Iakobo 4:10 - Ghari

¹⁰ Kamu molotsunali segenimui i matana na Taovia, maia sauba ke sulukaegamu.

Iakobo 4:10 Referans Kwoze

Linge 147:6

Na Taovia e sulukaegira igira ara palatsuna; me tsogori rapasigira tana kao igira na vanga tsutsukibo.

Mateo 23:12

Masei ti vaga ke molokae segenina, sauba God ke molotsunalia. Masei ti vaga ke molotsuna segenina, sauba God ke molokaea.

1 Petero 5:6

Me vaga ia, ma kamu molotsunali segenimui i matana God. Maia sauba ke sulukaegamu tana tagu aia ke pedea.

Luka 14:11

Na rongona asei ti ke molokae segenina, sauba kara molotsunaa, masei ti ke molotsuna segenina, sauba kara molokaea.”

Nina Papi A Job 22:29

Igoe o dona nogo laka God e dona ke molotsunaligira na vanga kaekae me ke molokaegira igira ara totu palatsuna.

Linge 113:7

E tatatuugira tania na papasa igira ara tau tamanina sa omea; me sulukaegira tania niqira rota loki igira ara kilia na sasanga,

Luka 1:52

Me molotsunaligira tania niqira sasana na totukae igira na taovia susuliga, me molokaegira igira ara palatsuna.

Luka 18:14

Minau kau tsarivanigamu, aia moa na mane aditakesi, me tau na Parisii, aia e goto sasagana kolua God kalina aia e visu i verana. Na rongona ti asei ke molokae segenina, sauba God ke molotsunaa, masei ti ke molotsuna segenina, sauba God ke molokaea.”

Linge 27:6

Me vaga ia, minau sauba kau tangomana na tuliusiaqira gaqu gala ara totu poliau. Mi tana gu loki ma na magemage, inau sauba kau savori-kodoputsa vania i laona nina Vale Tabu; me sauba kau lilinge ma kau tsonikaea na Taovia.

Linge 30:1

Au tsonikaego Taovia rongona igoe nogo o maurisiau, mo tau tamivanigira gaqu gala kara tseqo poliau.

1 Samuel 2:9

“Aia e reitutugudoua na mauriqira igira ara totukakai i konina, migira na vanga tsutsukibo ara tavongani nanga lê i laona na rodo; rongona e tagara ke kesa tangomana ke naua sa omea tana susuligana segeni.

Linge 28:9

Ko maurisigira nimu tinoni Taovia, mo ko vangalaka vanigira igira igoe o tamanigira. Ko lia gaqira reitutugu dou, mo ko aragodougira na dani ma na dani.

Binaboli 10:3

Me vaga ia, mi kaira a Moses ma Aaron ara ka vano i konina na taovia tsapakae mara ka tsarivania, “Na Taovia niqira God na Hibru e tsarivanigo, ‘?Ke oka koegua sagata goto ko sove na rongomangaqu inau? Ko tamivanigira niqu tinoni kara vano, rongona kara gini samasama vaniau.

1 Samuel 2:7

Aia nogo e naua ti igira visana ara tau tamanina sa omea, migira visana ara tamani omea danga; e molotsunaligira visana, me molokaegira visana.

2 Turupatu Dato 7:14

me ti vaga igira kara nonginongi vaniau ma kara padasavi matena niqira sasi, ma kara piloligi tanigira niqira nauseko ara lavu na nauana, mi tana ti inau sauba kau rongomigira tû i baragata, ma kau padale vanigira niqira sasi, ma kau naua me ke douvisutugua niqira kao.

Nina Papi A Job 5:11

Eo, aia God nogo e molokaegira igira ara totu palatsuna, me veregira igira ara tangitangi.

Goko Tabana 29:23

Na tinoni e koesegenina moa sauba ke totu palatsuna, ma na tinoni e totu palatsuna sauba kara padalokia.

Esekiel 21:26

Inau nogo na Taovia God au tsaria na omea iani. Me ke tû kalina ia e utu nogo ko taovia tsapakae. Ko adiligia gamu kepi taovia ma gamu porolova. Eo, inau sauba kau oligira pipi sui na omea. !Sauba kau molotsunagira igira ara tagao nogo kalina eni! !Ma kau molokaegira na sekona lê ma kara tangolia na aqotagao!