma Iesu e tsarivanigira, “Inau, au tsarivanigamu na manana, e tau vati botsa moa a Abraham, mau totu nogo ‘Inau.’ ”

Mateo 24:25

!Kamu parovata dou! Inau au katevulagi idanogoa vanigamu na omea sui girani ti ke labamai na taguna.

Mateo 11:3

Migira ara baa mara veisuaa, “?Ko tsarivanigami laka ti igoe nogoria aia kesa a Ioane e gini goko vanigami, me tsaria laka e kesa sauba ke mai? ?Se laka igami kami pipitua ke kesa segeni?”

Malaki 3:1

Maia na Taovia Susuliga Sosongo e gokovisu me tsaria, “Inau sauba kau molo bâ niqu mane adigoko ke vangarau vaniau niqu sautu. Mi tana ti na Taovia aia igamu amu lalavea, sauba ke tavongani labamai tana nina Vale Tabu. Maia na mane adigoko igamu amu pipitu sosongolia, sauba nomoa ke labamai me ke katevulagi vanigamu niqu taso.”

Ioane 1:15

Ma Ioane e sogo gokona me tsaria, “Aia nogoria ngana, inau au gini goko vanigamu kalina au tsaria laka aia sauba ke mai i muriqu, maia e loki liusiau nomoa inau, rongona aia e totu nogo te au botsa inau.”

Luka 21:13

Eo, mi kalina ke laba na omea vaga gira, mi tana nogo gamui tagu dou igamu na gini goko na Turupatu Dou tana rongoqu inau.

Isaia 41:23

Eo, kamu tsarivulagi vanigami dou nomoa na omea sauba ke laba ke sau, mi tana ti igami sauba kami donaginia laka igamu nogo na god. Kamu naugira visana na omea dou, se kamu molomaigira ke visana na rota seko loki, rongona igami kami gini novo loki ma kami matagu.

Ioane 4:26

Ma Iesu e tsaria, “Inau nogoria aia, inau au goko kolugo.”

Ioane 8:28

Te aia e tsarivanigira, “Kalina kamu tsauraginikaeau inau na Dalena Tinoni, mi tana ti sauba kamu dona laka ‘Inau Nogo Aia Inau’. Mi tana goto ti kamu gini dona laka inau au tau naua sa omea tana niqu papada segeni, au gini goko moa igira na omea na Tamaqu e ketsaliginiau kau tsaria.