Ioane 1:41 - Ghari

⁴¹ Ma Adrea e ba reia a Simone na tasina me tsarivania, “Ami tsodovulagia na Mesia.” Ma na rongona na goko “Mesia”, e vaga moa “Na Kristo”, ma na rongona na goko “Kristo” e vaga moa “Aia kesa God e vilia.”

Ioane 1:41 Referans Kwoze

Ioane 4:25

Ma na daki e tsaria, “Au dona laka na Mesia sauba ke mai kesa tagu, mi kalina aia ke labamai, sauba ke tsarimakalia vanigita pipi na omea sui.”

Ioane 1:45

Ma Pilipo e tsodoa a Nataniel me tsarivania, “Goena, aia nogo na mane ri a Moses e mamare tana rongona i laona na papi na Ketsa, migira goto na propete ara mamare tana rongona ia, i kagami ami ka tsodonogoa. Maia nogo a Iesu na dalena a Iosepo ni Nasaret.”

Linge 89:20

Au molokaenogoa niqu maneaqo a David aia ke lia na taovia tsapakae kalina inau au ninaginia na oela tabu.

Aqoaqo 10:38

Igamu amu donagininogoa a Iesu ni Nasaret, me koegua God e vilia me dangali tovuginia na susuligana ma na Tarunga Tabu. E liu pipi tana vera, me aqo galuve vanigira na tinoni sui, me maurisigira igira e totuvigira na susuligana na tidao seko, rongona God nogo e totu i konina.

Luka 2:38

Aia goto e ba sage tana Vale Tabu tana tagu ia, me reitugira, me soadoua God, me gini goko rongona na baka vanigira sui igira ara pipitua kalina God ke suivisugira na Jerusalem.

Luka 2:17

Mi kalina na mane pitusipi ara tu reia na meomeo e tsaro tana, mara tu turupatuna na omea vaga na angelo e katenogoa vanitugira tana rongona na baka ia.

Aqoaqo 4:27

“Me laba saikesa vaga nogo, kalina kaira a Herod ma Pontius Pilate ara ka labasai tana vera loki iani, kolugira na tinoni ni Israel ma na tinoni ni veratavosi goto, mara voroa gana mate a Iesu na Dalemu Tabu, aia o vili segenimu nogo ke lia na Mesia.

Isaia 61:1

Na Taovia God e dangaliginiau nina Tarunga. Me viliau kau adivanoa na turupatu dou vanigira na tinoni sekona lê, ma kau veregira igira e melu loki na tobaqira, ma kau suivisugira igira ara lautsekagira, ma kau maurisigira igira ara totu sosori.

Isaia 11:2

Nina Tarunga nogo na Taovia sauba ke totu i konina, maia ke gini sasaga loki, me ke dona na omea levolevo, gana na tagaovidouaqira nina tinoni. Maia sauba ke padagadovidoua na omea na Taovia e kilia ke naua, me ke kukuni loki tania,

Linge 45:7

Igoe o reingaoa na omea e goto mo reisavia na omea e seko. Aia nogoria na rongona ti aia God nimu God e viliginigo igoe me ninaginigo na oela na mage liusigira sui na taovia tsapakae tavosi.

Linge 2:2

Igira na taovia tsapakae ni lao eni ara tû, mara vangarau segeniqira nogo, migira sui na tagao ara vorogokona sai na tukapusiana na Taovia, ma na tukapusiana goto na taovia tsapakae aia e vilinogoa.

2 Taovia Tsapakae 7:9

Mi muri, mara tu vaigokovigi tugua mara tu tsaria, “!E tau dou ka tu nauvaganana ia! Tugita a tu tamanina nogo kesa rago na turupatu dou, me ti vaga ka tu gini mui lê moa, ma ka tu pitua ke matsaraka ti ka tu tsarivulagia, me sauba nomoa kara kedetugita. !Ida ma ka tu vano nogo kalina ia, ma ka tu ba tsarivulagia vanigira nina mane sasanga na taovia tsapakae!”

1 Ioane 1:3

Na omea igami ami morosia mami rongomia, ami katevulagigira vanigamu, rongona ti igamu goto kamu gini sai kolugami igami tana mauripata koluana God Tamana, ma Iesu Kristo na Dalena.

Mateo 1:23

“E kesa na siama sauba aia ke tiana, me ke vasua kesa na dalena mane, me ke soaginia a Emanuel.” Ma na rongona na soa ia, ‘God e totu i konida’.