Iakobo 5:2 - Ghari

² Nimui omea dangadanga ara mabulu lee nogo, migira na mosu ara ganigira sui nogo na polomui.

Iakobo 5:2 Referans Kwoze

Nina Papi A Job 13:28

Igami na tinoni ami dona kami tavusa vaga moa na kubu tolatola, ma kami nguta lê vaga moa na polo kalina e gania na mosu.”

Luka 12:33

Kamu tsabirigira nimui omea levolevo, ma kamu tuvairiilea na matena vanigira na tinoni ara tau tamanina sa omea. Migamu, kamu gini boe moa na tamaniana na vatana na qolo e voo ke pura, aia nogo na peluina nimui aqo galuve e totu pitugamu i baragata, i tana e voo ke nanga lee, me utu ke sage na tinoni komikomi, me utu goto ke gania na ane.

Isaia 50:9

?Me ti vaga na Taovia God nogo e sogogaqu, masei nomoa tangomana ke sauvulagia laka inau au sasi? Igira sui lakalaka ara gokogaqu sauba kara nangaligi lê, vaga moa na polo e gani suia na ripe.

Isaia 51:8

rongona na tinoni vaga gira sauba kara nangaligi lê vaga moa na polo e ganisuia na ripe. Minau moa e utu ke sui niqu aqo na laumaurisi tinoni, niqu tangomana sauba ke totu saviliu.”

1 Petero 1:4

Migita a gini amesi sosongolia laka ka tamanigira na omea dou putsikae, aia na omea God e mololaka vanigira nina tinoni tana verana i gotu. I tana e utu kara ratsa lee, se kara tola lee, se kara nangaligi lee.

Jeremia 17:11

Na tinoni e adiqolo tana peqo, aia e vaga moa na manu e botsaligira na toluna aia e tau vasugira. Ma nina omea tatamani sui sauba ke nangaligira lê kalina e tinoni vaolu moa, mi tana susuina migira na tinoni kara soaginia na bule manana.

Linge 39:11

Igoe o kedea na tinoni matena nina sasi tana taimatana, mo sekoligira nina omea levolevo aia e padalokigira sosongo, vaga moa ti ke ganigira na mosu. !Manana saikesa nomoa, na tinoni aia e vaga lê moa kesa na guguvina tetelo lê na guguri!

Hosea 5:12

Me vaga ia, minau sauba kau alomaia na toroutsa ke gadovigira na tinoni sui tana Israel ma na Juda.

Iakobo 2:2

Reia, ti vaga kara ka sagemai ruka na mane i laona nimui gokosai. Kesa e tamanina na omea danga, ma na ringi qolu tana kakauna, me sagelia na polo dou saikesa. Maia kesa e tau saikesa tamanina sa omea, me sagelia moa na polo tataratsi lee.