Ioane 11:19 - Ghari

¹⁹ Mara danga na Judea ara laba ka koniqira ko Marta ma ko Maria, mara verekaira rongona ka niqira melu na mateana ka vavineqira.

Ioane 11:19 Referans Kwoze

Nina Papi A Job 2:11

Mi kalina tugira tolu na kulana a Job ara tu rongomia laka na rota loki sosongo e gadovia a Job, ara tu padâ laka kara tu ba verea. Tugira nogo a Elipas ni Teman, ma Bildad ni Sua, maia Sopar ni Naama.

Ioane 11:31

Migira na tinoni ara totu kolua ko Maria tana vale na matemate, ara reia ko Maria e tu tsakutsaku me rutsu. Migira sui ara aligiri takuti mara muria, rongona ara pada laka aia ke vano na tangitangi tana qiluqilu.

1 Tesalonika 5:11

Vaga ia, migamu kamu vaikakaisigi, ma kamu vaisangagi tabana mi tabana vaga nogoria amu naua kalina eni.

1 Tesalonika 4:18

Me vaga ia, migamu kamu gini vaiveregi ma kamu vaikakaisigi na goko vaga girani.

2 Korint 1:4

E sangagita i laona pipi sui nida rota, me ngaoa igita goto ka sangagira na tinoni tavosi igira e gadovigira pipi vatana na rota, vaga nogo God e sangagita.

Roma 12:15

Kamu tobamage kolugira igira ara mage, ma kamu ngangai kolugira igira ara ngangai.

Tangitangi 2:13

?Are kiki Jerusalem, e livugaluvemu, ma nagua goto kau tsarivanigo? ?Ma kau verego koegua kiki goto inau? E tagara goto ke kesa ke tsodoa na rota loki vaga iani. Gamu rota e loki vaga saikesa na kema. ?Masei nomoa tangomana ke laumaurisigo?

Tangitangi 1:21

“Ko rongomiau kalina au kukungu. E tagara kiki ke kesa ke vereau. Igira gaqu gala ara gini mage sosongo rongona igoe o alomaia na rota seko loki ke gadoviau. Ko molomaia na dani na tangotugu vaga igoe o veke nogoa. Ko naua migira gaqu gala kara vatsangia na rota loki vaga au vatsangia inau.

Tangitangi 1:16

“Aia nogo na rongona ti e gini sarara tsuna na kô na mataqu. Me tagara goto ke kesa tangomana ke vereau se ke malagaisiau. Igira gaqu gala ara tuliusiau nogo, migira niqu tinoni ara tau goto tamanina sa omea.

Tangitangi 1:9

Nina sasaga tabaru ara totu malemale saikesa, maia e tau moa gini boe na omea kara laba vania i muri. Aia nogo na rongona te e gini puka saikesa gana susuliga, me tagara goto ke kesa ke verea. Maia e tsaria, “!Taovia, ko galuveau kiki tana niqu rota loki, rongona igira gaqu gala ara tuliusiau nogo!”

Tangitangi 1:2

Mi tana bongi popono aia e ngangai moa; ma na kô na matana e sarara tsuna tana ngorana. Mi laogira sui lakalaka na kulana ni sau, e tau lelê goto totuvisu ke kesa ke verea. Igira ara tabana kolua tana idana ara tû mara sauligia, mi kalina ia igira sui ara vaigalagi kolua.

Nina Papi A Job 42:11

Migira sui lakalaka na tasina mane ma na tasina daki a Job migira goto na kulana ni sau ara mai na tsigoviana mara sanga na mutsa koluana i valena. Ara goko dou vania mara verea tana rongoqira pipi na rota aia na Taovia e molomai vania. Me pipi gira sui tatasa ara sauvania visana na qolo ma na siraku qolu.

2 Samuel 10:2

Ma David e tsaria, “Niqu aqo nomoa inau kau sauvulagia niqu tobalaka vania a Hanun, vaga nogo a Nahas na tamana e nauvaniau.” Mi tana, ma David e molovanogira visana nina mane adigoko kara bâ i konina a Hanun, ma kara tsarivania laka aia David e gini melu na rongona na mateana na tamana. Mi kalina ara ba tsau i Amon,

Tuturigana 37:35

Migira sui na dalena mane ma na dalena daki ara mai mara tovoa na vereana, maia e sove na rongomiaqira me tsaria, “Tagara, inau sauba kau tangisia na dalequ poi tsau kalina kau tsuna bâ tana barangengo na mate.” Me vaga ia, maia e tangisi babâ moa a Josep na dalena.

Isaia 51:19

Ara ka ruka na rota seko loki ara ka gadovigo nogo igoe: igira gamu gala ara toroutsani poponoa nimu butona kao, migira nimu toga ara gini mate na vitoa. Me tagara goto ke kesa ke galuvego.

Sasani Sasaga 7:2

E dou bâ na vano tana vale i tana ara tangitangi, liusia bâ na vano tana vale i tana ara aqosia na mutsakolu, rongona igira ara mauri moa e dou ti kara pada tugutugua moa laka na mate e totupitugita sui.

1 Samuel 31:13

Mi muri, mara adia tu suliqira mara qilugira i vavana kesa na gai tabu, mara tsonivitoaqira segeni i laona e vitu na dani popono.

1 Turupatu Dato 10:12

mara tû igira niqira mane malagai susuliga bâ mara ba aditsunâ na konina a Saul mi tugira na dalena, mara adivisutugira i Jabes. Mara qilutugira i tana i vavana kesa na gaitabu, mara tsoni vitoaqira segeni i laona e vitu na dani popono.

Luka 10:39

Me totu goto tana kesa na tasina ko Marta, ko Maria na asana, maia e totu i lao i tuana na Taovia, me rongomi vatavia nina sasani.

Luka 10:42

Me kesa moa na omea e dou ke ida talu. Ko Maria aia e vilia na omea e dou baa, ma na omea iani e utu ke kesa ke adiligi tania.”

Ioane 1:19

Igira na taovia na Tsiu ara totu i Jerusalem, ara ketsaligira visana niqira manetabu ma na Levite kara balaba i konina a Ioane, ma kara veisuaa, “?Laka asei igoe?”

Ioane 11:1

Me lobogu loki kesa na mane, a Lasarus na asana, i Betani i ka veraqira ko Maria ma ko Marta na tamatasi kaira.

Ioane 11:8

Migira gana duli a Iesu ara tsarivania, “?Taovia, mi noana baa moa igira na Tsiu ara ngaoa na taiamu i tana, me laka o ngaoa moa ka visu baa tugua i tana?”

Ioane 11:33

Ma Iesu e reia ko Maria e ngangai, mara ngangai goto igira na tinoni ara murimaia, ma Iesu goto e dato na ngangai i tobana, me kuluvesuvesu.

Ioane 11:36

Migira ara reia aia e ngangai mara tsaria, “!Reia, aia e galuve sosongolia kiki!”

Ioane 11:45

Danga vidaqira na Tsiu igira ara mai na totu koluana ko Maria ara reia na omea e naua a Iesu, mara gini tutunina.