Ioane 11:39 - Ghari

³⁹ Ma Iesu e raigira, “!Kamu keliligia na vatu vovongona!” Ma ko Marta, aia na tasina na mane e mate, e tsarivania a Iesu, “!Sauba ke sigini seko Taovia, rongona e vati nogo na bongi e totu tana qilu!”

Ioane 11:39 Referans Kwoze

Ioane 11:17

Mi kalina a Iesu e laba nogo i Betani, maia e rongomia laka e vati nogo na bongi e totu a Lasarus i laona na qilu.

Marko 16:3

Mi sautu ara tu vaigokovigi mara tu tsaria, “?Laka asei sauba ke keliligi vanitugita na vatu ara vongoginia na vatuluma?” Ma na vatu ia ara vongoginia na vatuluma, na vatu loki sosongo. Mara tu moro baa, mara tu reia na vatu e takeliligi segenina nogo.

Linge 49:7

Na tinoni aia segeni e tau tangomana ke suivisu segenina; me tau goto tangomana vania ke tsonimatena vania God rongona na maurina,

Pilipi 3:21

Me sauba aia ke oligira na konida maluku matemateaga, me ke naua ma kara atsa vaga nogo na konina aia kalina aia e maurivisutugu tania na mate. Maia ke naua na omea iani tana susuligana loki e tamanina gana na tagaoviginiaqira pipi na omea sui.

Tuturigana 3:19

Mi tana maono na raemu sauba ko tsodoa gamu mutsa, poi tsau kalina ko visutugua tana kao i tana o talumai. Igoe, inau au aqosiginigo na kao, me sauba ko lia tugua na kao.”

Aqoaqo 2:27

rongona igoe nogo niqu God, me tagara ko tau tsonilea na tidaoqu vania na verana na mate; me sauba ko tau goto tamivania na konina kesa aia e noru saikesaligo ke ratsa lee tana kao.

Linge 49:14

na matemate e totupitugira vaga moa na sipi ara totupitua na matesiaqira, ma na Mate aia nogo sauba ke lia niqira reitutugu. Migira nogo na tinoni e goto niqira sasaga sauba kara tagaovi kaputigira, ma na koniqira igira ke ratsa tsaku lê i laona na barangengo na mate ao tania na veraqira.

Linge 49:9

na maurisiana tania na qilu, me ke mauri sailagi babâ moa.

Tuturigana 23:4

“Inau au kesa na tinoni na vera tavosi mau totu ieni i laomui nogo igamu; au nongigamu kamu tsabiri vaniau sa butona kao, rongona kau qiluginia na tauqu.”

Aqoaqo 13:36

“Ma David e aqo dou vania God tana maurina popono, mi muri maia e mate mara qilua kolugira na mumuana, ma na konina a David e ratsa moa tana qilu.

2 Korint 2:16

Vanigira igira ara kalea na mate saliu, na vuruna ia e vaga na siginina na mabuluna kesa na omea e mate, me matesigira; me vanigira igira ara muria na sautuna na mauri saliu, ma na vuruna ia e vaga na bulunagai uruuru dou e maurisigira. ?Masei nomoa tugua ke naua na aqo vaga ia na rasavaginiana na Turupatu Dou tana rongona a Iesu Kristo?