Iakobo 3:9 - Ghari

⁹ Migita a dona na gini aqo na lapida tana soadouana na Tamada i Gotu. Eo, migita a gini aqo goto tana asu vaniana kesa gada kamaga aia God e aqosia tana nununa segeni nogo aia.

Iakobo 3:9 Referans Kwoze

Linge 10:7

I laona na mangana aia e danga moa na gokoseko, na pero, ma na gorara tinoni; mi vavana na lapina e totu na goko vavanga ma na goko saisai.

Linge 62:4

Migamu amu ngaoa moa laka kamu aditsunâ tania nina sasana totukae; mamu gini mage moa na tsoniana na goko peropero. Tana mangamui lê igamu amu soadouginia, mi laona na tobamui amu vealaginia moa.

Linge 59:12

Na sasi e totu sailagi moa tana tutubena na mangaqira; pipi gira sui lakalaka niqira tsaqina goko ara tsonia ara sasi sui moa. !Migoe ko naua migira kara sogo segeni i laona niqira kaekae! Rongona nogo ara dona sosongo na vatsa seko ma na goko peropero,

Tuturigana 9:6

Inau nogo au aqosigira na tinoni tana nunuqu segeni, me vaga ia, masei ke tû me ke labumatesia kesa tinoni, me sauba na tinoni tavosi kara labumatesigotoa aia.

Aqoaqo 2:26

Me gini mage loki na tobaqu, ma na mangaqu e katevulagia niqu magemage. Minau na tinoni lee moa, mau noru saikesaligo moa igoe,

2 Samuel 19:21

Maia Abisai na dalena ko Seruia e gokodato me tsaria: “A Simei, nina aqo nomoa ke mate rongona e gokoseko vania na taovia tsapakae aia na Taovia e vilinogoa.”

Tuturigana 5:1

Iani e vaga na mamareqira igira na kukuana a Adam. Kalina God e aqosigira na tinoni, maia e aqosigira tana nununa segeni.

1 Korint 11:7

Ma na mane aia e tau kilia ke tsavua na lovana, rongona God nogo e aqosiginia na mane tana nununa segeni nogo aia, me gini dou i matana. Ma na daki, aia gana inilau na mane.

Roma 3:14

mara tau kuti na vealagini tinoni pipi kalina moa.

Mateo 26:74

Ma Petero e tsaria, “!Au vatsa laka inau au goko mana! !Ma God ke kedeau ti vaga au pero! !Inau au tau saikesa donaginia na mane ia!” Mi tana tagu tsotsodo ia, me tangi na kokoroko.

Mateo 5:44

Eo, mi kalina ia, inau au tsarivanigamu: kamu galuvegira igira ara reisavigamu, ma kamu nonginongi vanigira igira ara rotasigamu.

Isaia 29:13

Ma na Taovia e tsaria, “Na tinoni girani ara tsaria laka ara samasama vaniau inau, me kobakoba lê moa niqira tsaqina goko, ma na papadaqira ma na kosuqira ara totu sa nauna segeni. Ara tau saikesa dona na lotu dou vaniaqu, mara ba taonigira moa na vali ma na ketsa ara moloa igira na tinoni lê, me lavu lê moa na mangaqira na tsaritugutuguana.

Sasani Sasaga 7:22

migoe o dona segenimu nogo laka igoe goto o goko peagira na tinoni tavosi danga kalina.

Linge 108:1

!Inau au noru saikesaligo moa niqu God! !Me sauba kau linge ma kau tsonikaego! !Mamata igoe na tidaoqu!

Linge 71:24

Eo, tana dani popono inau sauba kau gini turupatuna tana rongona nimu gotolaka tsapakae igoe, rongona igira ara tovoa laka kara sekoliau inau e tau lelê managaqira me paluvangamaqira lê.

Linge 63:4

Sauba kau tau kuti na soadouamu tana mauriqu popono, ma kau abedato vanigo na limaqu tana nonginongi.

