Hosea 7:15 - Ghari

¹⁵ Me atsa moa ti inau nogo au kutigira, mau naua mara gini susuliga, migira ara vorogokona moa na omea seko vaniau.

Hosea 7:15 Referans Kwoze

Nahum 1:9

?Migamu na gala, nagua amu gini vorogokona na nauvaniana na Taovia? !Kamu parovata! Aia nogo sauba ke matesiligigamu igamu. Me tau goto tangomana ke kesa ke petsakoe mangana ke ruka kalina.

Na Katemai 3:19

Inau au dona kau totosasaga vanigira, ma kau kedegira igira sui au galuvegira. Vaga ia, ma kamu madodo ma kamu piloligi tanigira nimui sasi.

Hibru 12:5

?Me laka amu padalenogoa na tsaqina goko tana Mamare Tabu, i tana God e kakaisiginigamu vaga nogo na dalena? I tana aia e tsarivaganana, “Dalequ, ko laka na qisi kalina ke totosasaga vanigo na Taovia. Mo ko laka goto na gini melu kalina aia ke kedego.

2 Korint 10:5

mami vui pukaligira pipi sui na bara igira na tinoni kaekae ara vaturia, mara utusiginigira igira ara ngaoa kara donaginia God. Mami tovoa kami piloa na tobaqira na tinoni tania niqira sautu sasi, ma kara tsarimurina a Iesu Kristo.

Roma 1:21

Eo, ara donaginiragoa God, mara tau moa kukuni tania vaga e ulagana, mara tau lelee soadoua goto. Niqira sasaga e vaga saikesa na tinoni e tau tamani sasagana. E kobakoba lee na lovaqira mara totu moa tana rodo.

Aqoaqo 4:25

Igoe goto nogo o gokoginia na mangana na mumuamami a David, aia nimu mane adigoko igoe, kalina na Tarunga Tabu e mararasia, maia e tsaria na goko vaga iani, ‘?Matena gua ara gini kore loki igira na tinoni ni veratavosi, me matena gua na tinoni girani ara vorolea gana mate na Taovia?

Jeremia 17:9

“?Asei nomoa tangomana ke padagadovia na tobana tinoni? Aia e dona sosongo na valovalo. E seko sosongo manana, me utu goto ke dou visutugua.

Goko Tabana 3:11

Dalequ, kalina na Taovia ke totosasaga vanigo, ko rongomi vatavidoua, vaga na parovata vanigo.

Linge 94:12

!Taovia, e dou sosongo vania na tinoni igoe o totosasaga vania, maia igoe o sasaniginia na muriana nimu ketsa!

Linge 62:3

?Sauba ke oka koegua sagata igamu kamu tsipu bâ i konina kesa ma kamu tsoni pukalia, vaga moa ti aia e kesa na bara tolatola lê?

Linge 2:1

?Rongona gua ti igira na puku tavosi sui ara vorogokona sai na kore loki? ?Egua vaga ti igira na toga ara naua niqira vorogoko tagara rongona lê?

Nina Papi A Job 5:17

“!Ke mage aia na tinoni God e totosasaga vania! Me vaga ia, migoe ko laka na gini momosatoba kalina God Susuliga Sosongo ke totosasaga vanigo.

2 Taovia Tsapakae 13:23

ma na Taovia e tobadou nomoa vanigira na Israel me galuvegira. Me tau moa tamivanigira na Siria kara toroutsanigira, maia e sangagira moa tana rongona na vaitasogi aia e naunogoa kolutugira a Abraham ma Isaak ma Jakob. Aia e tau lelê goto padalegira nina tinoni.

2 Taovia Tsapakae 13:5

Maia na Taovia e tû, me molovanigira na Israel kesa gaqira ida susuliga, maia nogo e maurisigira tanigira na Siria. Me vaga ia, ti igira na Israel ara gini totu dou rago tugua tana veraqira, vaga saikesa nogo ara totu tana idana.

Linge 140:2

Igira ara vorogokona sailagi moa na nauana na omea seko, mara tsaikore sailagi.

Hosea 13:9

“!Tinoni ni Israel, inau sauba kau matesiligigamu sui! ?Mi kalina kau nauvaganana ia masei nomoa tangomana ke sangagamu?