Hosea 9:11 - Ghari

¹¹ Gana tangirongo na Israel sauba ke lovoligi vaga kesa na manu, me sauba ke tau goto botsa sa daleqira, se ke tiana sa daki, se ke kau na dalena i laona tobana.

Hosea 9:11 Referans Kwoze

Hosea 10:5

Igira na tinoni ara totu tana verabau ni Samaria, sauba kara matagu ma kara ngangaisia na buluka qolumila ni Betel. Igira kolugira na manetabu ara aqo vania na god peropero ia, sauba kara tangitangi kalina kara lasiligia na qolumila angaanga i konina.

Hosea 9:14

?Ma na omea gua goto sauba kau nongigo ko naua vanigira na tinoni girani? !Ko naua migira sui niqira daki kara totu mamane! !Migira ara tamani daleqira ko naua ma kara tau goto tangomana na tsutsuaqira!”

Hosea 4:7

“Igamu na manetabu e pabo babâ na dangamui, me gini pabo babâ goto na dangana na sasi amu nauvaniau inau. Igira na tinoni ara padalokigamu kalina ia, eo, minau sauba kau paluvangamamui.

Na Vaolusi Ketsa 28:18

“Na Taovia sauba ke vealaginigamu me ke tau danga na dalemui, me ke tau dou nimui omea tsukatsuka, ma kara tau danga nimui buluka ma nimui sipi.

Luka 23:29

Rongona e varangi nogo kara laba na dani na rota loki, i tana igira na tinoni sauba kara tsaria, ‘!Eo kiki, e dou baa vanigira igira ara tau tamani baka, mara tau goto vasu daleqira, mara tau goto tsutsugira!’

Amos 1:13

Na Taovia e tsaria, “Igira na tinoni ni Amon ara sasi babâ moa, mi tana rongona ara nauvaganana ia, ti inau sauba nomoa kau kedegira. Mi tana niqira vailabu gana na lauana goto visana na butona kao, igira ara toba ovatigira goto na daki titiana ni Gilead.

Sasani Sasaga 6:3

Me ti vaga kesa tinoni ke tamanina kesa sangatu na dalena maia ke mauri okaoka, me atsa moa ke mauri oka koegua, me ti ke tau dona na mage i laona na maurina, ma kara tau qiludoua kalina ke mate, mi tana, minau au tsaria laka kesa na baka aia e mate nogo i tobana tinana te e botsa e dou liusia bâ na tinoni vaga ia.

Linge 58:8

Kara nanga lê vaga moa na kena e nanga lê kalina e molo bangona tana kao. Ma kara vaga goto kesa na baka e mate nogo i laona na tobana tinana, maia e tau lelê goto reilakana na aso.

Nina Papi A Job 18:5

“Nina laeti kesa tinoni vanga tsutsukibo sauba moa kara uvi matesia; me utu goto ke irutugua,

Na Vaolusi Ketsa 33:17

A Josep e susuliga vaga kesa na buluka mane, ma na kakatsana ara vaga na kakatsana kesa na buluka atsi. Igira na toga tana puku konina a Manase ara vaga nogo kesa na kakatsana, migira na sangavulu toga tana puku konina a Epraim ara vaga kesa goto na kakatsana. Me gini kaira na kakatsana karani, aia e sokamuginigira na puku tavosi sui, me takuviginigira tsau bâ tana vovosana na barangengo.”

Tuturigana 49:22

“A Josep e vaga kesa na asi atsi liligina na vuravura, Me vaga na dalena asi atsi tana tetena.

Tuturigana 41:52

Maia e tsarigotoa, “God e sauvaniau na dalequ tana kaona niqu rota”; te aia e soaginia na rukanina dalena mane a Epraim.

Isaia 17:3

Na gala sauba kara toroutsanigira goto pipi sui na verabau tana Israel ara poliginia na vatu, ma kara tangoligotoa na Damaskus. Migira na Siria ara matepitsa tana tagu ia, sauba kara totu moa tana vangamâ vaga nogo igira na tinoni ni Israel. Inau nogo na Taovia Susuliga Sosongo au tsaria na omea iani.”

Hosea 5:9

Na danina na kede e maimai nogo, ma na Israel sauba ke toroutsa. !Tinoni ni Israel, na omea iani sauba manana nomoa ke laba vanigamu!

2 Samuel 6:23

Maia ko Mikal na dalena a Saul e tau goto tamani sa dalena tsau kalina e mate.