Ioane 1:17 - Ghari

¹⁷ I sau God e savulaginia vania a Moses nina Ketsa vanigira nina tinoni. Mi konina moa a Iesu Kristo igita a tsodovulagia nina galuve ma na manana.

Ioane 1:17 Referans Kwoze

Roma 6:14

Kamu laka saikesa goto na tamivaniana na sasi ke tagaovigamu, rongona igamu amu tau nogo vataraginia na maurimui i konina sa ketsa mamu mauri vataragi moa tana galuvena God.

Ioane 14:6

Ma Iesu e tsarivania a Toma, “Inau nogo na sautu, ma na manana, ma na mauri. Tau tangomana ke kesa ke balaba i konina na Tamaqu ti ke tau liu talu i koniqu inau.”

Ioane 1:14

Me lia tinoni na Goko me mai totu i laoda, me dangatovu i konina na vangalaka ma na manana. Migita a reivulagia na mararana, aia na marara e tamanina rongona aia nogo na Dalena Tamana e kesa moa.

Hibru 9:22

Tana nina Ketsa a Moses e varangi pipi na omea sui e kilia nomoa ke rutsu talu na gabu ti kara gini male i matana God. Me ti ke tau rutsu talu na gabu, me utu goto vania God ke nusiligigira niqira sasi na tinoni.

Ioane 8:32

Me sauba kamu donaginia na manana, ma na manana ke nusigamu.”

Ioane 7:19

?Laka a Moses e tau sauvanigamu na Ketsa? Me tagara baa sa vidamui ke muria. ?Megua ti igamu amu ngaoa na matesiaqu?”

Aqoaqo 28:23

Migira ara titi danina kolua a Paulo, mara danga baa na tinoni ara saimai tana vale tana e totu a Paulo. Me tuu tana matsaraka me poi e tsau tana bongi, ma Paulo e tsaritutugua vanigira moa na turupatuna tana rongona na Verana God. Me adikaea vanigira na gokona nina Ketsa a Moses ma niqira mamare na propete, me tovoa ke naua ma kara gini tutunina a Iesu.

Tuturigana 22:18

Me pipi sui na puku tana barangengo sauba kara nongiau kau vangalaka vanigira vaga au vangalaka vanigira na kukuamu igoe, rongona igoe o rongomangaqu dou.’ ”

Galatia 3:17

Ma na papadana na omea au vasini tsaria e vaga iani: God nogo e aqosia na taso kolua a Abraham, me vekevania laka sauba ke manalivania. Ma na Ketsa aia God e molomaia vania a Moses i murina e vati sangatu me tolu sangavulu na uvi, e utu ke veoligia na taso me ke gini luvu lee nina veke God e nauvania a Abraham.

Na Vaolusi Ketsa 5:1

A Moses e soasaigira sui na tinoni ni Israel me tsarivanigira, “Tinoni ni Israel, kamu rongomigira pipi sui na ketsa inau kau sauvanigamu i dani eni. Kamu sasanigira ma kamu muritaonigira dou.

Aqoaqo 7:38

Maia nogo e totu kolugira na tinoni ni Israel tana legai mangu. I tana nogo e totu kolugira na mumuada, me kolugotoa na angelo e goko vania tana Vungavunga Sinai. Maia goto nogo e adia i konina God na tsaqina na goko na mauri ke gini tusumaigira vanigita.

Ioane 5:45

“Kamu tau pada laka inau sauba kau tatamanga gamui baa i konina na Tamaqu. A Moses nogo, aia igamu amu noru sosongolia, aia saikesa nogo sauba ke tatamanga gamui i konina God.

Tuturigana 3:15

Me sauba kau naua ma kamu ka vaireisavigi kagamu igoe ma na daki; ma na dalena aia ma na dalemu igoe sauba kara ka vaigalagi sailagi. Ma na dalena aia sauba ke tsogori rutua na lovamu, migoe sauba ko gatia na bobouna na tuana.”

2 Korint 1:20

rongona igira sui nina veke God ara gini mana sui tana nina “Eo” moa aia. Aia nogoria na rongona ti tana asana a Iesu Kristo igita a tsaria “Amen: Eo”, ma gini tsonikaeginia God.

Ioane 9:29

Ami dona laka God e goko vania a Moses. !Ma na mane e talia na matamu igoe ami tau dona gami iava e talumai!”

Mika 7:20

Me sauba ko sauvulagia nimu tobalaka ma nimu galuve vo oli vanigira nimu tinoni, igira ka kukuaqira kaira a Abraham ma Jakob, vaga nogo igoe o vekea vanigira na mumuamami i sau.

Linge 98:3

E manalinogoa nina veke e nauvanigira na toga ni Israel ma nina galuve vanigira e totu kalavata me vô ke oli. Migira na tinoni pipi tana nauna sui ara reia kalina e managana nida God.

Linge 85:10

Mi tana tagu ia, sauba igira na tinoni kara dona na vaigaluvegi ma na vaitabegi; me ke gotodou niqira sasaga, ma kara totu tana rago.

Na Vaolusi Ketsa 33:4

Gita ka muria na Ketsa aia Moses e tusuvanigita, na Ketsa iani aia na omea loki putsikae bâ igita a tamanina.

Na Vaolusi Ketsa 4:44

Igirani nogo na ketsa ma na vali ma na parovata a Moses e sauvanigira na tinoni ni Israel kalina ara mololenogoa i Ejipt, mara mai totu i laona na poi tabana i longa na Kô Jordan, gana ngongo na vera ni Betpeor. Na omea iani e laba i laona na butona kao e tamanina a Sihon niqira taovia tsapakae na Amor, aia e tagao tana vera ni Hesbon tana idana, ma Moses migira na tinoni ni Israel ara tuliusia kalina igira ara rutsuligi tania Ejipt.

Ioane 18:37

Ma Pilate e veisuaa a Iesu, “?Laka o taovia tsapakae manana igoe?” Ma Iesu e gokovisu me tsaria, “Igoe nogo o tsaria laka inau na taovia tsapakae. E kesa lelee moa na rongona inau au gini botsa mai i barangengo, laka kau gini goko matena moa na manana. Masei e muria na manana aia e rongomia na mangaqu.”