Linge 57:8

!Mamata igoe na tidaoqu! !Mamata goto kagamu niqu itai tatangi ma niqu tuqulu! Minau sauba kau galisigotoa na aso.

Linge 51:14

Ko gaea na mauriqu igoe niqu God, mo ko maurisiau, me sauba inau kau gini mage na katevulagiana laka igoe nogo o gotolaka saikesa.

Linge 35:28

Mi tana nogo ti sauba inau kau katevulagia laka igoe Taovia o gotolaka, ma kau tsonikaego sailagi na dani popono.

Linge 34:1

Inau sauba kau soadou sailaginia na Taovia; ma na mangaqu sauba ke tau goto kuti na tsonikaeana.

Linge 30:12

Vaga ia, me sauba e utu saikesa vaniau kau totu mui lê; sauba nomoa kau linge ma kau tsonikaego igoe. Taovia igoe nogo niqu God, me sauba kau soadougo na dani ma na dani.

Linge 16:9

Maia nogoria na rongona ti e gini dou sosongo na tobaqu mau gini magemage, mau totu raviravi dou i konimu igoe.

1 Turupatu Dato 29:20

Mi muri, ma David e ketsaligira na toga me tsaria, “!Igamu sui kamu tsonikaea na Taovia nimui God!” Mi tana, migira sui lakalaka na toga ara saikolu i tana ara tsonikaea na Taovia niqira God na mumuaqira, mara tao tsuporu i matana na Taovia mi matana goto na taovia tsapakae.

1 Turupatu Dato 29:10

Mi mataqira na toga sui ara saikolu i tana, a David na taovia tsapakae e tsonikaea na Taovia. Maia e tsaria, “!Igoe na Taovia nina God a Jakob na mumuamami, e ulagana kami tsonikae sailaginigo na dani ma na dani!

2 Samuel 16:5

Mi kalina a David na taovia tsapakae e ba tsau i Bahurim, mi tana, ma Simei kesa na kamana a Saul ma na dalena a Gera e mai valalea, me tsonigira danga na gokoseko vania a David kalina aia e maimai moa i sautu.

Tinoni Pede 9:27

Mi tana tagu na pipitsu migira sui ara vano tana niqira uta na uaeni mara pitsugira na vuana, mara tsogori rapasigira gana ke lia na uaeni na inu. Mara sage i laona nina vale niqira god, mi tana ara mutsa mara inu mara gilugana a Abimelek.

Epesus 1:3

Igita ka soadoua God na Tamana nida Taovia Iesu Kristo. Rongona aia e vangalaka sosongo vanigita i laona nida mauripata koluana a Iesu Kristo, me tusuvanigita pipi sui na vangalaka ni gotu.

Linge 145:21

Minau sauba kau tau kuti na tsonikaeana na Taovia; migira sui lakalaka goto na omea vovola kara tsonikaea na asana tabu na dani ma na dani.

Linge 145:1

Sauba kau tsonikaego sailagi igoe niqu God ma niqu taovia tsapakae; ma kau soadougo na dani ma na dani.

1 Petero 1:3

!Igita ka soadoua God na Tamana a Iesu Kristo nida Taovia! Rongona tana nina galuve loki vanigita ti aia e sauvanigita na mauri vaolu, kalina aia e maurisivisua a Iesu Kristo tania na mate. Aia nogo na rongona te e gini dato varimauri na amesi i tobada.

Iakobo 1:27

Ma na vatana na lotu vaga e dou i matana God Tamana e vaga iani: ka reitutugugira na daki tinamate kolu daleqira, ma ka tabegira tana niqira rota, ma ka aragovisu segenida ke tau savunigita na lavu seko ni barangengo.

Iakobo 3:10

Na tsaqina goko na soadouana God, ma na goko na asu vaniana na tinoni, kaira sui ara ka rutsumai talu i laona kesa moa na manga. !Tasiqu gamu, e tau saikesa ulagana ke laba na omea vaga ia!