Iakobo 4:6 - Ghari

⁶ Eo, ma God e vangalaka sosongo goto baa vanigita. Me vaga nogo ara marea tana Mamare Tabu mara tsaria, “God e tukapusigira na kaekae, me vangalaka vanigira ara palatsuna.”

Iakobo 4:6 Referans Kwoze

Mateo 23:12

Masei ti vaga ke molokae segenina, sauba God ke molotsunalia. Masei ti vaga ke molotsuna segenina, sauba God ke molokaea.

Goko Tabana 3:34

Aia e reisavigira igira ara padaloki segeniqira, me tobalaka vanigira igira ara totu palatsuna.

1 Petero 5:5

Migamu na tinoni vaolu nimui aqo kamu nauvaganana goto. Kamu rongomangaqira na tinoni loki. Migamu sui kolu, na tinoni loki ma na tinoni vaolu, kamu dona na palatsuna, ma kamu vaisangagi igamu ruka tabana. Rongona ara katevulaginogoa tana Mamare Tabu laka “God e tukapusigira na kaekae, me vangalaka vanigira ara palatsuna.”

Goko Tabana 18:12

E utu goto kara kukuni tania kesa tinoni e tau dona na totu palatsuna; maia na tinoni vanga koesegeni e mumuria moa na sautu gana na toroutsa.

Linge 138:6

E atsa moa ti igoe o paladato bâ i gotu vasau, migoe o arago sosongoligira nomoa igira ara totu palatsuna, migira ara kaekae e tau tangomana vanigira kara taopoi tanigo igoe.

Goko Tabana 29:23

Na tinoni e koesegenina moa sauba ke totu palatsuna, ma na tinoni e totu palatsuna sauba kara padalokia.

Goko Tabana 22:4

Ko kukuni tania na Taovia, mo ko totu palatsuna, migoe sauba ko tamanina danga na omea, ma kara padalokigo na tinoni tavosi, me sauba ko mauri oka.

Luka 14:11

Na rongona asei ti ke molokae segenina, sauba kara molotsunaa, masei ti ke molotsuna segenina, sauba kara molokaea.”

Isaia 2:17

Niqira kaekae na tinoni ma niqira padaloki segeniqira sauba kara sui lê. Ma na titinonina niqira god peropero sauba kara nangaligi lê saikesa, ma na Taovia segeni moa sauba kara tsonikaea tana tagu ia.

Nina Papi A Job 22:29

Igoe o dona nogo laka God e dona ke molotsunaligira na vanga kaekae me ke molokaegira igira ara totu palatsuna.

Luka 18:14

Minau kau tsarivanigamu, aia moa na mane aditakesi, me tau na Parisii, aia e goto sasagana kolua God kalina aia e visu i verana. Na rongona ti asei ke molokae segenina, sauba God ke molotsunaa, masei ti ke molotsuna segenina, sauba God ke molokaea.”

Daniel 4:37

“Mi kalina ia, minau a Nebukadnesar au tsonikaea, mau pada mamavasia, mau soalokia, na Taovia Tsapakae ni Baragata. Me pipi sui na omea aia e naua e dou me goto, maia e dona ke molotsunâ asei moa e ngaoa laka ke molokae segenina.”

Isaia 57:15

“Inau nogo na God tabu loki mau totu saviliu. Inau au totu i gotu vasau tana nauna tabu, mau totu goto i laoqira na tinoni ara totu palatsuna mara padasavia niqira sasi, gana kau kakaisia na tobaqira, ma kara gini mauri doutugua.

Luka 1:52

Me molotsunaligira tania niqira sasana na totukae igira na taovia susuliga, me molokaegira igira ara palatsuna.

Goko Tabana 15:33

Na kukuni taniana na Taovia aia nogo na sautuna na sasaga loki. Ma nimu aqo nogo igoe ko totu palatsuna, ti vaga o ngaoa na tinoni kara padalokigo.

2 Turupatu Dato 33:12

Mi tana nina rota loki aia e molotsunali segenina, me pilo bâ i konina na Taovia nina God, me nongia ke sangâ.

1 Samuel 2:3

Ko laka goto na tsonikae segenimu; ke mui lê na mangamu na tsoniana na goko kaekae. Rongona na Taovia aia na God e donaginigira na omea sui, maia nogo e pedegira pipi na omea sui ara naua igira na tinoni.

2 Turupatu Dato 34:27

mo gini padasavi sosongo nogo, mo molotsunali segenimu i mataqu inau, mo ratsivotâ na polomu mo ngangai kalina igoe o rongomia laka sauba kau kede koeguania inau na Jerusalem migira na tinoni i laona. Minau au rongominogoa nimu nonginongi,

2 Turupatu Dato 32:26

Mi tana susuina ti aia Hesekia migira na tinoni ni Jerusalem ara molotsunali segeniqira, maia na Taovia e tau nogo kedegira na tinoni poi tsau murina na mateana a Hesekia.

Mateo 13:12

Au tsarivanigamu, ti vaga kesa ke tamanina ke danga nogo, me sauba kara pabo vanigotoa, maia ke gini tamanina ke danga goto baa. Me ti vaga kesa ke tagara nogo sa nina omea, me sauba kara adiligi tania tsau tana omea tetelo lee aia e tamanina.

2 Turupatu Dato 33:23

Aia e tau moa vaga na tamana, rongona e tau molotsuna segenina me ke pilo bâ i konina na Taovia; maia e sasi liuliu goto bâ liusia na tamana.

Binaboli 18:11

Mi kalina ia, inau au donaginia laka na Taovia God e loki tsapakae liusigira na god sui, rongona aia e nauvanigira na omea iani kalina igira na Ejipt ara tsogori tsunaligira sosongo na tinoni ni Israel.”

Isaia 54:7

Eo, e kesa moa tana tagu tetelo inau au tsonilego, mi kalina ia inau sauba kau adivisumaigo tugua tana galuve loki.

Linge 9:12

God e padagira moa igira ara rota; me tau goto padalea niqira ngangaidato ara nauvania, me kedegira igira ara rotasigira.

2 Turupatu Dato 33:19

Ma na gokona nina nonginongi na taovia tsapakae me koegua God e tuguvisu vania, ma na turupatuna nina sasi sui aia e naugira tana idana kalina aia e tau vati pilotoba, igira na omea tabaruga aia e naugira, migira na nauna niqira mani samasama igira na ponotoba migira na nununa na god daki ko Asera aia e aqosigira, migira goto na titinonina na god peropero aia e samasama vanigira, ara maretsunagira sui nogo tana papi ara soaginia Niqira Aqoaqo igira na Propete.

Iakobo 4:10

Kamu molotsunali segenimui i matana na Taovia, maia sauba ke sulukaegamu.