Iakobo 5:3 - Ghari

³ Na tsotso e ganigira sui nimui qolu ma nimui siliva. Ma na tsotso nogo ia, sauba ke adilabatia i malena na sekona nimui sasaga, me ke gania na lakamui vaga na lake. Amu molokolugira pipi sui nimui omea levolevo pitua na susuina na maurimui.

Iakobo 5:3 Referans Kwoze

Roma 2:5

Migamu e kakai manana na tobamui. Amu tuu, mamu naugira na omea gana ke alomaia gamui kede ke gadovigamu tana Dani tana ke labavulagia na korena ma nina pedegoto God vanigamu.

Na Katemai 21:8

Migira ara posu mara tiatagaraau, migira na mane ma na daki ara vainaugi segeni, migira ara labumatesi tinoni, migira ara totu matengana na vainausekoligi, migira ara tabatu tinoni, migira ara samasama vanigira na tidao, migira sui ara dona na pero ma na valovalo, na tinoni sui vaga gira, na vovoliqira nogo: na totu tana reku na lake ma na papasa mila sigini seko. Aia nogoria na rukanina na mate.”

Na Katemai 20:15

Masei ti e tau totu na asana i laona na papi na mauri, maia e tsonitsunaa i laona na reku na lake.

Isaia 2:2

Kesa tana tagu ke mai i muri maia na Vungavunga Sion, i tana e tû nina Vale Tabu na Taovia, sauba ke dato liuliu bâ, me ke katsi liusigira na vungavunga sui. Migira na puku sui sauba kara kalemaia moa aia,

2 Petero 3:3

Minau kau tsarivanigamu talu kesa na omea, me dou ti kamu donaginidoua na omea iani: laka tana susuina na dani sauba kara tuu visana tinoni, igira e tagaovigira popono niqira kilinauseko, ma kara gilugamui.

2 Timoti 2:17

Na sasani vaga ara naua igira, e vaga saikesa nogo kesa tuqana vora loki e ganiligia na velesina tinoni. Kaira nogo a Himenaeus ma Piletus, kaira nogo ara ka saniginigira na tinoni na omea vaga gira.

Mika 4:1

Me kesa tana tagu i muri bâ, maia na Vungavunga Sion i tana e tû nina Vale Tabu na Taovia, sauba ke dato liuliu bâ, me ke katsi liusigira na vungavunga sui. Migira na puku danga sauba kara kalemaia moa aia,

Mika 3:3

mamu ganigira. Amu paloligia na kokoraqira, mamu kutsigira na suliqira, mamu pari kutikutia na lakaqira vaga moa ti na omea gana na mani kukiana.

Jeremia 19:9

Mi kalina igira na gala kara mai na bokiana na Jerusalem, me sauba kara totupoli poponoa na verabau ia. Migira na tinonina sauba kara gini rota na vitoa, ma kara gania na daleqira segeni, ma na koniqira goto gaqira verakolu.’ ”

Nina Papi A Job 16:8

Igoe nogoria o molo galaqu inau mau gini qarosaga mau suli lê, migira na kulaqu ara reia igoe o nauvaganana vaniau ia, mara padâ laka igoe o kedeau tana rongona au tsutsukibo.

Josua 24:27

Me tsarivanigira na toga sui, “Na vatu nogo iani sauba ke lia nida rongovata igita, rongona aia nogo e rongomigira pipi sui na tsaqina goko na Taovia e tsarinogoa vanigita. Maia nogo sauba ke katelivanigamu gana kamu gini tau goto petsakoe mangana nimui God.”

Tuturigana 49:1

Ma Jakob e soasaigira na dalena mane sui me tsarivanigira, “Kamu mai tupolipoliau, minau kau katevulagi vanigamu na omea sauba ke laba vanigamu tana tagu ke mai i muri.

Tuturigana 31:52

I karani sui na tsupu na vatu ma na vatu papadana kara totu ngiti padapada vanikaita. Inau sauba e utu saikesa vaniau kau liusia na tsupu na vatu iani ma kau baginigo igoe, me vaga goto igoe, ko laka goto na liusiana na vatu papadana iani mo ko maiginiau inau.

Na Katemai 17:16

Migira na sangavulu kakatsana igoe o reigira, igira nogoria kolugotoa na omea atsi loki, sauba kara reisavia na rebi ia; me sauba kara lauligi tania pipi nina omea sui e tamanina, ma kara moloa ke totu malaiole lee; me sauba kara gania na lakana, ma kara kodoa tana lake.

Tuturigana 31:48

Maia Laban e tsarivania a Jakob, “Na tsupu na vatu iani sauba ke ngiti papada vanikaita.” Aia nogo na rongona ti na nauna ia ara soaginia i Galeed.

Aqoaqo 2:17

‘Ia nogo ke vaga na omea sauba kau naua tana susuina na dani, God e tsaria: Sauba kau molo baa niqu Tarunga vanigira na tinoni sui. Migira sui na dalemui, na mane ma na daki, sauba kara turupatuna niqu goko; ma nimui borau sauba kara reia na omea ke laba malemale vanigira, migira nimui tinoni loki, sauba kara bolea na bolebole.