Hosea 6:7 - Ghari

⁷ “Mi kalina tsotsodo ara sage bâ tana kao i Adam, igira ara kutsia niqira tabana na vaitasogi au naua kolugira.

Hosea 6:7 Referans Kwoze

Hosea 8:1

Na Taovia e tsaria, “!Uvia na tavuli! !Igira na gala ara ala tsunamai tana niqu kao vaga moa na manuloki! Igira niqu tinoni ara tau manalia niqira tabana na vaitasogi inau au naua kolugira, mara sove na muriana niqu ketsa.

Hosea 5:7

Igira ara tau nogo totukakai i konina na Taovia, migira na daleqira ara tau nogo nina tamani aia. Me vaga ia, me utu ke oka migira, ma niqira kao popono, sauba kara toroutsa sui.

Nina Papi A Job 31:33

“Igira na tinoni tavosi ara tovoa laka kara tiapoia na sasi ara naua, minau e utu saikesa kau tiapoia na omea seko au tsukia.

Tuturigana 3:11

Ma God e veisuâ, “?Masei e tsarivanigo laka o malaiole? ?Laka igoe o gania na vuana gai inau au valivanigo na ganiana?”

2 Taovia Tsapakae 17:15

Mara sove na muriaqira nina totokoe, mara tau goto manalia niqira tabana na vaitasogi aia e naua kolugira na mumuaqira, mara pea saikesalia nina goko parovata. Ara samasama vanigira na god peropero, mara gini lia na tinoni peropero, mara murigira moa niqira lavu igira na puku tinoni tavosi ara totu poligira, mara petsakoe mara tau muria nina ketsa na Taovia kara laka na reinunu i koniqira igira.

Tuturigana 3:6

Ma na daki e morosi bâ na gai laka e rereidou sosongo me laka ke dou sosongo nomoa ti vaga na ganiana na vuana, me padâ laka ke dou sosongo goto ti vaga aia ke sasaga loki bâ. Te aia e tû me pitsugira visana na vuana me gania. Mi muri, maia e tusugira bâ visana na vuana vania na savana, maia goto e gania.

Hibru 8:9

Me sauba ke tau vaga na taso au naunogoa kolugira na mumuaqira i sau, tana dani au tangolia na limaqira, mau tudumigira tania na vera ni Ejipt. Migira ara tau lelee goto manalia niqira tabana na vaitasogi au naukolugira, aia nogoria na rongona ti inau au tau goto gini boeginigira.

Jeremia 31:32

Me sauba ke tau atsa kolua aia na taso ni oka au naua kolugira nogo na mumuaqira i sau, kalina au tudumiligigira tania i Ejipt. Me atsa moa ti inau au vaga na savaqira igira, migira ara tau saikesa manalia niqira tabana na vaitasogi ia.

Jeremia 5:11

Igira na tinoni tana Israel ma na Juda ara sove saikesa taniau. Inau na Taovia au tsaria na omea iani.”

Jeremia 3:7

Inau au padâ laka i murina kalina Israel ke naugira sui na omea girani, maia ke visumaitugua i koniqu. Maia e tau goto visumai, ma Juda na tasina, aia goto e tau totukakai i koniqu, e morosia na omea sui aia e naua.

Isaia 48:8

Minau au dona nogo laka e utu kau norugamu, rongona tu kalina amu botsa amu petsakoe mamu muria moa nimui papada segeni. Aia nogo na rongona ti au gini tau tsarivulagi vanigamu na omea girani.

Isaia 24:16

!Kamu rorongo! E tû tana vovosana na barangengo igira na tinoni ara linge mara tsaria, “Tsonikaea na Taovia, aia e gotolaka saikesa nina sasaga!” Minau au tsaria, “Inau moa e utu kau mage. Au padasavi sosongo mau ngaoa moa kau mate, rongona au reigira na tinoni ara naua moa na sasaga tabaruga, mara perobulesigira mara sekoliginigira lê na tinoni tavosi.

Isaia 24:5

Igira segeniqira nogo na tinoni ara naqugasia na barangengo tana kutsiana nina ketsa ma nina vali God, ma na tau manaliana niqira tabana na vaitasogi God e naua kolugira me ngaoa ke totu saviliu.

Roma 5:14

Me tuu i konina a Adam, me tsaumai i konina a Moses, na mate e tagaovi kaputigira na tinoni sui, atsa moa ti igira ara tau sasi vaga a Adam e naua kalina aia e petsakoe me peaa na vali God e molovania. Ma Adam e mala nununa aia kesa sauba ke labamai i murina aia.

Jeremia 34:18

Eo, igira na tinoni lokiloki tana Juda mi Jerusalem, kolugira na maneaqo tana valena na taovia tsapakae, migira na manetabu, migira sui na ida, ara aqosia kesa na vaitasogi koluau, mara kakaisiginia na liu i ka levugaqira ruka na turina na buluka mane ara putsivotâ. Bâ, mi muri ara tû mara kutsia niqira tabana na vaitasogi mara tau goto manalia na vovorona. Me vaga ia, minau sauba kau nauvanigira na tinoni girani na omea vaga ara naua vania na buluka mane ia.

Na Vaolusi Ketsa 31:20

Inau sauba kau adibagira tana kao lakataga dou vaga au vekenogoa vanigira na mumuaqira. Me sauba kara totu dou i tana, ma kara tamanina pipi sui na mutsa igira ara ngaoa. Me atsa moa ke vaga ia, migira sauba kara piloligi taniau, ma kara ba samasama vanigira na god peropero. Sauba kara sove taniau moa inau, ma kara tau manalia niqira tabana na vaitasogi ara naukoluau,