Iakobo 5:11 - Ghari

¹¹ Eo, igita a tsonikaegira na propete rongona ara berengiti tsau tana mate. Igamu amu rongominogoa na turupatuna nina berengiti loki a Job. Mamu dona goto laka na Taovia e tusuvisu vania danga baa nina omea tana susuina. Rongona e dou na Taovia me dona sosongo na galuve.

Iakobo 5:11 Referans Kwoze

Iakobo 1:12

Ke mage aia na tinoni e dona na tukakai kalina na tabotabo e tovo lea. Rongona kalina ti aia ke tangomana na putsi taniana na tovo ia, me sauba God ke sauvania na peluna na maurilaka vaga aia e vekenogoa vanigira igira sui ara galuvea.

Binaboli 34:6

Mi muri ma na Taovia e liuputsimai i matana a Moses me gokodato me tsaria, “Inau na Taovia inau nogo na God na galuve ma na tobalaka, mau tau dona na kore tsaku, mau dona moa na galuve sosongoliaqira na tinoni, mau totu kalavata i koniqira.

Mateo 10:22

Igira sui sauba kara reisavigamu igamu tana rongoqu inau. Masei moa ti ke tukakai poi ke tsau tana susuina, aia moa sauba ke mauri.

2 Petero 2:9

Ma na Taovia, aia e dona ke maurisigira nina tinoni dou tania niqira rota, maia e dona goto ke tangoligira kakai tana rota igira na tinoni seko pitua na Dani na Pede Loki.

Linge 86:15

Migoe Taovia o tobalaka sosongo mo God na galuve, mo berengiti sailagi mo mana saviliu.

Nina Papi A Job 2:10

Me gokovisu a Job me tsarivania. “!O goko bubulega moa igoe! Kalina God e sauvanigita na omea dou, migita a gini mage na adiana. ?Megua igita ti ka vaitsarigana kalina aia e molovanigita na rota?” Me atsa moa ti na rota loki sui ara gadovia a Job, maia e tau goto tsonia sa tsaqina goko seko ke kalea God.

1 Petero 1:13

Baa, me ti ke vaga ia, migamu nimui aqo ti kamu manogatia nimui papada gana na muridouana nina kili God. Kamu mamata, ma kamu kalavatavi saikesalia nimui amesi tana omea loki God sauba ke tusuvanigamu tana Dani i tana ke visumaitugua a Iesu Kristo.

Luka 6:36

Kamu vaigaluvegi vaga nogo God na Tamamui aia e galuvegamu.

Tangitangi 3:22

Nina galuve vo oli na Taovia e utu ke sui, ma nina tobalaka vanigita e tau goto kuti,

Linge 103:8

Na Taovia e doulaka me dona sosongo na galuve, e kisa rago na kore me totu saviliu nina galuve vo oli.

Tsoko Tinoni 14:18

‘Inau na Taovia, au tau dona na kore tsaku, mau sauvulagia na galuve loki ma na tobalaka vanigira na tinoni, mau padalea niqira sasi ma niqira tobaseko vaniau. Me atsa moa au vaga, me utu kau tau kedegira na daleqira ma na kukuaqira tsau tana tolunina ma na vatinina na vatavata na vasusu dato, tana rongona nogo niqira sasi igira na tamaga ma na tinaga.’

Hibru 10:39

Migita a tau vaga igira na tinoni ara pilovisu tania God, mara baa tana rota saliu. Tagara. Igita a tutunina, migita a gini mauri tanusi nogo tanigira nida sasi.

Hibru 3:14

Rongona ti vaga igita ka totu kakai babaa tana tutuni igita a tamanina tana idana poi ke tsau tana mate, me sauba igita sui ka tamanina pata kolua a Iesu Kristo tana omea sui aia e tamanina.

Epesus 2:4

Ma God e tobalaka sosongo, me galuve sosongoligita.

Mika 7:18

Me tagara goto sa god ke vaga igoe Taovia; igoe o padale vanigira niqira sasi nimu tinoni igira ara kauvisu. Mo tau goto dona na tangoli okaana nimu kore, mo gini mage moa na sauvulagi vaniamami nimu galuve vo oli.

1 Turupatu Dato 21:13

Ma David e tsarivania a Gad, “!Inau e ponopala saikesa tobaqu! Mau tau moa ngaoa igira na tinoni lê kara kedeau. Molovania moa na Taovia aia segeni nogo ke kedeau, rongona aia moa e dona sosongo na galuve.”

Hibru 3:6

Ma Iesu Kristo, aia na Dalena manana God, maia e naudou sosongolia nina aqo na reitutuguana na valena God. Migita nogoria a vaga kesa nina vale God, ti vaga igita ka tukakai tana nida tutuni, ma ka noru saikesalia laka tana susuina sauba ka adia na omea igita amesia i konina.

Epesus 1:6

!Igita sui ka tsonikaea God rongona nina vangalaka tsapakae, e tusulea vanigita i laona na Dalena galugaluve!

Roma 2:4

?Se ngatsu amu peaa nina galuve ma nina berengiti loki God kolugamu, e gini pitugamu poi tsau kamu pilotoba?

Luka 1:50

aia e saua nina galuve vanigira ara kukuni tania, igira sui na vatavata ma na vatavata.

Jona 4:2

Me tsaria, “?Taovia, laka inau au tau tsarivanigo nogo tana idana kalina au tau vati mololea i veraqu, laka aia saikesa nogo na omea igoe sauba ko naua? !Aia nogoria na rongona ti au gini tovokakaia kau tsogovano i Spain! Inau au donagininogoa laka igoe na God na galuve, mo galuve sosongoligira na tinoni sui. O berengiti na kore, mo dona sosongo na galuve tinoni, ma na oliana nimu papada ma na tau kede tinoni.

