Iakobo 5:6 - Ghari

⁶ Igamu amu pedesekoligira rago na tinoni dou mamu labumatesigira. Migira ara tau goto suaimuri vanigamu.

Iakobo 5:6 Referans Kwoze

Iakobo 4:2

Amu kilia kamu tamanina na omea danga, me utugana vanigamu kamu tsodogira, maia nogoria te amu gini vaimatesigi. Amu kili sosongolia kesa na omea me utu vanigamu na adiana na omea amu kilia, te amu kore mamu gini vaiganigi mamu gini vailabugi. Eo, e utu kamu adia na omea amu kilia matena amu tau nongia God ke saua vanigamu.

Aqoaqo 8:32

Ma na butona na Mamare Tabu tana aia e tsokoa e vano vaga iani, “Maia e vaga na sipi ara adivanoa gana kara labumatesia, e vaga saikesa na dalena sipi e tau goto gini kanga kalina ara putsiligia na ivuna.

Mateo 5:39

Eo, mi kalina ia, minau au tsarivanigamu: kamu laka na tangotuguna na omea seko ara nauvanigamu igira na tinoni tavosi. Migoe, ti vaga kesa ke davaa na tabana madoa na ngoramu, mo ko tamia moa vania ke davagotoa na tabana mauli.

Isaia 53:7

“Ara rotasi sosongolia, maia e berengiti, me mui lê moa. Me vaga moa na dalena sipi ara vangaraua na labumatesiana, me vaga goto na sipi ara vangaraua na putsiana na ivuna aia e mui lê moa, me tau lelê tsonia sa tsaqina goko.

Hibru 10:38

Migira moa niqu tinoni igira ara totugoto i mataqu, sauba kara gini mauri saliu tana rongona niqira tutuni. Me ti vaga ke kesa vidaqira ke pilovisu taniau tugua, me sauba e utu goto inau kau reingaoa na tinoni vaga ia.”

Aqoaqo 22:14

Ma Ananias e tsarivaniau, ‘Niqira God nogo igira na mumuada aia nogo e viligo ko gini donaginia na omea e kilia ko naua, mo ko reilakana aia na Dalena mo ko rongomia aia segenina nogo ke goko vanigo.

Iakobo 2:6

!Migamu, amu livutsiriqira moa na tinoni ara tau taminina sa omea! Eo, ma kamu papada dou. ?Laka asei moa igira na tinoni ara bingigamu mara raqagamu baa i mataqira na manepede? !Igira nogoria na tinoni ara tamanina na omea danga!

Aqoaqo 7:52

Kamu soamaia na asana kesa vidaqira na propete igira na mumuamui ara tau rotasi sosongolia. Eo, ara labumatesigira igira sui nina mane adigoko God, aia God e molomaigira nogo i sau, kara katevulagia na maiana aia e kesa sauba ke rongomidou saikesalia na mangana. Mi kalina eni, igamu amu sauligia mamu labumatesia.

Mateo 27:20

Migira na taovia na lotu ma na tinoni loki ara raigira na toga kara nongia a Pilate ke nusilea a Barabas, me ke pedea a Iesu ke mate.

Mateo 21:38

Mi kalina igira na reitutugu uta ara reia baa na dalena segeni nogo na tamanina na uta e maimai, migira ara vaigokovigi segeniqira mara tsaria, ‘!Ida gita, ma ka labumatesia, ma ka tamanina igita nina omea sui!’

Isaia 5:23

Igamu amu adi qolona na sanga pede kesa tabana, mamu nusilegira na tinoni ara sasi, mamu utusigira na tinoni tsalapo na adiana na pede gotolaka.

1 Petero 4:18

E vaga ara marenogoa tana Mamare Tabu mara tsaria, “?Me ti vaga e kakai sosongo vanigira na tinoni dou na tsauliana na mauri saliu, me sauba kara gua igira na tinoni sasi ara petsakoe vania God?”