Ioane 10:14 - Ghari

^14-15 “Minau na reitutugu sipi laka. Vaga na Tamaqu e donaginiau, minau au donaginia na Tamaqu, me vaga goto inau au donaginigira niqu sipi, migira ara donaginiau. Mau tamisegeniqu kau mate tuguqira niqu sipi.

Ioane 10:14 Referans Kwoze

Ioane 10:27

Niqu sipi ara rongomigadovia na lioqu. Au donaginigira, migira ara muriau.

2 Timoti 2:19

Ma na tsutsuvatuna na tutuni vaga God e vaturinogoa, e totukakai saikesa moa me utu goto ke aligiri. Miani nogo na goko vaga ara marea i konina: “Na Taovia aia e donaginigira igira nina tinoni segeni.” Miani goto e kesa na goko e totu tana mamare i konina: “Asei moa ti vaga ke tsaria laka aia nina tinoni na Taovia, ma nina aqo aia ke molole saikesalia na nauana na omea e sasi.”

Ioane 10:11

“Inau na reitutugu sipi laka, mau tamisegeniqu kau mate tuguqira niqu sipi.

1 Ioane 5:20

Migita a dona goto laka e labamai nogo na Dalena God, maia e mararasigita, te igita a donaginia na God manana. Migita a mauripata nogo kolua na God manana, ma mauripata kolugotoa a Iesu Kristo na Dalena. Iani nogoria na God manana, miani goto na mauri saliu.

Epesus 1:17

Mau nongia nina God a Iesu Kristo nida Taovia, aia na Taovia na Marara, ke tusuvanigamu na Tarunga Tabu, maia sauba ke naua ma kamu sasaga sosongo, me ke saumakalia God vanigamu ma kamu gini donadouginia.

Ioane 17:3

Miani nogo e vaga na mauri saliu: na donaginiamu igoe segeni na God manana, ma na donaginiana a Iesu Kristo aia igoe o molomaia.

Linge 1:6

Na Taovia aia e mataligira me reitutugugira igira e gotolaka niqira sasaga, migira na tinoni seko ara muria moa na sautu e kalea na mate saliu.

Na Katemai 2:2

Aia e tsaria: inau au donagininogoa na omea sui igamu amu naua. Mau dona goto laka amu aqo kakai, mamu berengiti sosongo. Mau dona goto laka e utu vanigamu kamu tamivanigira na tinoni seko kara mai totu i laomui. Eo, au dona laka amu tovovidagira igira ara tsarisegeniqira laka ara apostolo manana, mamu tsodovulagia laka igira ara tau na apostolo manana, ara tinoni peropero lee moa.

2 Timoti 1:12

Maia nogoria na rongona ti inau au gini rota vaga ia kalina eni. Me atsa moa, minau au tau gini vangamaa rongona au donaginia asei aia inau au norua. Mau dona goto laka aia nogo sauba ke reitutugudougira tsau tana Dani na Pede na omea sui aia e noruginiau inau na nauana.

Pilipi 3:8

Eo, me tau igira moa na omea vaga gira, me pipi sui na omea tavosi goto, ara tau saikesa tamani rongona vaniau kalina eni. E kesa lelee moa na omea e tamani rongona vaniau kalina ia, maia nogoria na donaginiana a Iesu Kristo niqu Taovia. Tana rongona nogo a Iesu, te inau au mololegira pipi na omea sui au norugira i sau. Tana niqu papada inau, na omea gira ara lia vaga nogo ti na kutso, rongona ti inau kau donaginia moa a Iesu Kristo,

Epesus 3:19

Eo, au amesia ti igamu kamu donadouginia na galuvena aia, atsa moa ti ke utu na padagadoviana popono, rongona ke gini dangalitovugamu nina mauri segeni nogo God.

Ioane 17:8

Au saunogoa vanigira na goko igoe o molovaniau, mara tabedoua. Ara donagadovinogoa laka e mana nomoa inau au talumai i konimu igoe, mara tutunina goto laka igoe o mologiniau.