Joel 2:13

Nimui tobamelu nogo ke sauvulagia laka amu padasavigira nimui sasi, me tau tana ratsiana lê moa na polomui.” Kamu visumaitugua i konina na Taovia nimui God. Aia e tobalaka saikesa, me dona moa na galuve. Aia e dona sosongo goto na berengiti, me manaligira pipi sui nina veke, me totu vangarau sailagi gana na padaleaqira na sasi, me tau gana na kede tinoni.

Isaia 63:9

tania niqira totu rota. Me tau goto molo bâ sa nina angelo ke laumaurisigira, tagara, tana nina galuve ma nina tobalaka loki aia segenina nogo na Taovia e tû me laumaurisigira. Maia nogo e reitutugugira tu mai nogo i sau.

Isaia 63:7

Inau sauba kau turupatuna tana rongona nina galuve vo oli na Taovia, ma kau tsonikaea rongona na omea dou sui aia e naua vanigita. Tana nina tobalaka ma nina galuve vo oli, aia e vangalaka loki vanigira na tinoni ni Israel.

Sasani Sasaga 7:8

Na susuina kesa na omea e dou liusia bâ na tuturigana. Ma na berengiti e dou liusia bâ na kaekae.

Linge 119:132

Ko pilomai i koniqu mo ko galuveau, vaga nogo igoe o nauvanigira igira sui ara galuvego.

Linge 116:5

Na Taovia e doulaka me mana saviliu. Eo, nida God igita e dona sosongo na galuve tinoni.

Linge 103:13

Me vaga na tamaqira na baka e galuvegira na dalena, me vaga goto na Taovia e galuvegira igira sui ara kukuni tania.

Linge 94:12

!Taovia, e dou sosongo vania na tinoni igoe o totosasaga vania, maia igoe o sasaniginia na muriana nimu ketsa!

Linge 86:5

Igoe o dou sosongo vanigami, mo padalegira moa nimami sasi, me loki sosongo nomoa nimu galuve vo oli vanigira sui ara nongigo.

Linge 78:38

Ma God aia e galuvegira nomoa nina tinoni. Me padale vanigira niqira sasi me tau kede sekoligira. Me danga sosongo kalina aia e berengiti kolugira me tangolivisutugua na korena me tau kore vanigira.

Linge 37:37

Reia kesa na tinoni dou, morosia kesa aia e gotolaka nina sasaga; aia segeni moa e totu tana rago kolugira na tinoni tavosi mara danga na kukuana.

Nina Papi A Job 23:10

Maia God e donaginigira sui pipi niqu tsakutua; me ti vaga aia ke tovoleau, me sauba nomoa ke tsodovulagia laka au totu male saviliu moa.

Nina Papi A Job 1:2

Mara tu vitu na dalena mane mara tu tolu na dalena daki.

Nehemia 9:17

Eo, ara sove saikesa na rongomangamu; mara padalegira na omea sui igoe o naua; mara padalegira goto na valatsatsa loki o aqosia gana ko sangagira. Mi tana niqira kaekae nogo igira te ara tû mara vilia kesa gaqira ida ke adivisugira tugua i Ejipt tana ara totu tseka tana idana. Migoe na God o dona na padaleaqira na sasi ara naua igira na tinoni, o dou laka mo dona sosongo na galuve, mo kisa lê na kore. Nimu galuve e loki sosongo me vô sui; mo tau tsonikidaqira saikesa na mumuamami.

2 Turupatu Dato 30:9

Me ti vaga igamu kamu pilovisutugua konina na Taovia, mi tana ti igira ara aditsekagira na kamamui sauba kara galuvegira ma kara tamivanigira kara visutugua i veraqira. Na Taovia nimui God aia e doulaka me dona sosongo na galuve, me ti vaga igamu kamu pilovisutugua i konina ia, maia sauba ke tabegamu tugua.”

Daniel 9:9

Migoe o galuve sosongoligami nomoa mo padalegira nimami sasi, atsa moa ti igami ami piloligi nogo tanigo.

Linge 145:8

Na Taovia e doulaka, me dona sosongo na galuve, e kisâ rago na kore me totu saviliu nina galuve vo oli.

Linge 51:1

Ko galuveau Taovia niqu God tana nimu galuve vo oli. !Tana rongona nogo nimu galuve loki ko veoligigira niqu sasi!

Nehemia 9:31

Me loki sosongo moa nimu galuve vanigira, te o tau tsonikidaqira se ko matesiligigira, rongona igoe God o tobalaka mo galuve sosongoligira.

Nina Papi A Job 1:1

Kesa dani me totu kesa na mane a Job na asana, aia e totu tana vera ni Us. Aia e mane dou sosongo, me totu parovata dou me tau goto naua sa omea ke sasi. Me samasama sailagi moa vania God, me muridougira pipi sui nina goko.

Iakobo 1:2

Tasiqu gamu, kamu gini mage moa kalina ti vaga kara gadovigamu pipi na vatana na tabotabo,

1 Petero 3:14

Me atsa moa ti vaga kara rotasigamu lee rongona e goto nimui sasaga, me dou baa ti kamu gini magemage moa tana tagu vaga ia. Kamu laka na mataguniana kesa tinoni, ma kamu laka na gini boe sa omea.

Luka 11:10

rongona pipi sei ti ke nongia sauba ke adia, masei moa ti ke lalavea sauba ke reivulagia, ma na bani sauba kara sangavi vania asei moa ti ke kidikidi.