Na Katemai 2:19

“Au donagininogoa na omea sui igamu amu naua. Au dona laka amu galuvegira manana na tinoni ara tau tamanina sa omea. Mau dona goto laka igamu amu tutuniqu, mamu totukakai i koniqu, atsa moa ti na rota loki e gadovigamu. Mau dona goto laka na aqo na galuve amu naugira kalina eni ara dou sui, mara loki baa liusia na aqo na galuve amu naua tana idana.

Na Katemai 2:13

Inau au donagininogoa na vera tana amu totu igamu, i tana nogo e tamanina Satan. Mau dona goto laka igamu amu tutuniqu kakai moa, atsa moa ti igamu amu reia kalina ara labumatesia a Antipas, niqu maneaqo dou sosongo i tana vera tana e totu Satan, migamu amu tau gini suga tania nimui tutuni tana rongoqu inau.

2 Korint 4:6

God aia e tsaria i sau, “I laona na rodo pulipuli sauba ke labamaka na marara,” maia goto nogo e moloa nina marara ke mararasia na tobada, rongona igita ka gini donaginia na mararana God, aia e labamaka tana ngorana a Iesu Kristo.

Na Katemai 3:15

“Inau au donagininogoa na omea igamu amu naua. Mau dona goto laka igamu amu tau bisi, mamu tau goto papara. !Mau ngao sosongolia nomoa laka kamu bisi se kamu papara!

Na Katemai 3:8

“Inau au donagininogoa na omea igamu amu naua. Aia nogo na rongona ti inau au sangavi idaa vanigamu na matsapa, aia e tau tangomana ke kesa ke vongoa. Au dona nogo laka igamu amu tau danga, maia nogoria na rongona ti amu gini tau susuliga sagata. Migamu amu muridougira nomoa niqu sasani, mamu totukakai koluau.

Na Katemai 2:9

“Inau au donaginia na omea igamu amu gini rota. Au donagininogoa laka igamu amu tau rago tamanina sa omea i lao eni, mamu tamanina nomoa na omea danga ara pitugamu i baragata. Au dona rago na omea seko ara keli vanigamu igira ara tsarisegeniqira laka igira nogo na Tsiu, me tagara tau mana na omea ara tsaria. !Migira nogoria na alaala aia Satan e tamanigira!

Isaia 53:11

Mi kalina ke pirugira sui nina rota, me sauba aia ke magemage tugua, me ke donaginia laka nina rota sui ara tau puala lê. Aia niqu maneaqo dou au reingao sosongolia, sauba ke kalagaia na kedena popono niqira sasi na tinoni danga, mi tana rongona nogo aia ti inau sauba kau veoligia niqira sasi.

Na Katemai 3:1

“Ko mamare baa vania na angelo e reitutugua na lotu i Sardis, mo ko tsarivaganana vania: “Iani nogo e vaga na goko e talumai i konina aia e tamanigira ara tu vitu nina tarunga God, mara tu vitu na veitugu. “Inau au donagininogoa na omea sui igamu amu naua. Au dona nogo laka igira na tinoni sui ara pada laka igamu amu tutuniqu kakai. !Miava, e mate lee moa nimui tutuni!

Isaia 40:11

Maia sauba ke reitutugudougira nina tinoni, vaga moa na mane reitutugusipi e reitutugugira me palagira nina sipi, me alotisaigira na dalena sipi me tabelegira; me alagigira bâ na tinaqira tana nauna i tana kara mango.

Nahum 1:7

Na Taovia e doulaka. Aia e reitutugugira dou nina tinoni tana tagu na rota loki, me aragogira igira ara pilo bâ i konina aia.

Ioane 10:13

Na mane e aqo matena na qolo moa e tsogoligi rongona aia na mane peluqolo moa me tau gini boeginigira na sipi.